«САЙРИ ГУЛИ ЛОЛА». Дар Суғд дуюмин фестивали вилоятӣ пуршукӯҳ доир шуд
ДУШАНБЕ, 01.03.2022 /АМИТ «Ховар»/. 31 март дар Боғи фарҳангӣ — фароғатии «Темурмалик-и шаҳри Гулистон дуюмин фестивали вилоятии «Сайри гули лола» пуршукӯҳ доир гардид. Дар ин бора ба АМИТ «Ховар» дар Хадамоти матбуоти Раиси вилояти Суғд хабар доданд.
Дар фестивали мазкур сардори Раёсати маорифи вилояти Суғд Осим Каримзода, директори Маркази таҳсилоти иловагии вилояти Суғд Фирдавс Ашӯрматов, мудири шуъбаи маорифи шаҳри Гулистон Нурмуҳаммад Мирзозода иштирок намуданд.
Меҳмонон аз растаҳои намоиши дастранҷи аъзои маҳфилҳои марказҳои таҳсилоти иловагии шаҳру ноҳияҳои вилояти Суғд дидан намуда, ба кори эҷодии хонандагони муассисаҳои таълимии вилоят баҳои баланд доданд. Ҳамзамон дар канори боғ озмуни расми беҳтарин дар мавзӯи «Лолаи хушранги Тоҷикистон» баргузор гардида, иштирокчиёни озмун маҳорати рассомии хешро пешниҳод намуда, дар мавзӯи муайянгардида расм кашиданд.
Сипас барномаи рангини фарҳангии аъзои маҳфилҳои бадеии Маркази таҳсилоти иловагии вилояти Суғд ба намоиш гузошта шуд.
Хонандагон либосҳои тарҳрезинамудаи худро дар акси лола муаррифӣ намуда, ҳамзамон дар васфи Ватан, Тоҷикистон, Наврӯз, лола шеъру сурудҳо қироат намуданд.
Воқеан боғи мазкур, ки бо ҳузури Пешвои миллат муҳтарам Эмомалӣ Раҳмон чанде пеш мавриди истифода қарор дода шуда буд, ба базмгоҳи шодиву сурури кӯдакон мубаддал гардид. Ҳамзамон кӯдакон аз имконияти боғи мазкур истифода намуда, хушҳолӣ карданд.
Дар хатми фестивал иштирокчиёни фаъол бо Диплом ва туҳфаҳои хотиравии Раёсати маорифи вилояти Суғд ва Маркази таҳсилоти иловагии вилояти Суғд қадршиносӣ гардиданд. Дар даври вилоятии озмун беш аз ҳазор нафар хонандагони муассисаҳои таълими шаҳру ноҳияҳои вилоят иштирок намуданд.
АКСҲО: Хадамоти матбуоти Раиси в. Суғд
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
