Дар Лахш оид ба тарбияи ҳарбӣ-ватандӯстӣ, тарғиби фарҳанги миллӣ ва пешгирии майли бегонапарастӣ ҳамоиш доир шуд

Апрель 22, 2022 09:26

ЛАХШ, 22.04.2022 /АМИТ «Ховар»/. Тарбияи ҳарбӣ-ватандӯстӣ, тарғиби фарҳанги миллӣ ва пешгирии майли бегонапарастӣ, муборизаи идеологӣ бар зидди терроризм, экстремизм ва амсоли инҳо аз самтҳои аввалиндараҷаи тарбияи насли ҷавон ба шумор рафта, омӯзгорон ва падару модарон бояд насли ҷавонро дар рӯҳияи ватандӯсию хештаншиносӣ тарбия намоянд. Ин матлаб зимни мулоқоте, ки дар толори Мақомоти иҷроияи ҳокимияти давлатии ноҳияи Лахш ҷиҳати шарҳу тафсири Паёми навбатии Президенти Ҷумҳурии Тоҷикистон муҳтарам Эмомалӣ Раҳмон доир шуд, баён гардид, хабар медиҳад мухбири минтақавии АМИТ «Ховар» Субҳониддини МАҲМУД.

Дар ҷамъомад дар баробари тавзеҳи нуктаҳои асосии Паёми навбатии Пешвои миллат ҳамзамон вобаста ба ҷоннок намудани кори таълиму тарбия, риояи талаботи қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», «Дар бораи танзими анъана ва ҷашну маросим дар Ҷумҳурии Тоҷикистон» ва пешгирии гаравиши ҷавонон ба гурӯҳҳои ифротӣ сухан гуфтанд.

Раиси ноҳияи Лахш Файзулло Баротзода иброз намуд, ки «Паёми навбатии Пешвои миллат муҳтарам Эмомалӣ Раҳмон ҳуҷҷати стратегӣ буда, иҷрои он омили пешравии босуръати иқтисодию иҷтимоӣ ва фарҳангии мамлакат мебошад. Ҷавонон ояндаи давлату миллат, қувваи пешбарандаи ҷомеа ва захираи стратегии давлату Ҳукумати мамлакат ба ҳисоб мераванд, аз ин рӯ волидон, омӯзгорон ва аҳли ҷомеаро зарур аст, ки ба тарбияи дурусти онҳо таваҷҷуҳи хосса зоҳир намоянд. Ҷавононро бояд тавре тарбия намоем, ки онҳо дар дигаргунсозиҳои ҷомеаи навин фаъолона иштирок карда, дар муаррифии давлати миллӣ, ҳифзи арзишҳои истиқлоли давлатӣ ва рушди Тоҷикистон саҳми назаррас гузоранд».

Ёдовар мешавем, ки дар ҳамоиш роҳбарони ноҳия, кормандони мақомоти ҳифзи ҳуқуқ, омӯзгорони муассисаҳои таълимӣ, фаъолони ҷомеа ва падару модарон иштирок намуданд.

АКСҲО: Мақомоти иҷроияи ҳокимияти давлатии ноҳияи Лахш

Апрель 22, 2022 09:26

Хабарҳои дигари ин бахш

Дар Швейтсария либосҳои миллӣ ва ҳунарҳои мардумии Тоҷикистон муррифӣ шуданд
САҲМ ГУЗОШТАН ДАР ОБОДОНИИ ВАТАН НИЗ ИБОДАТ АСТ. Сокини ноҳияи Айнӣ ба ҷойи адои ҳаҷҷи фарзӣ барои ҳамдеҳагонаш пули дарозиаш 6 метр сохт
Имрӯз дар Тоҷикистон ҳаво 23 дараҷа гарм мешавад
Дар ноҳияи Фирдавсии шаҳри Душанбе ташкилоти ҳизбии «Арвис» таъсис ёфт
Дар Суғд таҳкими муносибатҳои дӯстонаи Тоҷикистон ва Русия баррасӣ гардид
«ШАҲРИ МАН – ХОНАИ МАН». Дар ноҳияи Шоҳмансури шаҳри Душанбе 15 000 бех гули ороишии мавсимӣ шинонида шуд
Имрӯз дар Тоҷикистон ҳаво тағйирёбандаи бебориш мешавад
Дар Кумитаи ҳолатҳои фавқулода бо намояндаи Агентии давлатии назорати молиявӣ ва мубориза бо коррупсияи Тоҷикистон вохӯрӣ доир гардид
Имрӯз дар Тоҷикистон ҳаво 24 дараҷа гарм мешавад
Гурӯҳҳои корӣ ба сокинони шаҳри Роғун муҳтавои суханронии Президенти Тоҷикистон муҳтарам Эмомалӣ Раҳмонро фаҳмониданд
Дар Донишгоҳи давлатии Хоруғ бахшида ба Рӯзи ҳифзи пиряхҳо омӯзиши илмӣ – назариявӣ баргузор гардид
Имрӯз дар Тоҷикистон ҳавои тағйирёбандаи бебориш мешавад