Директори Маркази миллии қонунгузорӣ Иззатулло Саидзода: «Роҳбарони гурӯҳҳои муташаккили ҷиноӣ одамони гумроҳро ба вартаи ҳалокат мебаранд»
ДУШАНБЕ, 26.05.2022 /АМИТ «Ховар»/. Дар бисёр мавридҳо роҳбарони гурӯҳҳои муташаккили ҷиноӣ калимаи «мардум»-ро ҳамчун пӯшиши амалҳои худ истифода мебаранд. Онҳо худро ҳамчун ҳомиёни мардум муаррифӣ карда, бо ҳамин роҳ мардуми гумроҳро ба вартаи ҳалокат мебаранд. Чунин иброз дошт дар суҳбат бо мухбири АМИТ «Ховар» Хушнуд РАҲМАТУЛЛО директори Маркази миллии қонунгузории назди Президенти Ҷумҳурии Тоҷикистон Изатулло САИДЗОДА.
Ба андешаи ӯ, дар шаҳри Хоруғ гурӯҳҳои муташаккили ҷиноӣ бо истифода аз вазъи иҷтимоиву сиёсии бавуҷудомада ҷавонони ноогоҳро ба доми худ мекашанд ва онҳоро барои расидан ба ҳадафҳои ҷиноӣ ҳамчун василаи содир намудани кирдорҳои ғайриқонунӣ истифода мебаранд.
«Нисбат ба аъзои гурӯҳҳои муташаккили ҷиноӣ дар Хоруғ дар чанд соли охир борҳо афв татбиқ гардид. Дар ин муддат аз аъзои ин гурӯҳҳо ҳазорҳо адад силоҳи оташфишон ва садҳо кило маводи мухаддир, аз ҷумла ҳероин, афюн, ҳашиш ва ҳабҳои экстазӣ мусодира карда шуд», — таъкид намуд Иззатулло Саидзода.
Дар идомаи суҳбат ӯ тазаккур дод, ки гурӯҳҳои манфиатдор ҷиноятҳои вазнин содир кардаанд, ки ҳар сокини вилоят онҳоро бояд донад ва нагузорад, ки номи дигарон доғдор гардад.
Мубориза бар зидди ҷинояткории муташаккил, бино ба гуфтаи директори Маркази миллии қонунгузорӣ, на танҳо кори мақомоти ҳифзи ҳуқуқ, балки ҳамкорӣ ва мусоидати ҳамаи қишрҳои ҷомеаро дар бар мегирад.
Неруи пешбарандаи ҷомеа зиёиён, омӯзгорон ва кормандони эҷодӣ буда, имрӯз бояд фаъолияти дастҷамъонаи ин қишри ҷомеа пурзӯр карда шавад.
Изатулло Саидзода илова кард, ки аксарияти кулли ҷавонони шаҳри Хоруғ нафарони арзанда буда, дар тамоми соҳаҳо вазифаи ватандӯстонаи худро сарбаландона ва бошарафона иҷро менамоянд ва дар раванди бунёдкорию ободонии ҷомеа саҳми назаррас мегузоранд.
«Сухан дар бораи чанд гурӯҳи хурд ва баъзе ҷавонони гумроҳ меравад, ки аз кирдори худ пушаймон мешаванд ва аз ин вазъияти душвор мебароянд», — изҳори итминон намуд ӯ дар хатми суҳбат.
АКС: АМИТ «Ховар»
Маркази матбуоти Вазорати корҳои дохилии Ҷумҳурии Тоҷикистон хабар медиҳад
Дар Душанбе корхонаи ғайриқонунии истеҳсоли доруворӣ ошкор гардид
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
