Тақвияти ҳамкории Раёсати Вазорати корҳои дохилӣ дар шаҳри Душанбе бо мақомоти Амрико баррасӣ гардид
ДУШАНБЕ, 13.05.2022 /АМИТ «Ховар»/. 12 май зимни мулоқоти сардори Раёсати Вазорати корҳои дохилӣ дар шаҳри Душанбе Бароталӣ Ҳамидзода бо гурӯҳи кории намояндагони Департаменти давлатии Иёлоти Муттаҳидаи Амрико Кара Роз ва Кевин Скали масъалаи тақвияти ҳамкории Раёсати ВКД дар шаҳри Душанбе бо мақомоти Иёлоти муттаҳидаи Амрико дар доираи барномаи ислоҳоти милитсия баррасӣ гардид.
Тавре дар Раёсати ВКД-и шаҳри Душанбе ба АМИТ «Ховар» хабар доданд, зимни мулоқот зикр гардид, ки дар доираи сиёсати хирадмандонаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикиситон муҳтарам Эмомалӣ Раҳмон муносибатҳои дипломативу дӯстонаи ду кишвар дар сатҳи хуб ба роҳ монда шуда, имсол 30-юмин солгарди барқарорсозии муносибатҳои дипломатӣ миёни Тоҷикистон ва Амрико таҷлил гардид.
Дар ҷараёни мулоқот ҳамзамон амалисозии Барнома ва Стратегияи ислоҳоти милитсия дар Ҷумҳурии Тоҷикистон мавриди баррасӣ қарор гирифта, аз ҷониби намояндагони дипломатии Амрико амалисозии якчанд барномаҳо дар самти мубориза бар зидди муомилоти ғайриқонунии воситаҳои нашъадор, ташкили милитсияи патрулӣ, таҳким бахшидани робита бо аҳолӣ, вазъи садаманокӣ ва роҳу усулҳои пешгирии он матраҳ гардиданд.
Ҳамзамон ҷиҳати дар амал татбиқ намудани таҷрибаи пешқадами кишварҳои ҳамдигар дар самтҳои болозикр гуфтугӯҳои судманд доир шуданд.
АКС: РВКД дар ш.Душанбе
Прокурори генералии Тоҷикистон бо Сафири Давлати Кувайт дар Ҷумҳурии Тоҷикистон мулоқот намуд
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
