Рустами Эмомалӣ пешниҳод намуданд, ки қонунҳо дар кишварҳои Осиёи Марказӣ мукаммал карда шаванд
ДУШАНБЕ, 13.05.2022 /АМИТ «Ховар»/. Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ дар нахустин ҷаласаи Форуми байнипарлумонии кишварҳои Осиёи Марказӣ ва Русия, ки дирӯз, 12 май дар Ашқобод баргузор гардид, қонунгузории навро пешниҳод карданд.
Раиси палатаи болоии Парлумони Тоҷикистон дар ин нишаст пешниҳод намуданд, ки ҳамкории байнипарлумонии кишварҳои Осиёи Марказӣ ва Русия бо роҳи наздик кардани қонунгузории миллӣ бояд ба роҳ монда шавад.
Ба гуфтаи Рустами Эмомалӣ, ҳамкорӣ дар ин шакл ба рушду таҳкими робитаҳои иқтисодӣ ва башардӯстона ва ҳифзи ҳуқуқу манфиатҳои шаҳрвандони кишварҳои ширкаткунандаи форуми байнипарлумонӣ мусоидат менамоянд.
«Ба рӯзномаи ҳамкории мо метавонем таҷрибаи таҳияи қонунҳои намунавиро дохил намоем ва ҳамчунин барои ба ҳам наздикшавии қонунгузории миллии якдигар низ пешниҳодҳо намоем», — зикр намуданд Раиси Маҷлиси миллии Маҷлиси Олии Ҷумҳурии Тоҷикистон.
Мавсуф ҳамчунин тазаккур доданд, ки имкон аст ба нақшаи рушд таҷрибае, ки дар доираи Ассамблеяи байнипарлумонии кишварҳои узви ИДМ ҳосил шудааст, ворид гардад.
Дар ҷаласаи умумии форум роҳбарони парлумонҳои Қазоқистон, Қирғизистон, Русия, Тоҷикистон ва Узбекистон ширкат намуданд.
Ба гуфтаи коршиносон, ташкили муколамаи мустақими бисёрҷонибаи байнипарлумонӣ миёни кишварҳои Осиёи Марказӣ ва Русия дар ин шакл барои густариши ҳамкорӣ хеле умедбахш аст.
Ёдовар мешавем, ки нахустин ҷаласаи Форуми байнипарлумонии кишварҳои Осиёи Марказӣ ва Русия дар мавзӯи «Ҳамкории байнипарлумонӣ-ҷузъи ҷудонашавандаи муносибатҳои байнидавлатӣ» бо ибтикори Раиси Халк Маслиҳатии Милли Генгеши Туркманистон Гурбангулӣ Бердимуҳамедов даъват гардида буд.
АКС: АМИТ«Ховар»
Имрӯз дар водиҳои Тоҷикистон ҳаво то 39 дараҷа гарм мешавад
Раиси вилояти Хатлон дар Қазоқистон бо ҳамватанон ва соҳибкорони тоҷик вохӯрӣ намуд
Дар марказҳои таълимии шаҳри Кӯлоб аз рӯи 52 касбу ихтисос мутахассис омода карда мешавад
Имрӯз дар шаҳри Душанбе ҳаво то 33 дараҷа гарм мешавад
Дар Коллеҷи омори шаҳри Ваҳдат ба муносибати қабули ташаббуси навбатии ҷаҳонии Тоҷикистон ҳамоиши илмӣ баргузор шуд
Имрӯз дар шаҳри Душанбе ҳаво то 35 дараҷа гарм мешавад
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
