Дар Москва ҷаласаи сарони кишварҳои узви СААД бахшида ба 30-умин солгарди таъсиси Созмон доир мегардад

Май 14, 2022 11:35

ДУШАНБЕ, 14.05.2022 /АМИТ «Ховар»/. Рӯзи душанбе, 16 май дар шаҳри Москва баргузории ҷаласаи сарони кишварҳои узви Созмони Аҳдномаи амнияти дастҷамъӣ (СААД) бахшида ба 30-умин солгарди таъсиси Созмон дар назар аст. Тавре АМИТ «Ховар» иттилоъ медиҳад, дар ин бора ТАСС бо истинод ба Хадамоти матбуоти Кремл хабар додааст. 

Бино ба гуфтаи котиби матбуоти Президенти Русия Дмитрий Песков, ба ҷуз аз ҷаласаи умумӣ, мулоқоти алоҳидаи сарони давлатҳо дар сиғаи субҳонаи корӣ баргузор мегардад.

Гуфта мешавад, ки дар ҷаласаи мазкур ҳамаи сарони кишварҳои узви СААД — Президенти Федератсияи Русия Владимир Путин, Президенти Ҷумҳурии Тоҷикистон Эмомалӣ Раҳмон, Президенти Ҷумҳурии Беларус Александр Лукашенко, Президенти Ҷумҳурии Қазоқистон Қосим-Ҷомарт Тоқаев, Сарвазири Арманистон Никол Пашинян ва Президенти Ҷумҳурии Қирғизистон Садир Жапаров иштирок мекунанд.

Тавре интизор меравад, аъзои Шӯрои амнияти дастҷамъии СААД вазъ дар минтақаи зери масъулияти созмон ва дурнамои рушди онро баррасӣ намуда, бахшида ба солгарди таъсиси СААД изҳорот қабул мекунанд.

Ба гуфтаи Дмитрий Песков, интизор меравад, ки аз рӯи натиҷаҳои ҷаласа Дабири кулли Созмон Станислав Зас ва Сарвазири Арманистон Никол Пашинян, ки имсол раёсат дар созмонро бар уҳда дорад, ба хабарнигорон иттилоъ диҳанд.

Ёдовар мешавем, ки ба СААД Арманистон, Беларус, Қазоқистон, Қирғизистон, Русия ва Тоҷикистон шомил мебошанд. Созмон 15 майи соли 1992 бо имзои Аҳдномаи амнияти дастҷамъӣ дар Тошканд (Узбекистон) таъсис ёфт. Шӯрои амнияти дастҷамъӣ мақоми олии СААД буда, ба а он сарони давлатҳо — аъзои Созмон дохил мебошанд.

АКС: хадамоти матбуоти СААД

Май 14, 2022 11:35

Хабарҳои дигари ин бахш

Вокуниши қонунӣ нишон додан ба фаъолият ва амалҳои ташкилоти террористӣ ва экстремистӣ амри зарурӣ ва воқеӣ мебошад
Чӣ бояд кард, то шахс ба доми хатарбори ҳизбу созмонҳои террористӣ ва ифротгароӣ наафтад?
Тоҷикистон даҳсолаҳо боз дар сафи пеши муқовимат бо терроризми байналмилалӣ қарор дорад
Дар Душанбе даври дуюми музокироти Тоҷикистон ва Русия оид ба масъалаҳои муҳоҷират доир гардид
Дар Бадахшон 30-солагии таъсиси Қӯшунҳои сарҳадии Кумитаи давлатии амнияти миллии Тоҷикистон таҷлил шуд
Президенти Тоҷикистон: «Хизматчиёни ҳарбии Қӯшунҳои сарҳадӣ бояд аз таърихи ибратомӯзи миллати тоҷик сабақи ҷоннисориву мардонагӣ омӯзанд»
Тоҷикистон беш аз се даҳсола инҷониб дар пешгирии паҳншавии хатари терроризм ба минтақа ва ҷаҳон нақши калидӣ мебозад
Дар қисми низомии мустақар дар вилояти Суғд Рӯзи марзбонон таҷлил карда шуд
Дар Душанбе вохӯрии дуҷонибаи вазирони корҳои дохилии Тоҷикистон ва Федератсияи Русия доир гардид
КОРНАМОИҲОИ ФАРЗАНДОНИ САРСУПУРДАИ МИЛЛАТ ФАРОМӮШ НАМЕШАВАНД. Эҳдо ба 30-солагии Қӯшунҳои сарҳадии Ҷумҳурии Тоҷикистон
«ҚӮШУНҲОИ САРҲАДӢ НИШОНИ ВОЗЕҲИ ИСТИҚЛОЛИ ДАВЛАТИ ТОҶИКОН МЕБОШАД». Иқтибос аз суханрониҳои Президенти Тоҷикистон муҳтарам Эмомалӣ Раҳмон
Имрӯз Вазири корҳои дохилии Федератсияи Русия Владимир Колоколтсев ба Ҷумҳурии Тоҷикистон ташриф овард

Маводҳои таҳлилӣ