Тоҷикистон ва Япония баргузории ҳамоишҳои соҳибкорон ва амалисозии лоиҳаҳои сармоягузориро баррасӣ карданд
ДУШАНБЕ, 21.04.2022 /АМИТ «Ховар»/. 20 апрел дар Токио вохӯрии муовини Вазири корҳои хориҷии Ҷумҳурии Тоҷикистон Шараф Шерализода бо Директори иҷроияи Ассотсиатсияи тиҷорат бо Русия ва кишварҳои Иттиҳоди Давлатҳои Мустақил (ROTOBO) Казухико Акашӣ баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Зимни мулоқот ҷонибҳо оид ба сатҳи кунунии муносибатҳои тиҷоратию иқтисодӣ, лоиҳаҳои сармоягузорӣ, инчунин ташкил ва баргузории ҳамоишҳои соҳибкорон, семинарҳо ҷиҳати амалисозии баъдии лоиҳаҳои сармоягузорӣ дар Тоҷикистон табодули афкор намуданд.
Ассотсиатсияи Япония оид ба тиҷорат бо Русия ва кишварҳои нави соҳибмустақил NIS 16 январи соли 2008 таъсис ёфтааст. ROTOBO як ташкилоти нодири савдои Япония аст, ки ба рушди тиҷорат машғул буда, дорои тақрибан 200 ширкати узв, аз ҷумла ширкатҳои тиҷоратӣ, бонкҳо ва истеҳсолкунандагон мебошад.
Ёдовар мешавем, ки 15 апрел ҷаласаи 8-уми вазирони корҳои хориҷии кишварҳои узви Муколамаи «Осиёи Марказӣ + Япония» дар шакли видеоконференсия баргузор гардид, ки дар он Вазири корҳои хориҷии Тоҷикистон Сироҷиддин Муҳриддин иштирок намуд.
Дар ҷараёни ҷаласа вазирони корҳои хориҷии кишварҳои узви Муколама масъалаҳои тавсеаи ҳамкории Осиёи Марказӣ бо Япония, 30-солагии истиқрори муносибатҳои дипломатӣ, мубориза бо ҳамагирии COVID-19, таҳкими ҳамкорӣ барои назорати сарҳад, татбиқи ҳадафҳои рушди устувор дар минтақа ва таҳкими муносибатҳои байналмилалӣ ва минтақавиро мавриди баррасӣ қарор доданд.
Зикр гардид, ки Тоҷикистон барои рушд ва татбиқи лоиҳаҳои гуногун дар соҳаҳои кишоварзӣ, маориф, энергетика, саноат, тандурустӣ, нақлиёт, сайёҳӣ ва технологияҳои муосир ҷиҳати ноил шудан ба ҳадафҳои рушди устувор бо Япония ҳамкории хуб ба роҳ мондааст.
Дар фарҷоми нишасти мазкур ҷонибҳо омодагии худро ҷиҳати идомаи ҳамкории судманд дар доираи Муколамаи «Осиёи Марказӣ+Япония» изҳор намуданд.
АКС: ВКХ ҶТ
Машваратҳои сиёсӣ байни вазоратҳои корҳои хориҷии Тоҷикистон ва Индонезия баргузор гардиданд
Дар Душанбе ҷаласаи навбатии комиссияи байниҳукуматии Тоҷикистону Эрон доир шуд
РАВАНДИ ОБИ ДУШАНБЕ. Сарвазири Тоҷикистон Конфронси чоруми байналмилалиро натиҷагирӣ намуд
РАВАНДИ ОБИ ДУШАНБЕ. Тоҷикистон мавқеи пешсафи худро дар пешбурди рӯзномаи ҷаҳонии об тасдиқ намуд
Умут Аҷар: «Дар Тоҷикистон чорабиниҳои байналмилалӣ дар сатҳи баланди ташкилӣ гузаронида мешаванд»
Сироҷиддин Муҳриддин: «Ҳамкории муассир ягона роҳи устувори ҳалли мушкилоти муштараки об мебошад»
РАВАНДИ ОБИ ДУШАНБЕ. Дар Душанбе ташаккули рӯзномаи ҷаҳонии об баъд аз соли 2030 баррасӣ шуд
Ҷонибек Ҳикмат: «Баргузории Конфронси сатҳи баланди оби Душанбе таҷассумгари саҳми шоистаи Тоҷикистон дар пешбурди рӯзномаи ҷаҳонии об мебошад»
РАВАНДИ ОБИ ДУШАНБЕ: Тоҷикистон ва СММ омодагиро барои баррасии ҷамъбастии Даҳсолаи байналмилалии амал оид ба об дар соли 2028 оғоз намуданд
Намояндаи Африқои Шимолӣ Мпҳепҳу Нндвелени: «Тоҷикистон пешоҳанги ҳалли масъалаҳои обу иқлим дар ҷаҳон аст»
РАВАНДИ ОБИ ДУШАНБЕ. Дар Душанбе ҷаласаҳои пленарӣ ва нишастҳои ҷамъбастии Конфронси чоруми байналмилалии сатҳи баланд баргузор мегарданд
РАВАНДИ ОБИ ДУШАНБЕ. Нақши рӯзномаи об дар равандҳои бисёрҷонибаи байналмилалӣ дар Душанбе баррасӣ шуд
