«ОИЛА-ХАЗИНАИ ХУШБАХТӢ». Таҳти чунин унвон дар Душанбе барномаи идона доир гардид

Май 15, 2022 09:01

ДУШАНБЕ, 15.05.2022 /АМИТ «Ховар»/. Дар иртибот ба Рӯзи байналмилалии  оила, ки ҳамасола 15 май дар саросари ҷаҳон  ва дар Тоҷикистон  таҷлил мегардад, бо ибтикори Мақомоти иҷроияи ҳокимияти давлатии  шаҳри Душанбе дар якҷоягӣ бо Хонаи ақди никоҳи шаҳри Душанбе таҳти унвони «Оила-хазинаи хушбахтӣ» барномаи идонаи фарҳангӣ бо шукӯҳу шаҳомати хосса ташкил гардид, иттилоъ доданд дар Раёсати кор бо занон ва оилаи мақомоти иҷроияи ҳокимияти давлатии шаҳри Душанбе ба АМИТ «Ховар».

Дар маросими ифтитоҳи барномаи идонаи фарҳангӣ муовини Раиси шаҳри Душанбе Дилбар  Одилзода зикр намуд, ки “маҳз бо саъю талошҳои Ҳукумати Ҷумҳурии  Тоҷикистон, Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси  шаҳри Душанбе муҳтарам Рустами Эмомалӣ бо мақсади солимгардонии фазои маънавии оилаҳо, баланд бардоштани тафаккуру андешаи наҷибу асолати оиласолорӣ, ҳифзи ифтихор ба тозагиву муқаддасоти оилавӣ ва баланд бардоштани маърифати оиладорӣ тадбирҳои зарурӣ андешида мешаванд”.

Таъкид гардид, ки ташаккул ва рушди оила дар ҷомеа таърихи дуру дароз дошта, дар тамаддуни инсонӣ он ҳамчун ниҳоди таъминкунандаи афзоиши аҳолӣ, василаи муошират ва муносибати иҷтимоӣ ва фазоест, ки арзишҳои умумиинсонӣ, аз қабили муҳаббат, ҳамдигарфаҳмӣ, садоқат, ҳамзистӣ, таҳаммулпазирӣ дар он ташаккул ёфта, рушд кардаанд. Оила бақои давлат ва ҷамъият буда, зерсутун ва пойдевори тарбияи насли наврас маҳз аз он сарчашма мегирад.

Яке аз масъалаҳои мубрами ҳаёти имрӯзи ҷомеа- бунёди оилаву ҷомеаи солим ва тарбияи насли ояндасоз ба шумор меравад, ки ҳалли дурусти он ба тарзи ҳаёт ва ҷараёни инкишофи худи инсон ва рушди ҷомеа вобаста мебошад.

Ҳамзамон дар барномаи идона муовини аввали Раиси Кумитаи кор бо занон ва оилаи назди Ҳукумати Ҷумҳурии Тоҷикистон Нигора Ғаффорзода оилаҳои ҷавону намунавиро бо Рӯзи байналмилалии оила шодбош гуфт. Зикр шуд, ки инсон, оила ва ҷамъият -ин се мафҳум муҳимтарин фалсафаи ҳаётанд. Ҳисси ватандӯстӣ, ифтихори миллӣ, худшиносии миллӣ-ин ҳама натиҷаи тарбия дар оила аст, чунки маҳз дар оила фарзанд аввалин маротиба мафумҳои Ватан, озодӣ, падар, модар, дин, дӯст доштан, асолати мард ва занро дарк менамояд ва дар ин замина дар пойтахт чорабиниҳои мухталиф барпо мегарданд, ки дар баргузории онҳо саҳми мақомоти иҷроияи ҳокимияти давлатии шаҳри Душанбе ва ноҳияҳои пойтахт  назаррас мебошад.

Тавре дар суҳбат бо хабарнигори АМИТ «Ховар» сардори  Раёсати кор бо занон ва оилаи мақомоти иҷроияи ҳокимияти давлатии шаҳри Душанбе Заррина Зуҳурова гуфт, “оилаҳои намунавӣ ва навхонадорон аз ноҳияҳои пойтахт, ки дар чорабинии идонаи фарҳангӣ иштирок намуданд, барои саҳми арзанда дар таълими насли наврас ва тарбияи онҳо дар рӯҳияи ватандӯстиву хештаншиносӣ бо ифтихорнома ва туҳфаҳои мақомоти иҷроияи ҳокимияти давлатии шаҳри Душанбе сарфароз гардонида шуданд”.

Рӯзи байналмилалии оила, ки соли 1993 бо қарори Ассамблеяи Генералии Созмони Милали Муттаҳид /СММ/ эълон шудааст, ҳамасола 15 май таҷлил мегардад. Мақсад аз таҷлили ин ҷашн- ҷалби таваҷҷуҳи  давлату ҷомеа ба мушкилоти мавҷудаи оила мебошад. Оила дар фарҳанги мардуми куҳанбунёди тоҷик ҳамчун ниҳоди муқаддас эътироф гардидааст, зеро

беҳтарин арзишҳои инсонӣ, аз қабили муҳаббату садоқат, самимияту вафодорӣ ва ҳамдигарфаҳмиву таҳаммулгароӣ маҳз дар оила ташаккул меёбанд. Ин аст, ки бо дарназардошти таҳкими фарҳанги оиладорӣ  дар ҷомеаи Тоҷикистон ҳамчун яке аз рукнҳои тақвияти пояҳои давлатдорӣ ва устувории оилаҳо  соли  2015  аз ҷониби Асогузори сулҳу ваҳдати миллӣ –Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Тоҷикистон Соли оила эълон гардида буд.

АКС: Раёсати кор бо занон ва оилаи мақомоти иҷроияи ҳокимияти давлатии шаҳри Душанбе

Май 15, 2022 09:01

Хабарҳои дигари ин бахш

Хизматчиёни давлатии Тоҷикистон барои таҳсили дусола ба донишгоҳҳои бонуфузи Ҷопон фиристода мешаванд
Дар ноҳияи Фирдавсӣ аз ҷониби ҲХДТ номзад ба вакилии Маҷлиси вакилони халқи шаҳри Душанбе дар ҳавзаи интихоботии №62 пешбарӣ шуд
Беш аз 100 нафар маъюбони шаҳру ноҳияҳои Суғд соҳиби аробача гардиданд
ДУ ПОЙ ДАР ЛОЙ. Камол Насрулло таассуб ва хурофотро аз бемориҳои дерину куҳансоле номид, ки бархе аз мардуми мо ба он гирифтор аст
Раиси ВМКБ Алишер Мирзонабот бо мақсади шиносоӣ бо рушди инфрасохтор ба водии Бартанги Рӯшон сафари корӣ намуд
ВИРУСОЛОГҲО ДАР БОРАИ ИМКОНИЯТ ВА МУҲЛАТИ МАВҶИ НАВИ COVID-19 ДАР РУСИЯ. Вазири тандурустии Тоҷикистон мавҷуд будан ё набудани омилҳои воридшавии коронавирусро ба кишвари мо шарҳ дод
Ба Сарраёсати ҳифзи муҳити зист дар вилояти Хатлон озмоишгоҳи сайёри экологӣ дастрас гардид
ЭҲТИЁТ БОШЕД, ФАЪОЛНОКИИ ОФТОБӢ! Даври баландтарини он ба солҳои 2022-2023 рост меояд
Дар Душанбе ҷаласаи Комиссияи сетарафаи танзими муносибатҳои иҷтимоию меҳнатӣ баргузор гардид
Борони кӯтоҳмуддат ба чор қитъаи замини наздиҳавлигии сокинони ноҳияи Лахш зарар расонид
«ЗАНҶИРАИ ГАРМИ ДАСТГИРИИ ШИРИ МОДАР». Таҳти чунин унвон дар Тоҷикистон Даҳаи тағзияи кӯдакон бо шири модар доир мегардад
НИШАСТИ МАТБУОТӢ. То соли 2030 шумораи хизматчиёни давлатӣ аз ҳисоби занон ва духтарони болаёқат ба 30 фоиз расонида мешавад

Маводҳои таҳлилӣ