ЧИН НИЯТ ДОРАД БА ТОҶИКИСТОН ДАР САНОАТИКУНОНИИ БОСУРЪАТ ВА БАЛАНД БАРДОШТАНИ ДАРАҶАИ ТАҶДИДИ СОҲАИ КИШОВАРЗӢ КУМАК РАСОНАД. Дар ин бора Вазири корҳои хориҷии Чин Ван И изҳори назар намуд
ДУШАНБЕ, 04.04.2022 /АМИТ «Ховар»/. Чин ният дорад, ки дар якҷоягӣ бо Тоҷикистон ба сохтмони босифати «Камарбанд ва роҳ», инчунин саноатикунонии босуръат ва баланд бардоштани сатҳи навсозии соҳаи кишоварзии Тоҷикистон мусоидат намояд. Дар ин бора узви Шӯрои давлатӣ, Вазири корҳои хориҷии Ҷумҳурии Мардумии Чин Ван И дар мулоқот бо Вазири адлияи Тоҷикистон Музаффар Ашӯриён изҳори назар намуд. Тавре АМИТ «Ховар» хабар медиҳад, дар ин бора агентии иттилоотии давлатии «Синхуа» иттилоъ дод.
Тавре қаблан АМИТ «Ховар» хабар дода буд, мулоқоти ду вазир 31 март дар ҳошияи нишасти 3-юми вазирони корҳои хориҷии кишварҳои ҳамсояи Афғонистон дар Тунси (музофоти Анҳой, Чини Шарқӣ) баргузор шуд.
Ба гуфтаи Ван И, Чин аз Тоҷикистон дар ҳифзи истиқлолият, соҳибихтиёрӣ ва амният, инчунин ноил шудан ба ҳадафҳои муайяншудаи рушд пуштибонии қатъӣ мекунад.
Чин омода аст шарики боэътимоди стратегии Тоҷикистон бошад. Ҷониби Чин ният дорад, ки дар якҷоягӣ бо Тоҷикистон ба сохтмони босифати «Камарбанд ва роҳ» мусоидат намуда, ба Тоҷикистон дар саноатикунонии босуръат ва баланд бардоштани сатҳи таҷдиди соҳаи кишоварзӣ мусоидат намояд, гуфт Ван И.
Чин ба ташкили коргоҳи Лу Бан дар Тоҷикистон суръат мебахшад, то ба омӯзиши мутахассисон ва табодули дӯстона миёни ҷавонони ду кишвар мусоидат кунад, изҳор дошт Ван И ва афзуд, ки ҳамкорӣ дар мубориза бо пандемия таҳким хоҳад ёфт.
Музаффар Ашӯриён гуфт, ки Тоҷикистон барои густариши ҳамкории ҳамаҷониба бо Чин саъй дорад. Тоҷикистон омода аст ҳамкориро дар чаҳорчӯби «Камарбанд ва роҳ» амиқтар ва дар заминаи сармоягузорӣ, энергетика ва иқтидори истеҳсолӣ густариш диҳад. М.Ашуриён ба Чин барои дастгирии қавии Тоҷикистон дар мубориза бо пандемия изҳори сипос намуда, афзуд, ки Тоҷикистон омода аст ҳамкориро бо Чин дар соҳаи тибби анъанавӣ тақвият диҳад.
Ҷонибҳо ба тавофуқ расиданд, ки ҳамкориро дар заминаи амният, мубориза бо «се қувваи бадӣ» (терроризм, ҷудоихоҳӣ ва ифротгароӣ), инчунин мубориза бо ҷиноятҳои муташакили фаромарзӣ ба манзури таъмини суботи минтақа густариш диҳанд.
АКС: Синхуа
Томас Мануэл: «Тоҷикистон дар самти мушкилиҳои марбут ба обу иқлим давлати пешсаф муаррифӣ гардидааст»
КОНФРОНСИ ЧОРУМИ БАЙНАЛМИЛАЛИИ САТҲИ БАЛАНД ДАР ДУШАНБЕ. Беш аз 100 хабарнигори расонаҳои бонуфузи хориҷӣ рафти онро инъикос мекунанд
Мартин Чунгонг: «Ташаббуси Президенти Тоҷикистон оид ба дипломатияи об сазовори дастгирӣ дар ҳама сатҳҳо мебошад»
Донишгоҳи сулҳи СММ саҳми Президенти Тоҷикистон Эмомалӣ Раҳмонро дар сулҳ, рушди устувор ва ҳамкории минтақавӣ қадрдонӣ намуд
Тшилидзи Марвала: «Пешсафии Эмомалӣ Раҳмон дар соҳаи энергияи «сабз» ҷомеаи ҷаҳонро илҳом мебахшад»
РАВАНДИ ОБИ ДУШАНБЕ. Пойтахти Тоҷикистон ба маркази байналмилалии муколамаи глобалӣ оид ба масъалаҳои об табдил меёбад
Ҳамкории мутақобилан судманди Тоҷикистону Корея дар соҳаи маъданҳои муҳим баррасӣ гардид
Сироҷиддин Муҳриддин бо як гурӯҳ аз сафирони давлатҳои иштирокдори САҲА мулоқот намуд
Сарвазири Тоҷикистон Қоҳир Расулзода дар ҷаласаи Шурои сарони ҳукуматҳои кишварҳои иштирокдори ИДМ иштирок намуд
Президенти Туркманистон Сердар Бердимуҳамедов бо Сарвазири Тоҷикистон Қоҳир Расулзода мулоқот намуд
Сафири Тоҷикистон Зубайдулло Зубайдзода бо Валиаҳди Давлати Кувайт мулоқот намуд
Раванди татбиқи лоиҳаҳои Швейтсария дар Тоҷикистон баррасӣ гардид
