Артиши Масъуд се ноҳияи Панҷшерро тасарруф намуда, толибонро асир гирифт

Май 10, 2022 11:55

ДУШАНБЕ, 10.05.2022 /АМИТ «Ховар»/. Ҷабҳаи муқовимати миллии Афғонистон (ҶММА) се ноҳияи вилояти Панҷшерро озод кард. Тавре АМИТ «Ховар» хабар медиҳад, дар ин бора хабаргузории Agence France Presse бо истинод ба сардори бахши равобити хориҷии ҶММА Алӣ Майсам Назарӣ менависад.

«Ин аввалин ҳамлаи густурдаи мо аз моҳи сентябри соли гузашта аст, ки давоми он мо тавонистем се ноҳияи бузурги Панҷшерро озод кунем», — зикр кард ӯ.

Ба гуфтаи Назарӣ, низомиёни ҷабҳа роҳҳои асосии шимоли Афғонистонро баста, толибонро аз якчанд посгоҳҳо зада пеш карданд.

Вай афзуд, ки радикалҳо «шикаст хӯрданд, бисёриҳо таслим шуданд».

Дар ҳамин ҳол, Sputnik Афғонистон суханони намояндаи ҶММА-ро таъйид кард. Дар Telegram-канали ВАО навори видеоӣ бо 6 ҷангҷӯи асиршуда пайдо шуд.

Инҳо тоҷикони маҳаллӣ ҳастанд, ки иддао доранд толибон онҳоро фиреб дода, ба ҷанг алайҳи “кофирон” фиристодаанд.

Асирон тавба карданд. Онҳо изҳор намуданд, ки аз муносибати ҷабҳа каноатманданд ва «аз ҷиҳати сиёсӣ ба муқобили онҳо ғаразе надоранд».

Дар навбати худ намояндаи ҳукумати муваққатии аз ҷониби толибон ташкилшуда Забеҳулло Муҷоҳид рух додани даргириҳои низомӣ дар Панҷшер ва дигар манотиқи шимолиро рад кард.

«Иддаоҳои шӯришгарон, ки дар воситаҳои ахбори омма паҳн шудаанд, дурӯғ маҳсуб мешаванд»,- навиштааст ӯ дар шабакаҳои иҷтимоӣ.

Муҷоҳид таъкид кард, ки «ҳазорон толибони обутобёфта ва муҷаҳҳаз дар Панҷшер ва Тахор ҳастанд.»

Қаблан ҶММА дар яке аз ноҳияҳои музофоти Бағлон амалиёти мусаллаҳона гузарониданд, ки дар он ҷо сардори шуъбаи полис Қорӣ Нуриддин кушта шуд. Дар Кобул ин маълумотро то ҳол таъйид накардаанд.

Ёдовар мешавем, ки пас аз тасарруфи қудрат дар Афғонистон аз сӯи толибон маҳз Панҷшер чанд муддат ягона вилояте гардид, ки таҳти назорати ҷангҷӯёни толиб набуд.

Дар ин музофот Ҷабҳаи муқовимати миллӣ ташкил карда шуд, ки он ҳоло ҳам бо радикалҳо муборизаро давом медиҳад.

АКС аз манбаъҳои боз

Май 10, 2022 11:55

Хабарҳои дигари ин бахш

Палатаи поёнии парлумони Беларус дар ҳайати пурра интихоб гардид
Қатар барои шаҳрвандони Тоҷикистон раводидро бекор намуд
Прабово Субианто дар интихоботи президенти Индонезия пирӯз гардид
Директори генералии Созмони ҷаҳонии тандурустӣ Тедрос Аданом Гебрейесус изҳор намуд, ки ҷаҳон ба пандемияи нав омода нест
Александр Стубб дар интихоботи президентии Финландия пирӯз шуд
Дар интихоботи президентии Озарбойҷон Илҳом Алиев бо гирифтани 92,05% овози интихобкунандагон пешсаф мебошад
Теъдоди ҳалокшудагон бар асари сӯхтори ҷангал дар Чили ба 131 нафар расид
Имрӯз дар Озарбойҷон интихоботи ғайринавбатии президентӣ баргузор мешавад
Олжас Бектенов сарвазири нави Қазоқистон таъйин шуд
Дар Озарбойҷон пеш аз баргузории интихоботи президентӣ рӯзи хомӯшӣ эълон гардидааст
Бо сабаби барфи зиёд дар минтақаи Токио 1,8 ҳазор манзил бе барқ мемонанд
ТУРКИЯ ФАЛОКАТИ АСРРО БА ҲАМРАЪЙИИ АСР ТАБДИЛ ДОД. Имрӯз аз заминларзаи шадиди Туркия як сол сипарӣ гардид