Ансамбли фолклорию этнографии «Бибиҳо»-и Тоҷикистон дар Фестивали байналмилалии «Баҳори Бойсун» сазовори ҷойи дуюм гардид

Май 10, 2022 15:43

ДУШАНБЕ, 10.05.2022 /АМИТ «Ховар»/. Ансамбли фолклорию этнографии «Бибиҳо»-и назди Раёсати фарҳанги вилояти Суғд таҳти роҳбарии Марям Исоева дар самти фолклории Фестивали байналмилалии «Бойсун баҳори» («Баҳори Бойсун») миёни 30 кишвари ҷаҳон сазовори ҷойи дуюм гардид, иттилоъ дод ба АМИТ «Ховар» сардори Раёсати фарҳанги вилояти Суғд Бахтиёр Қосимов.

Фестивали мазкур аз 7 то 8 май дар ноҳияи Бойсуни вилояти Сурхондарёи Узбекистон доир гардида, дар он ҳунармандони Тоҷикистон, Британияи Кабир, Фаронса, Қазоқистон ва Қирғизистон ҳунарнамоӣ карданд.

Аз Ҷумҳурии Тоҷикистон ҳунармандони вилояти Хатлон таҳти роҳбарии муовини раиси вилоят Фирӯза Шарифӣ низ иштирок намуданд.

Дар доираи фестивал мусобиқаҳои варзишӣ, бозиҳои миллӣ, маҳфилҳои ҳунарӣ, консерту сайругашти оммавӣ низ доир гардиданд.


Ғолибону ҷоизадорон бо дипломҳои махсус, туҳфаҳои хотиравӣ бо рамзи фестивал ва мукофотҳои пулӣ сарфароз гардонида шуданд.

Фестивали мазкур дар ду сол як маротиба баргузор мешавад. Баргузории ҷашнвораи бонуфуз дар ноҳияи Бойсун бо арзиши беназир ва мероси ғании фарҳангии ғайримоддии хеш маънои амиқ дорад, зеро соли 2001 фазои фарҳангии Бойсун ба ЮНЕСКО ҳамчун «шоҳкори мероси шифоҳӣ ва ғайримоддии башарият» шомил карда шуд. Моҳи майи соли 2002 дар ноҳияи Хушманзара аввалин ҷашнвораи кушоди фолклории ҳунармандони мардумии Узбекистон, Тоҷикистон ва Қирғизистон баргузор гардида буд.

АКС: Мақомоти иҷроияи ҳокимияти давлатии вилояти Хатлон

Май 10, 2022 15:43

Хабарҳои дигари ин бахш

«Tajikistan Fashion Week» тарроҳони шинохтаи ватанию хориҷиро дар Душанбе ҷамъ овард
«РАҚС МОРО МУТТАҲИД МЕНАМОЯД». Имрӯз дар Душанбе Фестивали байналмилалӣ оғоз мепазирад
БА ПЕШВОЗИ РӮЗИ ШАШМАҚОМ. Доир ба инъикоси ин мусиқии суннатӣ дар нашрҳои чопӣ ҳамоиш баргузор гардид
«МАН» ДАР БОРАИ ҲОШИМ ГАДОЕВ. Ҳунарпешаи барҷастаи тоҷик имрӯз 85-сола шуд
МУАЛЛИФИ «МАН КАЛОН МЕШАВАМ» 110-СОЛА ШУД. Ин шеъри Устод Мирсаид Миршакар чандин насли фарзандони тоҷикро дар рӯҳияи баланди муҳаббат ба Ватан ва меҳанпарастӣ тарбият намудааст
«ШАБЕ ДАР ОСОРХОНА». Таҳти чунин унвон дар Осорхонаи миллӣ 18 барномаи фарҳангӣ доир мешавад
«РАҚС МОРО МУТТАҲИД МЕНАМОЯД». Таҳти чунин унвон дар Тоҷикистон Фестивали байналмилалӣ доир мегардад
Дар Ҳисор ба истиқболи Рӯзи ҷавонони Тоҷикистон маҳфил-озмуни базми ғазал баргузор мегардад
ҲАДИСИ МУСАВВАР. Ташкилоти ибтидоии ҳизбии «Эҷод»-и АМИТ «Ховар» бахшида ба Рӯзи Ғалаба шанбегии дастҷамъона гузаронид
«ҲАФТ ПУШТИ ХУДРО ДОНИСТАН ШАРТ АСТ!». Мутолиаи китоби «Тоҷикон»-и Бобоҷон Ғафуров дар Кӯлоб
Миёни Иттифоқи журналистони Тоҷикистон ва Иттифоқи эҷодии журналистони Узбекистон Ёддошти ҳамкорӣ ба имзо расид
«ҲЕҶ КАС ВА ҲЕҶ ЧИЗ ФАРОМӮШ НАШУДААСТ». Дар Осорхонаи миллӣ таҳти чунин унвон намоиши нигораҳо ифтитоҳ ёфт