Доир ба ҳифзи гуногунии биологӣ ва нақши фарҳанги биологӣ дар рушди Тоҷикистон ҳамоиш доир шуд

Апрель 19, 2022 09:13

ДУШАНБЕ, 19.04.2022 /АМИТ «Ховар»/. Дар доираи «Барномаи рушди соҳаи ҷангал барои солҳои 2022-2026» ва нақшаи чорабиниҳо оид ба амалисозии барномаи мазкур дар заминаи осоишгоҳи Шоҳамбарӣ (Сатурн)-и шаҳри Ҳисор таҳти унвони «Ҳифзи гуногунии биологӣ ва фарҳанги биологӣ барои рушди устувори Ҷумҳурии Тоҷикистон» бахшида ба поси хотири яке аз донишмандон ва ҳифзкунандагони гуногунии биологии Тоҷикистон, номзади илмҳои биологӣ, директори Маркази илмии Хатлон оид ба гуногунии биологии Академияи миллии илмҳои Тоҷикистон Тилло Бобоев ҳамоиш доир гардид.

Тавре мудири озмоишгоҳи Институти ботаника, физиология ва генетикаи растании АМИТ, доктори илмҳои кишоварзӣ Қурбоналӣ Партоев ба АМИТ «Ховар» иттилоъ дод, дар ҳамоиш мавзӯъҳои эҳё ва ҳифзи мероси фарҳангӣ ва табиии тоҷикон, захираҳои генетикии кишоварзӣ ҳамчун сарвати бебаҳои миллӣ ва ғайра баррасӣ шуданд.

Дар ҳамоиш филми ҳуҷҷатии «Ёддошт» оид ба ҳаёт ва фаъолияти илмии Тилло Бобоев манзури ҳозирин гардонида шуд.

Дар ҷараёни ҳамоиш якчанд филмҳои дигар пешниҳод шуданд, ки ҳадафи аслии онҳо тарбияи насли наврас ва аъзои ҷомеа дар кори  ҳифзи гуногунии биологӣ ва анъанаҳои мардумӣ дар оянда арзёбӣ мегардад.

Дар ҳамоиш зиёда аз 50 нафар мутахассисон ва кишоварзон, намояндагони вазорату идораҳо, ташкилоти ҷамъиятӣ, бахши хусусӣ, ташкилоти академӣ ва илмӣ, намояндагони Маркази миллии ҷумҳуриявии захираҳои генетикӣ, Институти ботаника, физиология ва генетикаи растании АМИТ, Институти боғпарварию сабзавоткории Академияи илмҳои кишоварзии Тоҷикистон иштирок намуданд.

Ҳадафи аслии ҳамоиш- тарғиб, эҳё ва ҳифзи гуногунии биологӣ, мероси фарҳангӣ, фолклорӣ ва тарбияи эстетикии ҷавонон дар оянда арзёбӣ гардида, махсусан ёддоштҳо аз фаъолияти илмию амалӣ, нақш ва хизматҳои олими тоҷик Тилло Бобоев дар ташкили Боғи ботаникии Кӯлоб ҳанӯз соли 1985 хеле арзишманд буданд.

Тазаккур дода шуд, ки маҳз бо шарофати фаъолияти мақсаднок ва хунармандонаи коргарони боғи ботаникӣ бо сарварии Тилло Бобоев замини хушки биёбон ба минтақаи ҳамешасабзу шодмон табдил ёфт.

Айни замон майдони боғ ҳудуди 18 гектарро ишғол намуда, дар он зиёда аз 2500 намуди растаниҳои гуногун, буттаҳо, дарахтони ҷангал ва сӯзанбарг, гиёҳҳои шифобахш, флораи эндемикии ороишӣ, ки аз ҷониби Тилло Бобоев ва кормандони боғ аз гӯшаю канори Тоҷикистон ва мамлакатҳои ҷаҳон ҷамъоварӣ шудаанд, нигоҳубин ва парвариш мешаванд.

Ҳоло боғи ботаникӣ мавзеи шукуфон ва зебои Тоҷикистон буда, ҳамасола аз он беш аз 1000 нафар сайёҳон, донишҷӯён, олимон аз саросари ҷаҳон дидан мекунанд. Нақши вижаи боғи ботаникӣ ҳамчун озмоишгоҳи табиӣ дар ҷануби Тоҷикистон аз он иборат аст, ки дар он ҷо дарсҳо барои омӯзонидани насли наврас оид ба масъалаҳо, таҷриба ва малакаҳои ҳифзи гуногунии биологӣ ва биологии фарҳангӣ дар оянда гузаронида мешаванд. Бояд гуфт, ки Тоҷикистон аз ҷиҳати миқдори шаклҳои эндемикии растаниҳо дар Осиёи Миёна яке аз ҷойҳои аввалро ишғол мекунад.

АКС: Институти ботаника, физиология ва генетикаи растании АМИТ

Апрель 19, 2022 09:13

Хабарҳои дигари ин бахш

КӢ ХОДИМИ ДИН ШУДА НАМЕТАВОНАД. Парлумони Тоҷикистон ба қонун дар бораи озодии виҷдон ва иттиҳодияҳои динӣ тағйирот ворид намуд
Наврасони Хоруғ ба лагери дараи Ромити шаҳри Ваҳдат раҳсипор гардиданд
Дар Душанбе «Барномаи давлатии рушди ғизои мактабӣ дар Ҷумҳурии Тоҷикистон барои солҳои 2022-2027» муаррифӣ шуд
13 деҳаи ноҳияи Файзобод бо фарогирии 19717 нафар аҳолӣ бо оби тозаи нӯшокӣ таъмин карда мешаванд
Музаффар Ашуриён дар Форуми 10-уми байналмилалии ҳуқуқӣ дар Санкт-Петербург иштирок дорад
Омӯзгорону касбомӯзони «Маркази таълими калонсолони Тоҷикистон» барои ҳайати Узбекистон дарси маҳорат гузарониданд
Дар Ҷамоати деҳоти Ворухи Исфара пас аз офати табиӣ дастрасӣ ба оби нӯшокӣ ва полезӣ таъмин гардид
МОҲИ ИЮЛ ТОҶИКИСТОНИЁНРО ЧӢ ГУНА ҲАВО ИНТИЗОР АСТ? Ба ин суоли АМИТ «Ховар» муовини Директори Агентии обуҳавошиносӣ Ҷамила Байдуллоева посух дод
ЭҲТИЁТ ШАВЕД, «ЧИЛЛА»-И ТОБИСТОН! Дар Тоҷикистон ин рӯзҳо ҳарорати ҳаво то ба 45 дараҷа мерасад
Дар ноҳияи Кӯшониён пули дарозиаш 85-метра ба истифода дода шуд
Корҳои кашидани хатти оби нушокӣ аз деҳаи Калтачинор ба маркази ноҳияи Балҷувон оғоз гардиданд
Ба Тоҷикистон беш аз 200 ҳазор воя ваксинаи намуди «Pfizer» ворид карда шуд