«ВАТАНПАРВАР». Маҳз чунин мусобиқот имкон медиҳанд, ки ҷавонон маҳорату малакаи ҳарбӣ-варзишии худро такмил диҳанд
ХОРУҒ, 22.04.2022. /АМИТ «Ховар»/. Бо ибтикори Муассисаи таҳсилоти иловагӣ ва бошгоҳи варзишию техникии Вилояти Мухтори Кӯҳистони Бадахшон даври вилоятии мусобиқаи ҳарбӣ-варзишии «Ватанпарвар» дар қисми низомӣ баргузор гардид, ки дар он муассисаҳои таълимии шаҳри Хоруғ ва ноҳияҳои Дарвозу Ванҷ, Шуғнону Рӯшон, Роштқалъаву Ишкошим ширкат намуданд. Мусобиқа бо ғалабаи дастаи шаҳри Хоруғ анҷом пазируфт, хабар медиҳад мухбири минтақавии АМИТ «Ховар» Файз МИРАСАН.
Иштирокчиёни озмун миёни ҳам оид ба намудҳои сафороӣ, ҷудо ва ба ҳам пайвастани ҷузъҳои автомати Калашников, тирпаронӣ, дорбозию танобкашӣ ва амсоли инҳо рақобат намуданд.
Мудири шуъбаи сайёҳии Муассисаи давлатии Маркази таҳсилоти иловагии вилоят Ҳуснигул Шерозова гуфт, ки «яке аз ҳадафҳои асосии мусобиқаи мазкур- ин баланд бардоштани рӯҳияи ватандӯстию хештаншиносӣ ва ба хизмати Ватан-Модар омода намудани насли наврас мебошад».
Дар мусобиқаи вилоятӣ ба ҷуз ноҳияи Мурғоб дигар аксари муассисаҳои таълимии вилоят ширкат намуда, миёни ҳам аз намудҳои мухталифи бозиҳои варзишӣ-ҳарбӣ рақобат карданд.
Шарти аввали мусобиқа сафороӣ буд, зеро хизмати ҳарбии худро наваскарон дар кулли қисмҳои низомӣ маҳз бо сафороӣ оғоз мекунанд. Аз ин рӯ, ҳар ҷавон пеш аз сафарбар шудан ба хизмати ҳарбӣ бо қадамзании бонизом, иҷрои амрҳои афсарон бояд аз наздик шиносоӣ дошта бошад. Маҳз чунин мусобиқаҳо имконият фароҳам меоранд, ки ҷавонон дониш ва маҳорату малакаи худро такмил диҳанд. Агар наврасон то хизмати ҳарбӣ доир ба тарзу амали сафороӣ ва дигар намудҳои ҳарбӣ-варзишӣ маълумоти ибтидоии назариявию амалӣ дошта бошанд, мушкилоти давраи аввали хизмати ҳарбиро ба осонӣ пушти сар мекунанд.
Мусобиқаи ҳарбӣ-варзишии «Ватанпарвар» бо пирӯзии дастаи мунтахаби шаҳри Хоруғ, ки асосан аз хонандагони Муассисаи давлатии Мактаби Президентии шаҳри Хоруғ иборат буд, ба поён расид.
Зимни супоридани ифтихорнома ва мукофоти пулӣ роҳбарони Маркази таҳсилоти иловагии вилоят ба масъулини Бошгоҳи варзишию техникӣ, комиссириати ҳарбии вилоят, афсарони қисми низомӣ ва омӯзгорони фанни дифои ҳарбӣ барои дар сатҳи баланд баргузор кардани озмун минатдорӣ баён карданд.
Изҳори умед карда шуд, ки дастаи мунтахаби шаҳри Хоруғ дар мусобиқаи ҷумҳуриявӣ низ маҳорату истеъдоди баланд нишон дода, соҳиби мақоми ифтихорӣ мегардад.
АКСҲО: АМИТ «Ховар»
Дар Душанбе масъалаи муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом баррасӣ гардид
Дар Хоруғ гурӯҳи кории корманд-занони мақомоти ҳифзи ҳуқуқ ва сохторҳои таъмини амният дар Бадахшон қадрдонӣ шуд
Дар Хатлон марҳилаи якуми амалиёти «Нелегал-2022» идома дорад
Ҷаласаи навбатии Шӯрои вазирони адлияи давлатҳои иштирокчии ИДМ дар Тоҷикистон доир мешавад
Музаффар Ашуриён бо Вазири адлияи Русия Константин Чуйченко мулоқот намуд
АМАЛИЁТИ «КОРД». Дар Душанбе фурӯшандагони силоҳи сард дастгир гардиданд
Бо мақсади баланд бардоштани маърифати ҳуқуқии афсарон ҳамоиши методӣ-таълимӣ баргузор гардид
ДАР АФҒОНИСТОН БОЗ МУСИБАТ. Бар асари заминларза беш аз ҳазор нафар ба ҳалокат расиданд, СММ аз ҷомеаи ҷаҳонӣ даъват кард, ки дар робита ба фоҷеа ба ин кишвар кумак намоянд
Қонуни Ҷумҳурии Тоҷикистон «Дар бораи истеҳсолоти иҷро» дар таҳрири нав таҳия гардид
ДАР АФҒОНИСТОН ЗАМИНЛАРЗАИ ШАДИД РУХ ДОД. 280 нафар ба ҳалокат расида, беш аз 600 кас ҷароҳат бардоштанд
КОРВОНИ ЗИДДИМУХАДДИРОТӢ — 2022. Таҳти ин унвон дар як қатор шаҳрҳои Тоҷикистон чорабиниҳои фарҳангӣ-фароғатӣ ва варзишӣ гузаронида мешаванд
Насрулло Маҳмудзода дар ҷаласаи котибони шӯроҳои амнияти кишварҳои узви СААД дар Ереван ширкат варзид
