Мактаби миёнаи №1 ноҳияи Шамсиддин Шоҳин ба номи Ҷамшедшоҳ Мирзо гузошта шуд

Май 2, 2022 13:29

Ш. ШОҲИН, 02.05.2022 /АМИТ «Ховар»/. Бо дастгирии Ҳукумати Ҷумҳурии Тоҷикистон Муассисаи таҳсилоти миёнаи умумии №1-и ноҳияи Шамсиддин Шоҳин ба номи Ҷамшедшоҳ Мирзо гузошта шуд, хабар медиҳад мухбири АМИТ «Ховар».

Зимни ҷамъомаде, ки дар маҷлисгоҳи ин муассисаи таҳсилоти миёна баргузор шуд, таъкид гардид, ки Ҷамшедшоҳ Мирзо хонандагонро дар руҳияи ватандӯстию хештаншиносӣ тарбия намуда, онҳоро баҳри ҳимояи марзу буми Ватан ҳамеша ҳидоят мекард.

Имрӯз дар ҷомеа номи шахсиятҳое вирди забонанд, ки воқеан ҳам баҳри Ватан ва ободию якпорчагии он саҳми назарраси худро гузоштаанд. Ҷамшедшоҳ Мирзо ҷони худро дар ҳифзи марзу буми Ватан нисор кардаву ҳалок гардидааст.

Ҷамшедшоҳ Мирзо 27 июни соли 1968 дар деҳаи Навободи собиқ ноҳияи Шӯрообод дар оилаи омӯзгор таваллуд шуда, таҳсили ибтидоии худро дар собиқ мактаби миёнаи умумии №10-и ба номи Абӯабдуллоҳ Рӯдакӣ, ҳозира Муассисаи таҳсилоти миёнаи умумии №1-и ноҳия оғоз намуда, соли 1985 онро бо баҳои хубу аъло хатм менамояд.

Ҷамшедшоҳ Мирзо баъди хатми мактаби миёна ҳуҷҷатҳои худро ба Донишгоҳи омӯзгории шаҳри Кӯлоб супурда, муддати 2 сол таҳсили илм менамояд ва ҳангоми таҳсил баъди хатми курси 2 ба сафи Қувваҳои Мусалаҳи собиқ Иттиҳоди Шӯравӣ даъват шуда, озими хизмат мешавад. Муддати 2 сол хизмати Модар-Ватанро дар шаҳри Мински Ҷумҳурии Белорус ҳамчун афсари тирандоз адо намуда, баъди адои хизмат ҳамчун ҷавони далеру шуҷоъ ба Ватан баргашт. Ӯ таҳсилашро аз рӯи ихтисоси омӯзгорӣ  идома медиҳад. Баъди хатми донишгоҳ роҳхат ба МТМУ №10 зодгоҳаш гирифта, ҳамчун омӯзгори ҷавон ба кор шурӯъ менамояд. Соли 1992 Ҷамшедшоҳ Мирзо ҳамчун як ҷавони шуҷои Ватан дар барқарор кардани ҳокимияти конститутсионӣ ба баталйони махсуси тирандозии Вазорати мудофиаи Ҷумҳурии Тоҷикистон ба ҳайси командири рота ба кор шурӯъ мекунад. Бояд гуфт, ки Ҷамшедшоҳ Мирзо дар барқарор кардани ҳокимияти конститутсионӣ дар бесарусомониҳои соли 1992  11 феврали соли 1996 ҳангоми иҷрои вазифа ба ҳалокат мерасад.

Ҳукумати Ҷумҳурии Тоҷикистон хизматҳои ин фарзанди шуҷои Ватанро қадр намуда, баъд аз маргаш соли 1998  бо Фармони Президенти Ҷумҳурии Тоҷикистон муҳтарам Эмомалӣ Раҳмон ӯро бо ордени «Спитамен» сарфароз  гардонид.

Ҷамшедшоҳ Мирзо дар тарбияи шогирдону фарзандон низ нақши  бориз гузоштааст. Имрӯз падари шодравон Ҷамшедшоҳ Мирзо Алиҳмад Мирзоев шукргузор аз давлати тинҷу ором ва сулҳу суботи мамлакат буда, қаноатманд аз он аст, ки қаҳрамониҳои фарзанди ӯро Ҳукумати ҷумҳурӣ қадр карда, ин муассисаро ба номи ӯ гузоштанд.

Дар ҷамъомад изҳор карда шуд, ки ҷавонони имрӯза бояд мисли Ҷамшедшоҳ Мирзо ба Ватани хеш содиқонаю сарбаландона баҳри якпорчагии Ватан ҳамеша хизмат намоянд. Ҳамчунин зикр гардид, ки қаҳрамонон ҳеч гоҳ намемиранд,  кори нек ва  хислати накӯи онҳо номашонро  абадӣ зинда нигоҳ медорад.

Сулаймон ХОЛЗОДА,
АМИТ «Ховар»

АКС: АМИТ «Ховар»

Май 2, 2022 13:29

Хабарҳои дигари ин бахш

Дар Хоруғ гурӯҳи кории корманд-занони мақомоти ҳифзи ҳуқуқ ва сохторҳои таъмини амният дар Бадахшон қадрдонӣ шуд
Дар Хатлон марҳилаи якуми амалиёти «Нелегал-2022» идома дорад
Ҷаласаи навбатии Шӯрои вазирони адлияи давлатҳои иштирокчии ИДМ дар Тоҷикистон доир мешавад
Музаффар Ашуриён бо Вазири адлияи Русия Константин Чуйченко мулоқот намуд
АМАЛИЁТИ «КОРД». Дар Душанбе фурӯшандагони силоҳи сард дастгир гардиданд
Бо мақсади баланд бардоштани маърифати ҳуқуқии афсарон ҳамоиши методӣ-таълимӣ баргузор гардид
ДАР АФҒОНИСТОН БОЗ МУСИБАТ. Бар асари заминларза беш аз ҳазор нафар ба ҳалокат расиданд, СММ аз ҷомеаи ҷаҳонӣ даъват кард, ки дар робита ба фоҷеа ба ин кишвар кумак намоянд
Қонуни Ҷумҳурии Тоҷикистон «Дар бораи истеҳсолоти иҷро» дар таҳрири нав таҳия гардид
ДАР АФҒОНИСТОН ЗАМИНЛАРЗАИ ШАДИД РУХ ДОД. 280 нафар ба ҳалокат расида, беш аз 600 кас ҷароҳат бардоштанд
КОРВОНИ ЗИДДИМУХАДДИРОТӢ — 2022. Таҳти ин унвон дар як қатор шаҳрҳои Тоҷикистон чорабиниҳои фарҳангӣ-фароғатӣ ва варзишӣ гузаронида мешаванд
Насрулло Маҳмудзода дар ҷаласаи котибони шӯроҳои амнияти кишварҳои узви СААД дар Ереван ширкат варзид
СИТОДИ БАЙНИИДОРАВӢ ХАБАР МЕДИҲАД: Фаъолияти гурӯҳҳои муташаккили террористӣ дар қаламрави ВМКБ ба пуррагӣ қатъ карда шуд