Кормандони милитсияи Душанбе Рӯзи ҷавонони Тоҷикистонро таҷлил намуданд

Май 21, 2022 09:28

ДУШАНБЕ, 21.05.2022 /АМИТ «Ховар»/. Бо мақсади сазовор таҷлил гардидани Рӯзи ҷавонони Тоҷикистон дар Раёсати Вазорати корҳои дохилии Ҷумҳурии Тоҷикистон дар шаҳри Душанбе бо иштироки муовини Раиси шаҳри Душанбе Дилбар Одилзода, сардори Раёсати кор бо ҷавонон ва варзиши шаҳри Душанбе Шоҳзод Раҳимзода, роҳбарият ва ҳайати шахсии Раёсати Вазорати корҳои дохилӣ дар шаҳри Душанбе ҳамоиши тантанавӣ баргузор гардид. Дар ин бора ба АМИТ «Ховар» дар Раёсати Вазорати корҳои дохилӣ дар шаҳри Душанбе хабар доданд.

Сараввал ба хотири гиромидошти хотираи шаҳидон-кормандоне, ки ҳангоми адои хизмат ҷони худро аз даст додаанд, маросими гулгузорӣ сурат гирифт.

Муовини Раиси шаҳри Душанбе Дилбар Одилзода табрикоти Раиси шаҳри Душанбе муҳтарам Рустами Эмомалиро вобаста ба Рӯзи ҷавонони Тоҷикистон ба иштирокдорон расонида, иброз дошт, ки «кормандони мақомоти милитсия ҷиҳати таъмини тартиботи ҷамъиятӣ, пешгирии амалу кирдорҳои номатлуб ва таъмини волоияти қонун ба таври шабонарӯзӣ фаъолият намуда, пайи иҷрои уҳдадориҳои хизматӣ камари ҳиммат бастаанд. Раванди зудтағйирёбандаи ҷаҳони муосир ба Ҷумҳурии Тоҷикистон низ бе таъсир намемонад. Вобаста ба ин кормандони мақомоти ҳифзи ҳуқуқро мебояд беш аз пеш зираку ҳушёр бошанд, то пеши роҳи ҳама гуна аъмоли ношоям гирифта шавад».

Ҳамзамон муовини аввали сардори РВКД дар шаҳри Душанбе, полковники милитсия Сафаралӣ Тағойзода иброз дошт, ки «воқеан давоми солҳои соҳибистиқлолии кишвар аз ҷониби Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои ба илму дониш фаро гирифтани ҷавонон зина ба зина шароити зарурӣ таъмин карда шуд. Маҳз ҷавонони бо илму дониш метавонанд ояндаи дурахшони давлату миллати хешро таъмин намоянд. Ин аст, ки Пешвои миллат ҷавононро ояндаи давлат унвон кардаанд».

Чуноне зикр гардид, дар сафи мақомоти корҳои дохилӣ низ аксариятро кормандони ҷавон ташкил медиҳанд, ки баҳри таъмини тартибот ва осиштаҳолии шаҳрвандон саҳми боарзиш мегузоранд.

Дар охир аз ҷониби муовини Раиси шаҳри Душанбе Дилбар Одилзода як гурӯҳ кормандони Раёсати Вазорати корҳои дохилӣ дар шаҳри Душанбе бо Сипосномаи Раёсати кор бо ҷавонон ва варзиши шаҳри Душанбе қадрдонӣ карда шуданд.

АКС: РВКД дар ш. Душанбе

Май 21, 2022 09:28

Хабарҳои дигари ин бахш

Бо мақсади баланд бардоштани маърифати ҳуқуқии афсарон ҳамоиши методӣ-таълимӣ баргузор гардид
ДАР АФҒОНИСТОН БОЗ МУСИБАТ. Бар асари заминларза беш аз ҳазор нафар ба ҳалокат расиданд, СММ аз ҷомеаи ҷаҳонӣ даъват кард, ки дар робита ба фоҷеа ба ин кишвар кумак намоянд
Қонуни Ҷумҳурии Тоҷикистон «Дар бораи истеҳсолоти иҷро» дар таҳрири нав таҳия гардид
ДАР АФҒОНИСТОН ЗАМИНЛАРЗАИ ШАДИД РУХ ДОД. 280 нафар ба ҳалокат расида, беш аз 600 кас ҷароҳат бардоштанд
КОРВОНИ ЗИДДИМУХАДДИРОТӢ — 2022. Таҳти ин унвон дар як қатор шаҳрҳои Тоҷикистон чорабиниҳои фарҳангӣ-фароғатӣ ва варзишӣ гузаронида мешаванд
Насрулло Маҳмудзода дар ҷаласаи котибони шӯроҳои амнияти кишварҳои узви СААД дар Ереван ширкат варзид
СИТОДИ БАЙНИИДОРАВӢ ХАБАР МЕДИҲАД: Фаъолияти гурӯҳҳои муташаккили террористӣ дар қаламрави ВМКБ ба пуррагӣ қатъ карда шуд
Ситоди байниидоравии таъмини амният ва тартиботи ҷамъиятӣ дар ВМКБ хабар медиҳад
Попи Рум Франсиск изҳор дошт, ки ҷанги сеюми ҷаҳонӣ оғоз шудааст
ТЕРРОРИЗМ — ЗУҲУРОТИ ҲАДАФМАНДОНАИ ЭКСТРЕМИСТӢ. Мулоҳизаҳои профессор Абдураҳмон Муҳаммад дар ин мавзӯъ
ЭКОТЕРРОРИЗМ. Толибон ҳайвоноти нодирро қатли ом мекунанд
Ситоди байниидоравии таъмини амният ва тартиботи ҷамъиятӣ дар ВМКБ хабар медиҳад