Доир ба имзои Созишномаи ҳамкорӣ дар соҳаи маориф миёни Тоҷикистон ва Япония пешниҳодҳо ироа гардиданд

Май 13, 2022 09:01

ДУШАНБЕ, 13.05.2022. /АМИТ «Ховар»/. Дар Вазорати маориф ва илми ҷумҳурӣ доир ба таҳия ва имзои Созишнома дар бораи ҳамкорӣ дар соҳаи маориф ва илм миёни Вазорати маориф ва илми Ҷумҳурии Тоҷикистон ва Вазорати маориф, фарҳанг, варзиш, илм ва технологияи Япония, зиёд кардани стипендияи MEXT ва осон кардани шароити он барои донишҷӯёни тоҷик, ҷалби грантҳои Япония дар соҳаи маориф ва илми Ҷумҳурии Тоҷикистон ва расонидани кумаки техникӣ ба Вазорати маориф ва илм барои коҳиш додани таъсири пандемияи ҷаҳонӣ пешниҳодҳо ироа гардиданд. Дар ин бора АМИТ «Ховар» бо истинод ба маркази матбуоти Вазорати маориф ва илми Ҷумҳурии Тоҷикистон хабар медиҳад.

Пешниҳодҳои мазкур зимни вохӯрии Вазири маориф ва илми мамлакат Раҳим Саидзода ва Сафири навтаъини Япония дар Тоҷикистон Тосихиро Аикӣ ироа гардиданд.

Дар вохӯрӣ муовини якуми Вазири маориф ва илм Ҷамшед Ҷӯразода, сардори раёсати муносибатҳои байналмилалӣ Илҳом Камолзода ва сардори раёсати сохтмони асосии назди вазорат Дилшод Сафарзода иштирок намуданд.


Иттилоъ дода шуд, ки ҳоло дар 3 муассисаи таҳсилоти олии касбии кишвар – Донишкадаи давлатии забонҳои Тоҷикистон ба номи С. Улуғзода, Донишкадаи омӯзгории Тоҷикистон дар шаҳри Панҷакент ва Донишгоҳи славянии Русия-Тоҷикистон забони ҷопонӣ таълим дода шуда, ҳар сол дар кишвар озмуни забони ҷопонӣ баргузор мешавад.

Зикр шуд, ки Япония дар бунёди мактабҳои таҳсилоти ҳамагонӣ дар Тоҷикистон саҳми арзанда мегузорад. «Танҳо соли 2019 бо ибтикори Сафорати Япония дар Душанбе ва бо маблағгузории Япония 3 муассисаи таҳсилоти умумӣ ба истифода дода шуд. Умедворем, ки то моҳи сентябр дар ҳамкорӣ бо шарикони Япония сохтмони муассисаҳои таълимии нав дар шаҳру ноҳияҳои ҷумҳурӣ ба анҷом расанд. Ҳамчунин Вазорати маориф ва илм бо Намояндагии Агентии Япония оид ба ҳамкории байналмилалӣ (JICA) дар Тоҷикистон дар соҳаи маориф ва илм, ки ба стратегияи 5-солаи JICA дохил карда мешавад, ҳамкории зич дорад», — иброз дошт Вазири маориф ва илм.

Дар охир ҷонибҳо ҷиҳати вусъати ҳамкории ҷойдошта дар соҳаи маориф ва илм изҳори қаноатмандӣ намуда, омодагиашонро изҳор доштанд.

АКС: Маркази матбуоти Вазорати маориф ва илми Ҷумҳурии Тоҷикистон

Май 13, 2022 09:01

Хабарҳои дигари ин бахш

Дар Вазорати маориф ва илм масоили қабули хонандагону омӯзгорон ба мактабҳои Русия ва Тоҷикистон баррасӣ шуд
«ҲАРАКАТИ ЭҶОДИИ НАВИСАНДАГОНИ МУОСИРИ ТОҶИК». Хонандаи шаҳри Душанбе Садафмоҳ Азимова ғолиби ин озмун гардид
Вазорати маориф ва илм барои қабули омӯзгорону хонандагон ба муассисаҳои Русия ва Тоҷикистон озмун эълон менамояд
МАРКАЗИ МИЛЛИИ ТЕСТӢ: Аз 10 то 30 июн марҳилаи иловагии бақайдгирии довталабон барои иштирок дар имтиҳонҳои марказонидаи дохилшавӣ доир мегардад
35-СОЛАГИИ ИСТИҚЛОЛИ ДАВЛАТӢ. Дар шаҳри Гулистон ба бунёди мактаб барои хонандагони болаёқат ва бинои Нозироти андоз санги асос гузошта шуд
«Таҳсилоти фосилавӣ: воқеият ва дурнамо». Таҳти чунин унвон конференсияи ҷумҳуриявӣ доир шуд
Маркази барномаҳои байналмилалӣ: ҳуҷҷатсупорӣ барои бурсияҳои таҳсилии Қазоқистон ва Беларус оғоз гардид
Хатмкунандагони Донишгоҳи давлатии омӯзгории Тоҷикистон ба муассисаҳои таълимии шаҳру навоҳии кишвар тақсим ва сафарбар карда мешаванд
Маркази миллии тестӣ маблағи барои хизматрасонӣ дар имтиҳонҳои марказонидаи дохилшавӣ пардохтнамудаи баъзе довталабонро бармегардонад
ОЛИМПИАДАИ БАЙНАЛМИЛАЛИИ «KANGAROO». Хонандагони Мактаби президентии Бӯстон сазовори 296 медал шуданд
Дар се моҳи соли 2022 дар Тоҷикистон 5 мактаб ба истифода дода шуд
ДАСТГИРИИ ДАВЛАТ. Дар Вазорати маориф ва илми Тоҷикистон оид ба имтиёзҳое, ки ба омӯзгорон дода шудааст, иттилоъ доданд