Дар Душанбе нишасти тадорукотию ташрифотии Конфронси дуюми оби Душанбе баргузор гардид

Май 16, 2022 08:50

ДУШАНБЕ, 16.05.2022 /АМИТ «Ховар»/. Дар Душанбе 13 май таҳти роҳбарии муовини Вазири корҳои хориҷии Тоҷикистон Шараф Шерализода ва ҳузури роҳбарияти мақомоти дахлдори давлатӣ ва шаҳру ноҳияҳои кишвар Нишасти тадорукотию ташрифотии Гурӯҳи корӣ доир ба танзими Марафони ҷаҳонии об дар доираи Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028», ки 6-9 июни соли 2022 зери унвони «Такон бахшидан ба амалҳо ва шарикӣ дар соҳаи об дар сатҳҳои маҳаллӣ, миллӣ, минтақавӣ ва ҷаҳонӣ» дар шаҳри Душанбе барпо мегардад, доир шуд. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.

Дар нишаст иштирокчиён доир ба раванди омодагӣ ба ташкили давраҳои марафон ва масирҳои он дар қаламрави Тоҷикистон дар ростои дастури Роҳбари Кумитаи тадорукоти Конфронси дуюми оби Душанбе табодули андеша намуда, масъалаҳои мавриди таваҷҷуҳро баррасӣ намуданд.

Марафони ҷаҳонӣ дар Рӯзи ҷаҳонии об – 22 марти соли 2022 оғоз гардида, то 22 марти соли 2023, яъне таърихи баргузории Конфронси Созмони Милали Муттаҳид оид ба об дар Ню-Йорк давом мекунад. Қисмати марбут ба Тоҷикистон ва Осиёи Марказии марафон дар моҳҳои май-июни имсол доир карда шуда, аз баҳри Арал то ба пиряхи Федченко дар Тоҷикистон расида, дар шаҳри Душанбе дар арафаи Конфронси дуюми Душанбе анҷом меёбад.

Ҳадафи марафон мусоидат ба расидан ба ҳадафу вазифаҳои Даҳсолаи байналмилалии амал «Об барои рушди устувор, солҳои 2018-2028» ва ҷалби таваҷҷуҳи ҷомеаи ҷаҳонӣ ба масъалаи рӯзафзуни обу иқлим бо дарназардошти таваҷҷуҳ ба Конфронси СММ оид ба об дар соли 2023 мебошад.

Ёдовар мешавем, ки Мина Гули – давандаи австралиягӣ, муассис ва Директори генералии Фонди «Thirst» бо ҳайаташ 15 май дар гузаргоҳи сарҳадии «Саразм» дар шаҳри Панҷакент ворди Тоҷикистон шуданд.

Хонум Мина Гули иштирокчии Марафон бахшида ба Даҳсолаи байналмилалии амал «Об барои рушди устувор, солҳои 2018-2028» ва Конфронси СММ оид ба об дар соли 2023 буда, бо ҳайати ҳамроҳаш аз беҳтарин маконҳои сайёҳии кишвар дидан менамоянд.

ДАР АКС: Мина Гули – давандаи австралиягӣ, муассис ва Директори генералии Фонди «Thirst» бо ҳайаташ дар гузаргоҳи сарҳадии «Саразм» дар шаҳри Панҷакент.

АКС: ВКХ ҶТ/Кумитаи рушди сайёҳии назди Ҳукумати Ҷумҳурии Тоҷикистон

Май 16, 2022 08:50

Хабарҳои дигари ин бахш

Намояндаи Тоҷикистон дар чорабинӣ оид ба маблағгузории миллӣ барои расидан ба Ҳадафҳои Рушди Устувор иштирок намуд
Ҷонибек Ҳикмат дар чорабинӣ бахшида ба Рӯзи байналмилалии «ҷаҳони бе партов» иштирок намуд
Дар қароргоҳи Созмони Милали Муттаҳид бахшида ба таҷлили ҷашни Наврӯзи байналмилалӣ ҳамоиши тантанавӣ доир гашт
Деннис Фрэнсис саҳми Тоҷикистонро дар пешбарии масъалаҳои марбут ба об баланд арзёбӣ намуд
Дар Ню-Йорк аҳаммияти фаъолияти Раванди оби Душанбе баррасӣ гардид
Дар шаҳри Остона ҷашни байналмилалии Наврӯз таҷлил гардид
Вазири корҳои хориҷии Тоҷикистон дар Конфронс ба муносибати Рӯзи ҷаҳонии об иштирок намуд
Тоҷикистон ва Туркия муносибатҳои дуҷонибаро дар самтҳои сиёсӣ, иқтисодӣ ва сармоягузорӣ баррасӣ намуданд
Дар шаҳри Москва Наврӯзи байналмилалиро таҷлил намуданд
Ҷашни байналмилалии Наврӯзро дар Ашқобод бошукуҳ таҷлил намуданд
Дар Берлин ҷашни байналмилалии Наврӯзро таҷлил намуданд
Дар Душанбе фаъолияти Бонки аврупоии таҷдид ва рушд дар Тоҷикистон баррасӣ шуд