Шараф Шерализода бо муовини парлумонии Вазири корҳои хориҷии Япония мулоқот намуд
ДУШАНБЕ, 21.04.2022 /АМИТ «Ховар»/. 20 апрел мулоқоти муовини Вазири корҳои хориҷии Ҷумҳурии Тоҷикистон Шараф Шерализода бо муовини парлумонии Вазири корҳои хориҷии Япония Хонда Таро дар Токио баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Зимни мулоқот ҷонибҳо вазъи кунунӣ ва дурнамои муносибатҳои дуҷониба ва роҳҳои рушди ҳамкории сиёсӣ, тиҷоратию иқтисодӣ, илмию фарҳангиро мавриди баррасӣ қарор доданд.
Ш.Шерализода ҳамтои худро бо ҷараёни омодагӣ ба баргузории Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018-2028», ки 6-9 июни 2022 дар Душанбе доир мегардад, шинос намуд.
Инчунин ҷонибҳо зарурати ҳамкории минтақавӣ дар чаҳорчӯби Муколамаи «Осиёи Марказӣ+Япония» ва таҳкими ҳамкорӣ дар сатҳҳои дуҷониба ва бисёрҷонибаро таъкид карданд.
Тавре қаблан АМИТ «Ховар» хабар дода буд, 23-24 апрел дар шаҳри Кумамотои Япония Саммити 4-уми оби кишварҳои Осиё ва Уқёнуси Ором баргузор мегардад, ки дар он ҳайати Тоҷикистон ҷиҳати муаррифии нақшу ҳадафҳои Конфронси дуюми байналмилалии сатҳи баланд оид ба Даҳсолаи байналмилалии амал “Об барои рушди устувор, солҳои 2018-2028” (6-9 июни соли 2022, Душанбе) ва Конфронси оби Созмони Милали Муттаҳид (марти 2023, Ню-Йорк) иштирок хоҳад кард.
АКС: ВКХ ҶТ
Қоҳир Расулзода: «Раёсати Тоҷикистон дар Созмони ҳамкории Шанхай ба иқтисод ва мавқеи ин созмони бонуфуз таҳким бахшид»
Дар Душанбе ҷаласаи Шурои сарони ҳукуматҳо (сарвазирон)-и давлатҳои аъзои Созмони ҳамкории Шанхай баргузор гардид
Имконоти сармоягузорӣ, тиҷорат ва соҳибкории Тоҷикистон дар расонаҳои Амороти Муттаҳидаи Арабӣ муаррифӣ гардиданд
Сафири Тоҷикистон бо Вазири фарҳанг, варзиш ва ҷавонони Умон вохӯрӣ намуд
Ҳамкории Тоҷикистону Миср дар соҳаи технологияи рақамӣ баррасӣ гардид
Сафири Тоҷикистон бо Вазири адлияи Кувайт мулоқот кард
Президенти Узбекистон Вазири корҳои хориҷии Тоҷикистонро ба ҳузур пазируфт
ТОҶИКИСТОН ВА СОЗМОНИ ҲАМКОРИИ ШАНХАЙ. Саҳми давлати мо дар таҳкими ҳамкории гуногунҷанба ва баланд бардоштани нуфузи созмон назаррас аст
Сироҷиддин Муҳриддин дар ҷаласаи вазирони корҳои хориҷии Осиёи Марказӣ ва Иёлоти Муттаҳидаи Амрико дар қолаби С5+1 иштирок кард
Сарвазири мамлакат Қоҳир Расулзода бо муовини Сарвазир – вазири корҳои хориҷии Покистон Исҳоқ Дор мулоқот намуд
Афзалияти ҷашни бостонии тоҷикон–Меҳргон тавассути воситаҳои ахбори оммаи Амороти Муттаҳидаи Арабӣ муаррифӣ гардид
Сарвазири Тоҷикистон бо муовини якуми Президенти Эрон мулоқот намуд
