Ҳайати вакилони Маҷлиси намояндагони Маҷлиси Олии Ҷумҳурии Тоҷикистон ба Брюссел сафар намуд
ДУШАНБЕ, 13.05.2022 /АМИТ «Ховар»/. 11 май дар чаҳорчӯбаи барномаи Ҷаласаи lX Кумитаи ҳамкории байнипарлумонии Тоҷикистону Аврупо мулоқоти ҳайати Тоҷикистон зери роҳбарии муовини Раиси Маҷлиси намояндагони Маҷлиси Олии Ҷумҳурии Тоҷикистон Дилрабо Мансурӣ бо ноиб-президенти Парлумони Аврупо Ҳейди Ҳаутала баргузор гардид.
Зимни мулоқот масоили мухталифи ҳамкории Тоҷикистону Иттиҳоди Аврупо бо тамаркуз ба масъалаи воридшавии Тоҷикистон ба низоми умумии имтиёзоти GSP+ мавриди баррасӣ қарор гирифт.
Ҳамчунин дар ин рӯз мулоқоти ҳайати Ҷумҳурии Тоҷикистон бо гурӯҳи дӯстии байнипарлумонии Белгия ва Тоҷикистон зери роҳбарии сенатор Тим Ванденпут баргузор гардид.
Дар ҷараёни мулоқот ҷонибҳо дар фазои дӯстона роҳҳои тақвияти минбаъдаи муносибатҳои байнипарлумонӣ миёни Тоҷикистон ва Подшоҳии Белгияро баррасӣ намуда, ҳамзамон роҷеъ ба муносибатҳои сиёсиву иқтисодӣ ва дигар масъалаҳои қобили таваҷҷуҳ мубодилаи афкор намуданд.
Таваҷҷуҳи хосса ба масъалаҳои гуногуни байналмилалӣ ва минтақавӣ, аз ҷумла мубориза бо терроризм, вазъият дар Афғонистон ва тамоюлҳои кунунӣ дар сиёсати ҷаҳонӣ равона шуд.
АКС: Сафорати ҶТ дар Шоҳигарии Белгия
Шермуҳаммад Шоҳиён дар ҷаласаи навбатии Кумитаи доимии умури сиёсии Ассамблеяи парлумонии Осиё иштирок намуд
Вакилони тоҷик дар конфронси байналмилалӣ оид ҳамкории байнипарламентии кишварҳои ИДМ иштирок намуданд
Ориф Амирзода муовини раиси Шурои коршиносон оид ба экология ва истифодаи табиат дар назди Ассамблеяи байнипарламентии ИДМ интихоб шуд
Дар иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон ба якчанд қонун тағйиру илова ворид карда шуд
Файзалӣ Идизода бо Раиси Маҷлиси Бузурги Миллии Ҷумҳурии Туркия Нумон Куртулмуш мулоқот намуд
Раиси Маҷлиси миллии Маҷлиси Олӣ Рустами Эмомалӣ бо Раиси Маҷлиси Бузурги Миллии Туркия Нуман Куртулмуш дар ҳузури ҳайатҳои парламентҳо мулоқот анҷом доданд
Раиси Маҷлиси миллии Маҷлиси Олии Тоҷикистон Рустами Эмомалӣ бо Раиси Маҷлиси Бузурги Миллии Туркия Нуман Куртулмуш мулоқот намуданд
Раиси Маҷлиси Бузурги Миллии Туркия дар пояи муҷассамаи Исмоили Сомонӣ гулчанбар гузошт
Раиси Маҷлиси бузурги миллии Туркия Нуман Куртулмуш бо сафари расмӣ ба Тоҷикистон ташриф овард
Иҷлосияи чоруми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
15 декабр ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор мегардад
Ҷаласаи якуми Комиссия байни Маҷлиси миллии Маҷлиси Олии Тоҷикистон ва Маҷлиси умумичинии намояндагони халқии Чин доир гардид
