«ПАЙКАРИ МИЛЛАТ». Таҳти ин ном дар Театри академии драмавии ба номи Лоҳутӣ намоишномаи нав рӯи саҳна омад

Май 13, 2022 11:46

ДУШАНБЕ, 13.05.2022 /АМИТ «Ховар»/. 11 май дар Театри давлатии академӣ-драмавии ба номи Абулқосим Лоҳутии шаҳри Душанбе барои фаъолони Ҳизби Халқии Демократии Тоҷикистон спектакли нави «Пайкари миллат» намоиш дода шуд.

Намоишномаи мазкур аз рӯйи асари Ҳунарпешаи халқиии Тоҷикистон Ибодулло Машрабов, аз ҷониби коргардон Ҳунарпешаи халқии Тоҷикистон Давлат Убайдуллоев дар ҳаҷми 70 дақиқа ба саҳна гузошта шудааст.

Намоишномаи мазкур марҳилаҳои таърихии давлатдории халқи тоҷикро аз Куруши Кабир то Асосгузори сулҳу ваҳдати миллӣ — Пешвои миллат муҳтарам Эмомалӣ Раҳмон ва лаҳзаҳои хусусияти тарбиявидоштаро барои баланд намудани ҳисси худшиносии миллии тамошибинон дарбар мегирад.

Намоишнома, ки мавзуи забонро ба унвони муҳимтарин асл ва нишони будани миллат матраҳ мекунад, бо илҳом аз китоби «Забони миллат – ҳастии миллат»-и Президенти Ҷумҳурии Тоҷикистон муҳтарам Эмомалӣ Раҳмон ба муносибати 30-юмин солгарди Истиқлоли давлатии Ҷумҳурии Тоҷикистон нигошта шудааст.

Тамошобин тӯли як соат дар саҳна бо пиндору гуфтору рафтори бузургони миллат Исмоили Сомонӣ, Зардушт, Имом Абуҳанифа (Ибодуллоҳи Машраб), Балъамӣ, Мисрӣ, Бобоҷон Ғафуров (Ортиқи Қодир), Рўдакӣ, Хусрави Парвиз (Фирўз Умаров), Ҷайҳонӣ, Яҳудӣ, Аъробӣ (Исфандиёр Ғуломов), Байҳақӣ, Халифаи Бағдод (Қурбони Собир), Пешвои миллат, Куруши бузург (Абдукарим Машрабов), Садриддини Айнӣ (Давлаталӣ Убайдуллозода) рӯ ба рӯ мешавад.


Мусиқии спектаклро оҳангсоз Далер Тилоев сохтааст, ки он бо забони хос мавзуи намоиш, бархўрди марҳалаҳои таърихӣ ва дар маҷмуъ, паёми аслии асарро ба мухотаб мерасонад ва ба шинохту огоҳие, ки тамошобин аз дигар бахшҳо меандўзад, меафзояд.

«Намоиши “Пайкари миллат” дар шароити ҷомеаи имрўзини башар ва авзои феълии ҷаҳон барои миллати тоҷик паёме хос дорад – аз айёми сарнавиштсози дигар ҳушдор медиҳад ва ба ин маънӣ, омўзгорест хирадманд», — навиштааст дар бораи ин асармуаллими калони Донишгоҳи миллии Тоҷикистон Лола Ҳоҷибоева.

АКС аз манбаъҳои боз

Май 13, 2022 11:46

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Тандиси биринҷии чеҳраи Президенти Тоҷикистон ба Осорхонаи миллӣ супорида шуд
АЗ НАВРӮЗ ТО НАВРӮЗ. Дар Донишкадаи давлатии санъати тасвирӣ ва дизайни Тоҷикистон фестивали муд баргузор мегардад
ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус
НАВРӮЗ ДАР ЗАРАФШОН. Он бо «тухмҷангак»-и кӯдакон оғоз мегардад