Дар соҳилҳои Сирдарё ва «Баҳри Тоҷик» амалиёти назоратӣ гузаронида шуд
ДУШАНБЕ, 18.04.2022 /АМИТ «Ховар»/. Зимни гузаронидани амалиёти шабонарӯзӣ аз ҷониби кормандони бахши ҳифзи муҳити зисти ноҳияи Ҷаббор Расулов дар ҳамкорӣ бо аъзои ҷамъияти шикорчиён ва моҳидорони ноҳия дар соҳили Сирдарё, минтақаи Туқай ва Ҷамоати деҳоти Деҳмой беш аз 170 метр тӯри моҳигирӣ дарёфт ва мусодира гардид, иттилоъ медиҳад АМИТ «Ховар» бо истинод ба Кумитаи ҳифзи муҳити зисти назди Ҳукумати ҷумҳурӣ.
Амалиёт бо мақсади ҳифзи захираҳои моҳӣ дар давраи тухмгузории соли 2022 дар асоси фармоишҳои раиси Кумитаи ҳифзи муҳити зисти назди Ҳукумати ҷумҳурӣ ва сардори Сарраёсати ҳифзи муҳити зист дар вилояти Суғд гузаронида шуд.
Чунин амалиёти фаврӣ аз тарафи нозирони шуъбаи назорати давлатии истифода ва ҳифзи олами наботот, ҳайвонот ва захираҳои моҳии Сарраёсати ҳифзи муҳити зист дар вилояти Суғд дар болооби обанбори «Баҳри Тоҷик» гузаронида шуд. Дар ҷараёни амалиёт дар минтақаҳои Конибодом ва Ашт зиёда аз 2500 метр тӯри моҳигирӣ дарёфт ва нест карда шуд.
Сарчашма хабар медиҳад, ки новобаста аз давраи манъи сайди моҳӣ баъзе шаҳрвандон ба қуруқшиканӣ роҳ дода, дар ин маҳал аз воситаҳои манъшуда, ба монанди тӯрҳои моҳигирӣ истифода менамоянд.
АКСҲО: Кумитаи ҳифзи муҳити зисти назди Ҳукумати Ҷумҳурии Тоҷикистон
ҲХДТ ба вакилии Маҷлиси намояндагон дар ҳавзаи интихоботии якмандатии Ҳамадонӣ, №35 номзад пешбарӣ намуд
Имрӯз дар баъзе ноҳияҳои Тоҷикистон туман мефарояд
Аз ҳавзаи якмандатии Исфара, №20 номзад ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ гардид
Бозорҳо, хатсайрҳо, терминалҳо: МегаФон Тоҷикистон шабакаи толорҳои алоқаи худро васеъ намуд
ҲХДТ дар ҳавзаи интихоботии якмандатии Муъминобод, №38 номзад пешниҳод намуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Мулоқоти сеҷонибаи сарвазирони Тоҷикистон, Узбекистон ва Қирғизистон баргузор гардид
Сӯхтори ҷангал дар Калифорния беш аз 300 гектарро фаро гирифтааст
Лондон аз рӯи танбашавии нақлиёт байни шаҳрҳои Аврупо дар ҷойи якум қарор гирифт
Дар натиҷаи заминларза дар Ситсзан дар ҷанубу ғарби Чин 126 нафар ҳалок гардид
Имрӯз дар ноҳияҳои алоҳидаи кӯҳии Тоҷикистон барф меборад
Фаронсаро тӯфони «Флориан» фаро гирифтааст
