Ноҳияи Шуғнон ба хати ягонаи барқии Тоҷикистон пайваст шуд
ХОРУҒ, 30.04.2020 /АМИТ «Ховар»/. Ноҳияи Шуғнон низ ба ҳалқаи ягонаи барқии вилоят ва аз тариқи он ба хати барқии мамлакат пайваст шуд. Чунин имконият пас аз мавриди баҳрабардорӣ қарор гирифтани зеристистгоҳи деҳаи Бунии Ҷамоати деҳоти ба номи Мирзоҷон Ширинҷонов, таъмиру таҷдиди пурраи он ва насби 86 сутунпояҳои оҳанини хати интиқоли барқи 110 кВ дар масофаи 19,5 км ба даст оварда шуд, иттилоъ додааст мухбири минтақавии АМИТ «Ховар» Файз МИРАСАН.
Ин лоиҳа мутобиқи созишномаи Ҳукумати Ҷумҳурии Тоҷикистон ва Бунёди байналмилалии ПАТРИБ бо харҷи 4 миллион евро амалӣ гардида, дар доираи ҳамин лоиҳа се деҳаи вулусволии Шуғнони Ҷумҳурии исломии Афғонистон бо фарогирии 375 хоҷагӣ бори аввал ба неруи барқ дастрасӣ пайдо намуданд. Дар марҳилаи дуюми татбиқи ин лоиҳа бо неруи барқ таъмин намудани боз як деҳаи дигари кишвари ҳамсоя дар назар дошта шудааст. Фармоишгари лоиҳаи мазкур ширкати «Помирэнерҷӣ» ва пудратчӣ «Бадахшон ТАДЕС» мебошанд.
Раиси ноҳияи Шуғнон Ҷумъа Ҷумъазода дар расми ифтитоҳи зеристгоҳ ва хати нави интиқоли барқ изҳор намуд, ки «маҳз бо шарофати сиёсати дарҳои бози Ҳукумати ҷумҳурӣ батадриҷ сокинони кишвар ба неруи кофии барқ дастрасӣ пайдо намуда, дар фасли гармо кишварҳои ҳамсояро низ аз мушкилоти бебарқӣ раҳоӣ мебахшанд. Маҳз бо талоши пайвастаи Пешвои миллат дар даврони соҳибистиқлолӣ 287 неругоҳҳои хурду бузург, 1,5 ҳазор километр хатҳои интиқоли барқи баландшиддат, 50 зеристгоҳҳои баландшиддати барқӣ бунёду таҷдид ва дар маҷмӯъ 75 дарсади инфрасохтори ҷумҳурӣ навсозӣ гардид. Бо ба вуҷуд овардани иқтидорҳои фаровони энергетикӣ имконияти таъсиси корхонаҳои нави саноатӣ, афзоиши истихроҷу коркарди сарватҳои зеризаминӣ ва ба ин васила таъсис додани ҳазорон ҷойҳои нави корӣ имконпазир мегардад».
Раиси ноҳия гуфт, ки мутобиқи маълумот, имрӯз дар мамлакат 98 дарсади неруи барқ аз манбаъҳои барқароршавандаи энергия, асосан бо истифода аз неруи об тавлид мегардад.
Тоҷикистон аз рӯи истеҳсоли «энергияи сабз» кишвари шашуми пешсаф дар ҷаҳон ба шумор меравад.
АКС: АМИТ «Ховар»
Дар Хуҷанд вобаста ба масъалаҳои мубрами маърифати ҳуқуқӣ дар шароити муосир конференсия баргузор гардид
Дар шаҳри Бӯстон ҷаласаи гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
