Дар Донишкадаи политехникии Донишгоҳи техникии Тоҷикистон озмоишгоҳи иқтисодиёти рақамӣ ифтитоҳ гардид
ДУШАНБЕ, 22.05.2022 /АМИТ «Ховар»/. Дар кафедраи иқтисодиёти рақамии Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд бо иштироки устодон, магистрантон, докторантон ва донишҷӯёни соҳибистедод маросими кушодашавии расмии озмоишгоҳи «Иқтисодиёти рақамӣ» доир гардид. Тавре ба АМИТ «Ховар» дар дафтари матбуоти Раиси шаҳри Хуҷанд иттилоъ доданд, озмоишгоҳи мазкур дар доираи роҳандозии лоиҳаҳои донишкада бо шарикони рушд ташкил карда шуда, аз тарафи Иттиҳоди Аврупо маблағгузорӣ гардидааст.
Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатии худ ба масъулини дахлдор ҷиҳати таҳия ва васеъ истифода намудани технологияҳои муосир дар соҳаҳои мухталифи иқтисоди мамлакат ва қабулу татбиқи «Стратегияи миллии зеҳни сунъӣ» дастур супориш доданд. Дар ин раванд дар Донишкадаи политехникии Донишгоҳи техникии Тоҷикистон ба номи академик Муҳамммад Осимӣ бо азму талошҳои бевоситаи директори донишкада, номзади илмҳои техникӣ Дилафрӯз Саидӣ дар ҷумҳурӣ якумин шуда, ихтисоси «Зеҳни сунъӣ» дар сатҳи бакалавриат ва магистратура ҷорӣ карда шуд. Озмоишгоҳи зерин барои гузаронидани фанҳое, ки ба раванди зеҳни сунъӣ заруранд, муносиб мебошад.
Бо дастгирии бевоситаи роҳбарияти донишкада баробари ин озмоишгоҳ дар кафедра соли ҷорӣ се озмоишгоҳҳои дигар, аз ҷумла озмоишгоҳи зеҳни сунъӣ, низомҳои иттилоотӣ ва барномарезӣ бо 45 адад компютерҳои замонавӣ ҷиҳозонида шуданд.
Дар ҳамоиши мазкур менеҷери лоиҳа, доктори фалсафа Аҳлиддин Низомиддинов оид ба мақсад, фаъолият ва натиҷаҳои лоиҳа сухан гуфт.
Зикр гардид, ки мақсади асосии лоиҳа- ин татбиқи иқтисодиёти рақамӣ дар ҷараёни таълими ихтисосҳои кафедраҳои иқтисоди рақамӣ, иқтисодиёт, молия ва қарз мебошад ва барои рушди устувори иқтисодиёт дар Тоҷикистон равона карда шудааст. Дар доираи лоиҳа бозсозии барномаҳои таълимии ҷорӣ бо татбиқи барномаҳои таълимии бисёрсоҳавӣ дар соҳаи иқтисодиёти рақамӣ, фароҳам овардани имкониятҳо барои таълими фарогирӣ дар соҳаи иқтисодиёти рақамӣ, ҷалб намудани натиҷагирандагон ба ҷараёни таълим пешбинӣ шудааст.
АКС: Дафтари матбуоти Раиси шаҳри Хуҷанд
Масъалаи эътирофи баробарарзиши дипломҳои муассисаҳои таҳсилоти олӣ ва дараҷаву унвонҳои илмӣ байни Тоҷикистон ва Чин баррасӣ шуд
Дар ноҳияи Ҷалолиддини Балхӣ бинои иловагии муассисаи таълимӣ барои 288 хонанда ифтитоҳ ёфт
Донишгоҳи байналмилалии забонҳои хориҷии Тоҷикистон ва Донишгоҳи давлатии омӯзгории Бошқирдистон шартномаи ҳамкорӣ ба имзо расониданд
ФАРЗАНДОНРО БА РОҲИ РОСТ ҲИДОЯТ НАМОЕМ! Имрӯз барои илму дониш омӯхтан ва соҳибкасб гардидани онҳо тамоми шароит муҳайё гардидааст
МАРОТИБАИ АВВАЛ. Байни тарбиягирандагони муассисаҳои таҳсилоти томактабии Душанбе озмуни забондонӣ идома дорад
Байни Донишгоҳи давлатии омӯзгории Тоҷикистон ва 7 донишгоҳи олии Узбекистон шартномаи ҳамкорӣ ба имзо расид
Дар Донишгоҳи давлатии ҳуқуқ, бизнес ва сиёсати Тоҷикистон ҳамоиши рушди робототехника доир шуд
БО КВОТАИ «ДУРАХШАНДАГОН»-МАШҲУР ДАР ҶАҲОН. Донишҷӯёни тоҷик бо таҳсили намунавӣ дар рейтинги аввал қарор доранд
Ҳамкории дуҷонибаи Тоҷикистон ва Узбекистон дар самти таҳсили олии касбӣ ва илм баррасӣ карда шуд
Роҳбарияти раёсати Вазорати корҳои дохилӣ дар Хатлон бо кормандони соҳаи маорифи минтақаи Кӯлоб мулоқот намуд
Дар Тошканд Форуми дуюми ректорони муассисаҳои таҳсилоти олии Тоҷикистон ва Узбекистон оғоз шуд
Барои омӯзгорони фанҳои табиатшиносӣ, дақиқ ва риёзӣ машварати омӯзишӣ гузаронида шуд
