Хадамоти давлатии оташнишонии Вазорати корҳои дохилӣ дар минтақаи Кӯлоб машқҳои тактикӣ доир намуд
КӮЛОБ, 28.05.2022. /АМИТ «Ховар»/. Бо мақсади пешгирии ҳодисаҳои сӯхтор дар ташкилоту корхона, бозору марказҳои савдо, иншооти маъмурӣ ва манзилҳои зисти сокинон Хадамоти давлатии оташнишонии Вазорати корҳои дохилии Ҷумҳурии Тоҷикистон дар шаҳру ноҳияҳо пайваста корҳои фаҳмондадиҳӣ, санҷишҳои нақшавӣ ва машқҳои тактикӣ мегузаронад. Чунин машқи тактикӣ дар Ҷамъияти дорои масъулияти маҳдуди “Бозори дунё”-и ноҳияи Фархор гузаронида шуд, хабар дод мухбири минтақавии АМИТ «Ховар» Сулаймон ХОЛЗОДА.
Бо сар задани сӯхтори шартӣ нахуст дастаи ихтиёрии оташнишонии бозор ба хомӯш намудани он шурӯъ кард. Сӯхторнишонон низ бо қабули занги телефонӣ фавран ба ҷои ҳодиса ҳозир шуданд. Дар муддати кӯтоҳ алангаи оташ хомӯш карда шуда, амволи соҳибкорон наҷот дода шуд. Дастаи наҷотдиҳандагон чанд нафар аз осебдидагонро аз бозор берун бароварда, ба назди табибон бурданд ва ба онҳо ёрии аввалини тиббӣ расонида шуд.
Кормандони Хадамоти давлатии оташнишонӣ дар минтақаи Кӯлоб бо соҳибкорон ва маъмурияти бозор суҳбат ороста, оид ба пешгирӣ аз сӯхтор корҳои фаҳмондадиҳӣ гузарониданд.
Тавре корманди ХДО ВКД ҶТ дар минтақаи Кӯлоб Маҳмадалӣ Мирзода иттилоъ дод, гузаронидани чунин машқҳои тактикӣ ва корҳои фаҳмондадиҳӣ миёни аҳолӣ ва кормандони ташкилоту корхонаҳо натиҷаҳои хуб медиҳад.
Дар ноҳияи Восеъ низ аз ҷониби кормандони ХДО ВКД ҶТ машқи тактикӣ гузаронида шуд. Ин навбат машқи мазкур дар беморхонаи марказии ноҳия сурат гирифт. Кормандони хадамот дар муддати хеле кӯтоҳ оташи шартиро хомӯш карда, осебдидагонро аз бино берун бароварда, ба онҳо кумаки тиббӣ расониданд.
АКС: АМИТ «Ховар»
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
Дар шаҳри Исфара бахшида ба 35-солагии Истиқлоли давлатӣ гузашти ҳарбӣ доир шуд
