Сергей Лавров ҷиҳати иштирок дар ҷаласаи Шӯрои вазирони корҳои хориҷии ИДМ ба Душанбе омад

Май 11, 2022 21:12

ДУШАНБЕ, 11.05.2022 /АМИТ «Ховар»/. Вазири корҳои хориҷии Русия Сергей Лавров шоми имрӯз вориди Душанбе шуд. Дар ин бора ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд. Роҳбари  идораи дипломатии Русия аз Маскат- пойтахти Уммон, ки бо сафари корӣ дар он ҷо қарор дошт, вориди Душанбе шуд. Сергей Лавров дар ҷаласаи Шӯрои вазирони корҳои хориҷии кишварҳои Иттиҳоди  Давлатҳои Мустақил /ШВКХ ИДМ/, ки 13 май дар пойтахти Тоҷикистон- шаҳри Душанбе доир мегардад, ширкат хоҳад кард.

Тавре қаблан  хабарнигори  АМИТ «Ховар»  иттилоъ дода буд, рӯзномаи нишасти вазирони корҳои хориҷии ИДМ самарабахш хоҳад гузашт. Дар ҷаласаи Шӯрои вазирони  корҳои хориҷии кишварҳои ИДМ  ҷонибҳо дурнамои рушди ҳамкорӣ дар доираи иттиҳодро баррасӣ намуда, ба масъалаҳои амнияти байналмилалӣ ва густариши робитаҳо дар бахшҳои гуманитарӣ ва илмӣ таваҷҷуҳи хосса зоҳир менамоянд. Ҷаласаҳои Шӯрои вазирони корҳои хориҷии ИДМ аз рӯи анъана соле ду маротиба баргузор мешаванд.

Интизор меравад, ки ҷаласаи навбатӣ моҳи октябри соли равон дар Нур-Султон — пойтахти Қазоқистон баргузор шавад.

Шӯрои вазирони корҳои хориҷии Иттиҳоди Давлатҳои Мустақил мақоми асосии иҷроияи ИДМ мебошад. Шӯрои вазирони корҳои хориҷӣ дар асоси қарорҳои Шӯрои сарони давлатҳо ва Шӯрои сарони ҳукуматҳои Иттиҳоди Давлатҳои Мустақил фаъолияти сиёсати хориҷии давлатҳои аъзо, аз ҷумла фаъолияти онҳоро дар созмонҳои байналмилалӣ ҳамоҳанг месозад.

АКС аз манбаъҳои боз

Май 11, 2022 21:12

Хабарҳои дигари ин бахш

Дар Боку масъалаи баргузории ҷаласаи Комиссияи муштараки байниҳукуматӣ байни Тоҷикистон ва Озарбойҷон баррасӣ шуд
Дар Женева ҳамкории Тоҷикистон ва Созмони умумиҷаҳонии тандурустӣ баррасӣ гардид
Тоҷикистон ва Австрия ҳамкории дуҷонибаро вусъат мебахшанд
Дар Душанбе даври сеюми музокироти Тоҷикистон ва Иттиҳоди Аврупо баргузор гардид
Тоҷикистон бо Конфронси Созмони Милали Муттаҳид оид ба савдо ва рушд ҳамкориро тақвият мебахшад
Тоҷикистон барои расонидани кумаки зарурӣ ҷиҳати бартараф кардани оқибатҳои обхезӣ дар Қазоқистон изҳори омодагӣ намуд
Тоҷикистон ва Кувайт дурнамои ҳамкории дуҷонибаро дар бахшҳои сиёсӣ, тиҷоратӣ ва иқтисодӣ баррасӣ намуданд
Низоми раводид барои шаҳрвандони Тоҷикистон, ки ба Туркия сафар менамоянд, аз 20 апрел ҷорӣ мешавад
Дар Душанбе фаъолияти сохторҳои Созмони Милали Муттаҳидро дар Тоҷикистон мавриди баррасӣ қарор доданд
Ҳолати кунунӣ ва дурнамои ҳамкории Тоҷикистон дар доираи Фонди байналмилалии наҷоти Арал баррасӣ гардид
Мулоқоти Қоҳир Расулзода бо Пешвои миллии халқи туркман — Раиси Халқ Маслиҳатии Туркманистон Гурбонгулӣ Бердимуҳамедов
Дар Риёз муносибатҳои дуҷонибаи Тоҷикистон ва Арабистони Саудӣ баррасӣ гардид