ПАРИЖ-2024: рақси варзишӣ ё брекданс бори аввал ба барномаи Бозиҳои олимпӣ ворид гардид
ДУШАНБЕ, 02.05.2022 /АМИТ «Ховар»/. Мусобиқа оид ба рақси варзишӣ ё брекданс (World DanceSport Federation) бори аввал ба барномаи Бозиҳои олимпӣ ворид гардид. Дар ин бора АМИТ «Ховар» бо истинод ба Кумитаи миллии олимпии Тоҷикистон хабар медиҳад.
Мусобиқаи рақси варзишӣ миёни мардон ва бонувон сурат мегирад.
Соли 2024 (26 июл – 11 август) дар Париж – пойтахти Фаронса XXXIII Бозиҳои Олимпиада баргузор мешавад.
Дар намуди рақси варзишӣ ҳамагӣ 32 варзишгар (16 нафар миёни мардон, 16 нафар миёни бонувон) иштирок мекунанд. Ҳар кумитаи миллии олимпӣ имкон дорад 4 роҳхат дарёфт кунад (дунафарӣ миёни мардҳо ва бонувон).
26 нафар тариқи роҳхати мустақим, 2 варзишгари кишвари мизбон ва 4 нафар тариқи квотаи универсалӣ ба Париж сафарбар мегарданд.
Роҳхатҳои мустақим (26 адад) тариқи мусобиқаҳои интихобии олимпӣ тақсим мешавад. Ғолибони Чемпионати ҷаҳон оид ба рақси варзишӣ (23-24 сентябри соли 2023) миёни мардҳо ва бонувон (2), ғолибони мусобиқаҳои қоравӣ миёни мардҳо ва бонувон (10) соҳиби роҳхати олимпӣ мешаванд. 14 нафари дигар (7 мард, 7 зан) дар силсилаи мусобиқаҳои интихобии олимпӣ дар давраи аз моҳи март то июни соли 2024 интихоб мегарданд.
Ба кишвари мизбон 2 квота ҷудо карда мешавад, ба шарте ки онҳо дар силсилаи мусобиқаҳои интихобии олимпӣ ширкат кунанд ва дар 30-гонаи радабандии ҷаҳонӣ ҷой дошта бошанд.
4 ҷойи дигар тариқи квота аз ҷониби Комиссияи сеҷониба муайян мегардад.
Мусобиқаи рақси варзишӣ дар Бозиҳои олимпии Париж-2024
Қувваозмоӣ – 2
Мардон – 1
Бонувон – 1
Шумораи иштирокчиён
Мардон – 16
Бонувон — 16
Ҳамагӣ – 32
Синну сол – 16+
Тақсимоти ҷойҳо:
Роҳхати мустақим – 26
Квота аз ҷониби Комиссияи сеҷониба — 4
Квота барои кишвари мизбон – 2
Ҳамагӣ – 32
Мусобиқаҳои интихобӣ
25-26 сентябри соли 2023
Чемпионати ҷаҳон оид ба рақси варзишӣ. Белгия
Март-июни соли 2024
Силсилаи мусобиқаҳои интихобии олимпӣ
Мусобиқаҳои интихобии олимпии Осиё
АКС: КМО Тоҷикистон
Дастаи мунтахаби наврасони Тоҷикистон дар Дубай се бозии дӯстона анҷом медиҳад
БАРНОМАИ РУШДИ ФУТБОЛ ДАР ТОҶИКИСТОН. Беш аз 15 ҳазор наврасон ба тамрини футбол фаро гирифта шуданд
Шурои мураббиёни ФФТ натиҷаи фаъолияти дастаҳоро ҷамъбаст ва нақшаҳои соли 2027-ро баррасӣ намуд
Варзишгари тоҷик Фатҳулло Одинаев дар марафони байналмилалии Ню-Йорк иштирок намуд
Ҳафт паҳлавони тоҷик дар Чемпионати ҷаҳон оид ба гӯштини кураш дар Қазоқистон иштирок менамоянд
Дастаи миллии Тоҷикистон оид ба футзал бо дастаи мунтахаби Узбекистон бозиҳои дӯстона анҷом медиҳад
Дар ноҳияи Абдураҳмони Ҷомӣ Мусобиқаи кушод оид ба гӯштини тарзи озод байни наврасон оғоз гардид
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
