Дар се моҳи аввали соли 2022 дар Тоҷикистон ба масоҳати 250,4 ҳазор метри мураббаъ хонаҳои истиқоматӣ сохта шуданд

Май 5, 2022 16:05

ДУШАНБЕ, 05.05.2022 /АМИТ «Ховар»/. Дар се моҳи аввали соли равон дар Тоҷикистон ба масоҳати умумии 250,4 ҳазор метри мураббаъ хонаҳои истиқоматӣ сохта ба истифода дода шуданд, ки нисбат ба ҳамин давраи соли сипаригардида 116,7 фоизро ташкил медиҳад. Дар ин бора ба АМИТ «Ховар» дар  Агентии омори назди Ҳукумати Ҷумҳурии Тоҷикистон хабар доданд.

Тибқи  иттилои манбаъ, дар моҳҳои январ-марти соли равон аз рӯи ба истифода додани биноҳои истиқоматӣ вилояти Суғд ҷойи аввалро ишғол мекунад, ки масоҳати манзилҳои ба истифода додашуда 86,1 ҳазор метри мураббаъ ё 34,3 фоизро ташкил медиҳад. Дар ҷойи дуюм вилояти Хатлон бо 81,1 ҳазор метри мураббаъ ё 32,4 фоиз қарор дорад.  Дар Душанбе 41,5 ҳазор метри мураббаъ ё 16,6 фоиз ва дар ноҳияҳои тобеи ҷумҳурӣ 41,7 ҳазор метри мураббаъ ё 16,7 фоиз биноҳо сохта мавриди баҳрабардорӣ қарор гирифтаанд.

Бояд гуфт, ки Президенти мамлакат  муҳтарам Эмомалӣ Раҳмон зимни ироаи Паёми навбатӣ ба Маҷлиси Олӣ   сохтмонро яке аз соҳаҳои муҳим дар пешрафти иқтисодии кишвар ва сатҳу сифати зиндагии мардум номида, зикр намуданд, ки  танҳо соли 2021 дар кишвар дар ҳаҷми 12,2 миллиард сомонӣ корҳои сохтмону васлгарӣ иҷро гардидаанд, ки нисбат ба соли 2020 20 фоиз зиёд мебошанд.

Иттилоъ дода шуд, ки  дар ин муддат ба маблағи беш аз 3,5 миллиард сомонӣ фондҳои асосӣ ба кор андохта, 1,2 миллион метри мураббаъ манзилҳои истиқоматӣ ва иншооти дигар ба истифода дода шудаанд.

Пешвои миллат супориш доданд, ки Кумитаи меъморӣ ва сохтмон, мақомоти иҷроияи маҳаллии ҳокимияти давлатӣ ва дигар мақомоти марбута ҳангоми таҳия ва татбиқи нақшаҳои генералии шаҳрҳо, шаҳраку деҳоти мамлакат, инчунин  банақшагириву бунёди иншооти иҷтимоиву сайёҳӣ ва дигар биноҳо риояи ҳатмии қоидаву меъёрҳои шаҳрсозию  сохтмон, санъати баланди меъморӣ, истифодаи васеи унсурҳои меъмории милливу замонавӣ, технологияҳои муосир ва масолеҳи сифатноки сохтмонро таъмин намоянд.

«Илова бар ин, ҳангоми лоиҳакашӣ зарур аст, ки пеш аз ҳама, сохтмони мактабҳо, боғчаҳои кӯдакон, марказҳои саломатӣ ва дигар инфрасохтори иҷтимоӣ ва коммуникатсионӣ ба нақша гирифта, дар марказҳои шаҳру ноҳияҳо бунёди ҳатмии биноҳои истиқоматии баландошёна пешбинӣ карда шаванд», — таъкид  намуданд Президенти мамлакат.

АКС аз манбаъҳои боз

Май 5, 2022 16:05

Хабарҳои дигари ин бахш

МАСЛИҲАТИ МУТАХАССИС. Қулфинай сарчашмаи асосии витамини С мебошад
Дар Тоҷикистон дар заминҳои лалмӣ шолӣ парвариш карда мешавад
Муносиботи Тоҷикистон ва Чин бар руҳияи дӯстӣ, робитаҳои неки ҳамсоягию таърихӣ ва шарикии стратегӣ асос ёфтаанд
Роҳбарони ниҳодҳои ҳифзи муҳити зисти Созмони Ҳамкории Шанхай дар Остона масъалаҳои экологӣ ва тағирёбии иқлимро баррасӣ намуданд
Президенти Тоҷикистон аз он изҳори нигаронӣ намуданд, ки соли 2023 дар Хатлон 900 гектар замини корами обӣ аз гардиши кишоварзӣ берун мондааст
Дар Душанбе бахшида ба Рӯзи кормандони соҳаи стандартизатсия ва метрология конфронси ҷумҳуриявӣ доир шуд
25 МАЙ-РӮЗИ КОРМАНДОНИ СОҲАИ СТАНДАРТИЗАТСИЯ ВА МЕТРОЛОГИЯ. «Тоҷикстандарт» ташхиси сифати молу маводро тибқи меъёрҳои замонавӣ таъмин менамояд
АЗ ИФТИТОҲИ ГУЗАРГОҲИ САРҲАДИИ «КУЛМА ҚАРОСӮ» 20 СОЛ СИПАРӢ ШУД. Нақши он дар тақвияти робитаҳои тиҷоратии Тоҷикистон ва Чин муассир аст
РӮЗИ БАЙНАЛМИЛАЛИИ МОРХӮР. Бахшида ба рӯзи ин ҳайвони нодир конференсия доир шуд
24 МАЙ- РӮЗИ БАЙНАЛМИЛАЛИИ БУЗИ МОРХӮР. Шумораи бузи кӯҳии пармашох–Морхӯр дар Тоҷикистон беш аз 6000 сарро ташкил медиҳад
Бонки ҷаҳонӣ талошҳои Тоҷикистонро дар самти тавсеаи ҳисоббаробаркунии ғайринақдӣ ҷонибдорӣ менамояд
Таваҷҷуҳи соҳибкорони Чин ба бунёди коргоҳ ва корхонаҳои истеҳсолӣ дар вилояти Хатлон меафзояд