Дар Нижний Новгород конференсияи «Русия — Осиёи Марказӣ: ҳамкорӣ ва рушд дар шароити бесуботӣ» баргузор мешавад
ДУШАНБЕ, 18.05.2022 /АМИТ «Ховар»/. Конференсияи дуюми клуби байналмилалии мубоҳисавии «Валдай» дар Осиёи Марказӣ дар мавзӯи «Русия — Осиёи Марказӣ: ҳамкорӣ ва рушд дар шароити бесуботӣ» 17-18 май дар Нижний Новгород (Русия) баргузор шуда истодааст. Дар ин бора ба АМИТ «Ховар» муовини директори Институти фалсафа, сиёсатшиносӣ ва ҳуқуқи ба номи А.Баҳоваддинови Академияи илмҳои Тоҷикистон, доктори илмҳои фалсафа Рустам Ҳайдаров, ки дар он иштирок мекунад, хабар дод.
Дар конференсия намояндагони Шӯро оид ба Бунёди рушд ва дастгирии Клуби мубоҳисавии байналмилалии «Валдай», Вазорати корҳои хориҷии Русия, Институти тадқиқоти молиявии «Чонгян»-и Донишгоҳи Ҷенмини Чин ва Маркази иттилоотиву таҳлилии муносибатҳои байналмилалии назди Вазорати корҳои хориҷии Ҷумҳурии Узбекистон ширкат доранд.
Рустам Ҳайдаров зимни суханронӣ бо ишора ба вазъи кунунии геополитикии Авруосиё мавҷудияти робитаҳои қавии илмию техникӣ, гуманитарӣ, фарҳангӣ ва иқтисодӣ дар фазои Авруосиёро таъкид кард.
«Ҳузури устувори робитаҳои иқтисодӣ, молиявӣ, самти тиҷорати калону миёнаи кишварҳои Осиёи Марказӣ ба фазои иқтисодии Русия вуҷуд дорад. Бо итминон метавон гуфт, ки байни вазоратҳои мудофиа алоқа ва ҳамкории ҳарбӣ-техникӣ ба роҳ монда шуда, дастрасии аҳолии қобили меҳнат ба бозори меҳнати Русия, ҷавонон, тавассути квота ба системаи маорифи Русия роҳандозӣ шудааст”, — иброз дошт коршиноси мо Рустам Ҳайдаров.
Ба гуфтаи вай, ҳамаи ин омилҳо заминаи ҳамкории дарозмуддати Русия ва кишварҳои Осиёи Марказӣ ҳам ҳоло ва ҳам дар оянда аст.
«Созмонҳое, чун СААД ва ИА низ дар таҳкими ҳамкории кишварҳои пасошӯравӣ нақши мусбат бозида, садди боэътимоде барои амалҳои тахрибкор гардиданд. Таъмини амният дар Авруосиё, бахусус дар Осиёи Марказӣ бояд вазифаи муштараки Русия ва кишварҳои Осиёи Марказӣ гардад, ки ҳамоҳангӣ ва ҳамкории зичи кишварҳои моро дар чаҳорчӯби СААД, ИДМ ва СҲШ дар назар дорад”, — гуфт муовини директори Институти фалсафа, сиёсатшиносӣ ва ҳуқуқи ба номи А.Баҳоваддинови Академияи илмҳои Тоҷикистон.
АКС аз Рустам Ҳайдаров
Сафири Тоҷикистон дар Туркманистон бо директори Дафтари лоиҳавии Маркази минтақавии экологӣ барои Осиёи Марказӣ мулоқот намуд
Дар Теҳрон таҳти унвони «Робиаи Балхӣ: чеҳраи дурахшони назми аҳди Сомониён» ҳамоиши илмӣ доир гардид
Ҳайати Тоҷикистон дар Ҳафтаи ҷаҳонии оби Стокголм иштирок намуд
Сафири Тоҷикистон бо ноиби Президенти Корпоратсияи байналмилалии молиявии рушди Амрико мулоқот намуд
Дар Қоҳира бахшида ба 35-солагии Истиқлоли давлатии Тоҷикистон конфронс баргузор гардид
Сафири Тоҷикистон бо муовини Директори генералии Вазорати федералии иқтисод ва энергетикаи Олмон мулоқот намуд
Дар Москва дар мавзуи саҳми Абуалӣ ибни Сино дар ташаккули соҳаи тиб конфронси байналмилалии илмӣ доир шуд
Тоҷикистон ва Кувайт таҳкими ҳамкориро дар арсаи рушд баррасӣ намуданд
Дар Душанбе таҳти унвони «Тоҷикистон ва 35 соли соҳибистиқлолӣ: таҷрибаи сулҳофарӣ, сиёсати бисёрсамта ва рушди устувор» конфронси байналмилалӣ баргузор шуд
Дар Душанбе таҷрибаи 35-солаи сулҳофарӣ ва сиёсати бисёрсамтаи Тоҷикистон баррасӣ шуд
Сафири Тоҷикистон дар Кувайт бо Мудири омили Ширкати ҳавопаймоии «Jazeera Airways» мулоқот намуд
Сироҷиддин Муҳриддин бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ мулоқот намуд
