Дар ноҳияи Шамсиддини Шоҳин маъракаи даъват дар рӯзи аввал ба анҷом расид

ДУШАНБЕ, 01.04.2022 /АМИТ «Ховар»/. Имрӯз фарзандони ғаюру ватандӯсти ноҳияи Шамсиддини Шоҳин дар баробари дигар даъватшавандагону муҳофизони марзу бум ба хизмати аскарӣ гусел гардида, дар рӯзи аввали даъват ноҳия дар доираи тадбирҳои роҳандозишудаи Мақомоти иҷроияи ҳокимияти давлатӣ ва дигар сохторҳои марбута аз иҷрои саривақтии ин рисолати таърихии ватандорӣ дар сатҳи ҷумҳурӣ мужда дод.

Тавре ба АМИТ «Ховар» дар Мақомоти иҷроияи ҳокимияти давлатии ноҳияи мазкур хабар доданд, ҷавонони ватандӯсту шуҷои ноҳияи Шамсиддини Шоҳин барои адои хизмати ҳарбӣ бо хоҳиши худ ба комиссариати ҳарбии ноҳия ҳозир шуда, аз Комиссияи тиббӣ гузаштанд. Дар ноҳия дар рӯзи аввали даъват нақшаи даъвати ҷавонон ба сафи Қувваҳои мусаллаҳи кишвар пурра иҷро шуд. Шумораи наваскароне, ки ба комиссариати ҳарбии вилоят сафарбар карда шуданд, ба 70 нафар расид, ки тибқи нақша аз 100  фоиз зиёд аст.

Тайи чанд соли охир масъалаи даъват ба сафи Артиши миллии Ҷумҳурии Тоҷикистон бо назардошти риоя ва амалӣ сохтани корҳои оммафаҳмонӣ миёни аҳолӣ ҳалли дурусти худро ёфта, шумораи ихтиёриён бобати сафарбар гардидан ба хизмати ҳақиқии аскарӣ аз ҳисоби ҷавонони ватандӯсти ноҳия тамоюли афзоиш дорад.

Воқеан дар натиҷаи андешидани тадбирҳои мушаххас аз ҷониби Роҳбарияти lasix-info.net сиёсии кишвар ва Ҳукумати Ҷумҳурии Тоҷикистон шароити маишии сарбозон дар қисмҳои низомӣ сол аз сол беҳтар гардида, заминаҳои моддию техникии Артиши миллии Ҷумҳурии Тоҷикистон мустаҳкам мегардад.

АКС аз бойгонӣ