«Барномаи рушди нақлиёти барқӣ дар Тоҷикистон барои солҳои 2022-2026» қабул мегардад
ДУШАНБЕ, 22.04.2022 /АМИТ «Ховар»/. Лоиҳаи «Барномаи рушди нақлиёти барқӣ дар Тоҷикистон барои солҳои 2022-2026» дар ҷаласаи Комиссияи байниидоравии машваратӣ дар соҳаи нақлиёти автомобилӣ, ки таҳти раёсати Вазири нақлиёти кишвар Азим Иброҳим бо иштироки намояндагони вазорату идораҳо, сохторҳои давлатии марбута ва кормандони маҷмааи нақлиёт доир гардид, баррасӣ шуд, иттилоъ медиҳад АМИТ «Ховар» бо истинод ба Вазорати нақлиёти мамлакат.
Вазири нақлиёт зикр намуд, ки таҳияи «Барномаи рушди нақлиёти барқӣ дар Ҷумҳурии Тоҷикистон барои солҳои 2022-2026» аз Паёми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Парлумони мамлакат сарчашма мегирад. Лоиҳа аз ҷониби Вазорати нақлиёт таҳия гардида, 1 апрели соли 2022 барои баррасию мувофиқа ба вазорату идораҳои дахлдор равон гардид, ки онҳо хулосаҳояшонро ба Вазорати нақлиёт пешниҳод намуданд.
Дар ҷаласа сардори Раёсати нақлиёти рӯизаминии Вазорати нақлиёт Фаррух Неъматзода бо дарназардошти хулосаҳои ирсолгардида аз вазорату идораҳои дахлдор лоиҳаи мазкурро тавзеҳ дод.
Фароҳам овардани самти нави рушди иқтисодӣ дар заминаи ташаккули саноати мошинсозӣ- истеҳсоли нақлиёти барқӣ, муҳайё намудани шароити мусоид барои зиёд кардани нақлиёти барқии истифодашаванда, васеъ намудани инфрасохтори нақлиёти барқӣ ва кам кардани таъсири манфӣ ба муҳити зист ҳадафҳои асосии барнома мебошанд.
Барнома аз 9 боб иборат буда, доир ба мазмун ва самтҳои мухталифи он маълумот дода шуд.
Зикр шуд, ки бо дарназардошти пешниҳодот ба лоиҳа тағйирот ворид гардида, аз ҷониби комиссияи корӣ бори дигар мавриди баррасӣ қарор мегирад.
АКС: Вазорати нақлиёти Тоҷикистон
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
Кормандони соҳаи геология ва кӯҳкорӣ 35-солагии Истиқлоли давлатиро ботантана таҷлил намуданд
