ҚАСАМ БА НОМАТ, ЭЙ ВАТАН! Дар қисмҳои низомӣ 300 нафар наваскарон Савганди ҳарбӣ ёд карданд
ДУШАНБЕ, 17.05.2022 /АМИТ «Ховар»/. Дар ду қисми низомии Вазорати мудофиаи Ҷумҳурии Тоҷикистон маросими савгандёдкунии қариб 300 нафар наваскарон дар назди афсарони Ватан, падару модарон ва дигар наздикону пайвандон доир гардид. Дар ин бора зимни суҳбат ба мухбири АМИТ «Ховар» корманди маркази матбуоти Вазорати мудофиаи кишвар Боқӣ Шарифзода иттилоъ дод.
Дар ҷамъомад наваскарон бо амр барои қабул намудани Савганди ҳарбӣ бо қадамҳои устувор дар ҷойҳои муайяншудаи маркази майдон саф оростанд, то бо даъвати командирони бевоситаи ҷузъу томи хеш ба назди онҳо ҳозир гардида, бо ба даст гирифтани матни пурмӯҳтавои савганднома сатрҳои онро ба забон оранд ва бо садоқату самимият ва неруи диловаронаву шуҷоати ҷавонмардона баҳри пос доштани хоки поки Ватан ва дифоъ аз марзи муқаддасу мардуми шарафманди он савганд ёд намоянд.
Ба ҳамин тартиб дар маросим қариб 300 нафар наваскарони даъвати баҳорӣ дар назди афсарони Ватан, падару модарон ва дигар наздикону пайвандони хеш бо тантанаву лафзи ҷавонмардона Савганди ҳарбӣ қабул намуданд. Онҳо қавл доданд, ки дар ин роҳи пуршараф, яъне хизмат дар сафи Артиши миллӣ неру ва ҳаёти худро дареғ надошта, то нафаси охирин ба халқу Ватан содиқ мемонанд.
Зикр гардид, ки давоми беш аз як моҳи хизмати наваскарии худ дар қисмҳои низомӣ сарбозон меъёрҳои ойинномавӣ ва дигар уҳдадориҳои ҳарбиро аз худ намуда, барои ёд намудани Савганди ҳарбӣ омода шуданд.
Дар ҷараёни чорабиниҳо ҳамзамон як гурӯҳ сарбозони қисмҳои ҳарбӣ бо ташкили машқҳои тан ба тан, ки баёнгари ҷасуриву далерӣ ва омодагии доимии онҳо баҳри ҳимояи марзу буми Ватан аст, хотири иштирокчиёнро шод намуданд.
Ҷамъомадҳои тантанавии қабули Савганди ҳарбӣ аз ҷониби наваскарони даъвати баҳории соли равон дар қисмҳои низомии Вазорати мудофиа бо гузашти низомии ҳайати шахсӣ ва таҳти навои оҳангу таронаҳои аҳли ҳунар ба поён расиданд.
АКС: Вазорати мудофиаи ҶТ
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
Дар шаҳри Исфара бахшида ба 35-солагии Истиқлоли давлатӣ гузашти ҳарбӣ доир шуд
