Дар ҷаласаи навбатии Шӯрои ҷамъиятии Тоҷикистон вазъи хизматрасонии тиббӣ дар ҷумҳуриро баррасӣ намуданд
ДУШАНБЕ, 23.05.2022 /АМИТ «Ховар»/. 20 май дар Федератсияи иттифоқҳои касабаи мустақили Тоҷикистон ҷаласаи навбатии Шӯрои ҷамъиятии Ҷумҳурии Тоҷикистон дар мавзӯи «Рушди соҳаи тандурустӣ ва баланд бардоштани сатҳи хизматрасониҳои иҷтимоӣ дар давраи баъд аз пандемия» аз нигоҳи ҷомеаи шаҳрвандӣ баргузор гардид. Дар ин бора АМИТ «Ховар» бо истинод ба Федератсияи иттифоқҳои касабаи мустақили Тоҷикистон хабар медиҳад.
Дар он сардори Раёсати рушди иҷтимоии Дастгоҳи иҷроияи Президенти Ҷумҳурии Тоҷикистон Гулҷаҳон Абдуфаттоҳзода, мушовири бахши ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Шуҳрат Азиззода, котиби ҳамоҳангсози Шӯрои ҷамъиятии Ҷумҳурии Тоҷикистон Нуралӣ Саидов, аъзои Шӯрои ҷамъиятии Ҷумҳурии Тоҷикистон, Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода, ректори Донишгоҳи давлатии Тоҷикистон ба номи Абӯалӣ ибни Сино Маҳмадшо Гулзода, сардорон ва роҳбарони якчанд раёсат ва хадамоти зерсохтори Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иштирок намуданд.
Ҷаласаро мушовири бахши ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Шуҳрат Азиззода ифтитоҳ намуда, доир ба таваҷҷуҳ ва дастгириҳои доимии роҳбарияти олии Ҳукумати кишвар ба соҳаи тандурустӣ ва ҳифзи иҷтимоии аҳолӣ мухтасар сухан гуфт.
Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода вобаста ба вазъи соҳаи тандурустӣ ва ҳифзи иҷтимоии аҳолӣ дар мамлакат гуфт, ки “новобаста аз таъсири пандемияи COVID-19 маҳз бо талош ва дастгириҳои пайвастаи Ҳукумати мамлакат, хосатан Пешвои миллат муҳтарам Эмомалӣ Раҳмон рушди соҳаи тандурустӣ ва ҳифзи иҷтимоӣ дар кишвар таъмин гардид. Махсусан дар ин давра аз ҷониби Ҳукумати мамлакат корҳои ободонӣ, бунёдкорӣ, таъмиру тармими муассисаҳои тандурустӣ ва бо навтарин таҷҳизоти муосири тиббӣ таъмин намудани онҳо идома ёфта, дар кишвар якчанд иншооти нави тиббӣ ба истифода дода шуданд”.
Зикр гардид, ки дар давраи пандемияи COVID-19 ва баъди он низ дастгирии табақаҳои ниёзманди аҳолӣ, хосатан пиронсолон ва маъюбону ятимон дар маркази таваҷҷуҳи Ҳукумати мамлакат қарор гирифта, ин раванд минбаъд низ идома дода мешавад.
Ҷамолиддин Абдуллозода доир ба самтҳои дигари соҳаи тандурустӣ ва ҳифзи иҷтимоии аҳолии мамлакат маълумот пешниҳод намуд.
Сипас, Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода ба саволҳои аъзои Шӯрои ҷамъиятии Ҷумҳурии Тоҷикистон вобаста ба вазъи хизматрасонии тиббӣ дар кишвар посухҳои мушаххас дод.
Дар анҷоми ҷаласа қарори ҷаласаи навбатии Шӯрои ҷамъиятии Ҷумҳурии Тоҷикистон доир ба мавзӯи баррасишуда қабул карда шуд.
Акс: ФИКМТ
Дар Душанбе Шурои миллии ҳамоҳангсозӣ оид ба масъалаҳои тандурустӣ доир шуд
Ба киҳо барои ба рухсатии меҳнатии ҳарсолаи пардохтшаванда баромадан кафолат дода мешавад? Шарҳи коршиносон
Барои таҳкими субот дар минтақаҳои аз офатҳои табиӣ осебпазир Ёддошти тафоҳум ба имзо расид
МАСЛИҲАТИ МУТАХАССИС. Истеъмоли хӯроки вазнин дар фасли баҳор боиси авҷи бемории гастрит мегардад
Дар Тоҷикистон 71 фоизи кормандони соҳаи тибро занон ташкил медиҳанд
Мумина Шовалиева: «Растаниҳои худрӯйи Тоҷикистон дар фасли баҳор ҷузъи ҷудонашавандаи таомҳои миллӣ мебошанд»
Занону модарони тоҷик тақдирсоз ва таърихсоз мебошанд
Нақши занон дар хизмати давлатӣ барои рушди ҷомеа ва давлат аҳамияти бузург дорад
Бахшида ба Рӯзи Модар ҳамоиши занони соҳаи таҳсилоти ибтидоӣ ва миёнаи касбӣ баргузор шуд
Шоҳона Сулаймон: «Сарриштаи зиндагиву рӯзгори ҳар як оила, пеш аз ҳама, дар дасти Зан-Модар аст»
Дар Агентии суғуртаи иҷтимоӣ ва нафақаи Тоҷикистон Рӯзи Модар ботантана таҷлил карда шуд
Вазорати нақлиёти Тоҷикистон: «Ба ронандагон тавсия дода мешавад, ки бе зарурати шадид бо роҳҳои кӯҳӣ ба сафар набароянд»
