«Тоҷикистон. Таъмини сулҳу суботи Ватан қарзи шаҳрвандии мост»,- шарҳи матбуоти даврии Тоҷикистон

Май 27, 2022 11:13

ДУШАНБЕ, 27.05.2022 /АМИТ «Ховар»/. Нашрияҳои даврии Тоҷикистон ҳафтаи сипаригардида оид ба ҳаёти сиёсӣ, иқтисодӣ ва иҷтимоиву фарҳангии мамлакат хабару гузориш ва мақолаҳои сершумор ба нашр расониданд, ки шарҳи мухтасари онҳоро пешкаши  хонандагони сомона мегардонем.

Нашрияи расмии Ҷумҳурии Тоҷикистон — «Ҷумҳурият» дар саҳифаи аввали шумораҳои  №98 (24 457), сешанбе, 24 май ва №99 (24 459) чоршанбе, 25 майи соли равон таҳти сарлавҳаи «Ширкати Эмомалӣ Раҳмон дар иҷлосияи 78-уми Комиссияи иқтисодӣ ва иҷтимоии СММ барои кишварҳои Осиё ва уқёнуси Ором», «Дилро ба дил раҳест», «Тоҷикистон. Таъмини сулҳу суботи Ватан қарзи шаҳрвандии мост», «Кишоварзӣ. То вақте ба қадри замин мерасем…» ва зери рубрикаи «Тоҷикистон» хабару гузоришҳоро аз ҳаёти сиёсӣ, иқтисодӣ ва иҷтимоии мамлакат нашр намудааст.

Муаллифи маводи «Тоҷикистон. Таъмини сулҳу суботи Ватан қарзи шаҳрвандии мост» ректори Донишгоҳи давлатии ҳуқуқ, бизнес ва сиёсати Тоҷикистон М.Шарифзода нигоштааст: «Авзои сиёсии ҷаҳон ва тағйиру таҳаввулоти босуръати он, инчунин торафт вусъат гирифтани низоъҳои байнимазҳабӣ ва авҷи ҷиноятҳои муташаккили фаромарзӣ ҳар фарди ҷомеаро водор месозад, ки нисбат ба зуҳуроти манфии замон бетараф набошад. Бахусус, ҷавонон қувваи бузург баҳри муқовимат бо чунин падидаҳои номатлуб ба ҳисоб рафта, илму дониш, касбу ҳунар ва ҳисси баланди миллии онҳо ба ҳайси аслиҳаи тавоно хидмат хоҳанд кард. Мусаллам аст, ки маҳз адои бошарафонаи рисолати имрӯзаи ҷавонон оғози фардои дурахшони Ватанро таъмин месозад….». Хонанда имкон дорад, ки давоми матлабро аз ин шумора  мутолиа намояд.

Ҳамчунин дар ин шумора хонанда метавонад аз рубрикаи «Ҷаҳон» ва «Ҷаҳон дар як сатр»  аз навигариҳои  дунё бохабар гардад.

Инунин дар ин шумора матлабҳои гуногун  доир ба мавзӯъҳои муҳими  рӯз мавриди таҳлил қарор дода шуда, пешниҳоди хонандагон гардидаанд.

«Кишоварзӣ. То вақте ба қадри замин мерасем…»- чунин ном гирифтааст матлаби дигари ин нашрия, ки дар он муаллиф Матлубаи Абдуқаҳҳор зарур шуморидааст, ки сокинони кишвар, хусусан кишоварзон, ки бо замин сару кор дошта, дар таъмини амнияти озуқавории мамлакат саҳм мегузоранд, дар истифодаи самараноки замин, хусусан заминҳои наздиҳавлигиву президентӣ, захира кардану истифодаи тухмиҳои аълосифат ва рӯёнидани ду-се ҳосил аз як замин дар як сол аз тавсияи мутахассисони соҳа самаранок ва оқилона истифода баранд.

Дар саҳифаи дигари ин рӯзнома хонандагон метавонанд аз нашри асари нави адиб ва журналисти шинохтаи тоҷик Умари Шерхон таҳти унвони «Султони кинои тоҷик», ки аз ҳаёт ва фаъолияти давлатӣ ва сиёсии Султон Мирзошоев хикоят мекунад шинос шаванд.

Нашрияи расмии Маҷлиси Олии Ҷумҳурии Тоҷикистон «Садои мардум» рӯзи сешанбе, 24 май №62 (4482) таҳти унвони «Нақлиёти барқӣ-коҳишдиҳандаи ихроҷи газҳои парникӣ» оид ба воридоти нақлиёти барқӣ ба кишвар, ки боиси афзудани таваҷҷуҳи воридкунандагон ба ин намуди нақлиёти аз лиҳози экологӣ тоза гардид, мавод нашр намудааст. Муаллифи ин матлаб Сайфиддин Суннатӣ пешниҳод намудааст, то дар кишвар якҷо бо шарикони хориҷӣ истеҳсоли электромобил, электрофургон, электроскутер, сечархаҳои барқӣ, велосипеди барқӣ ба роҳ монда шавад.

Инчунин дар ин шумора хонанда метавонад  хабару гузоришҳои омоданамудаи рӯзноманигори ин нашрияро  дар самти иҷтимоию иқтисодӣ  ва  фарҳангию варзишӣ  мутолиа  намояд.

«Народная газета»— нашрияи расмии русизабони Ҳукумати Ҷумҳурии Тоҷикистон дар шумораи №22 (20355), 25 майи соли равон  хабару гузоришҳо оид ба баромади Пешвои миллат муҳтарам Эмомалӣ Раҳмон дар иҷлосияи 78-уми СММ, таҷлили Рӯзи ҷавонон дар кишвар, қасамёдкунии наваксарон дар қисмҳои ҳарбии Вазорати мудофиаи Ҷумҳурии Тоҷикистонро нашр намудааст.

Инчунин дар ин шумора хонанда метавонад  хабару гузоришҳои омоданамудаи рӯзноманигори ин нашрияро  дар самти иҷтимоию иқтисодӣ  ва  фарҳангию варзишӣ  мутолиа  намояд.

«Минбари  халқ» — нашрияи марказии Ҳизби Халқии Демократии Тоҷикистон /ҲХДТ/ дар шумораи №25 (1366), чоршанбе, 25 майи соли 2022 дар баробари дигар нашрияҳо иштирок ва суханронии Пешвои миллат дар ҳамоиши СММ-ро инъикос намудааст. Инчунин  дар ин шумораи рӯзнома  хабару мақола оид ба фаъолияти ҲХДТ  ва дигар  маводи ҷолиб ба  нашр расидаанд. Аз ҷумла,  метавон аз маводи  «Ба Ватану миллат содиқ бошем!», «Фаввораҳои гунг гӯё мешаванд?», «Таъсири шабакаҳои иҷтимоӣ ба фазои иттилоотии Тоҷикистон» маълумот пайдо намуд.

«Боҷу хироҷ»- нашрияи Кумитаи андози назди Ҳукумати Ҷумҳурии Тоҷикистон буда, дар шумораи №20 (1324), панҷшанбе, 26 майи соли равон хонандагон метавонанд бо маводи хонданбоб оид ба «Ҳолати андозбанди субъектҳои соҳибкории хурди дар низоми содакардашуда фаъолияткунанда», «Вазъи бақайдгирӣ ва андозбандии хоҷагиҳои деҳқонӣ», «Пешбинии сабукиву имтиёзҳо-мусоидат ба рушди соҳибкории хурд» ва дигар матлабҳои ҷолиб шинос шаванд.

Шаҳлои САДРИДДИН,
АМИТ «Ховар»

АКС: АМИТ «Ховар»

Май 27, 2022 11:13

Хабарҳои дигари ин бахш

«МАВЛОНО-МУРШИДИ ВАҲДАТ ВА ГУФТУГӮИ ТАМАДДУНҲО». Дар Душанбе таҳти чунин унвон конфронси байналмилалӣ доир шуд
ЭҲЁ ВА РУШДИ ЗАБОНИ ДАВЛАТӢ ДАР ПАРТАВИ СИЁСАТИ ФАРҲАНГИИ ПЕШВОИ МИЛЛАТ. Ба Рӯзи забони давлатии Ҷумҳурии Тоҷикистон бахшида мешавад
Маросими ифтитоҳи расмии Бозиҳои XVI Делфӣ дар Театри давлатии академии опера ва балети Тоҷикистон доир мегардад
Сафорати Тоҷикистон дар Узбекистон дар Фестивали анъанаҳои фарҳангӣ ва таомҳои миллии намояндагиҳои дипломатӣ дар Тошканд ширкат варзид
Бостоншиносон бори нахуст маданияти моддии Панҷакенти замони Сомониёнро таҳқиқ менамоянд
25 сентябр дар Академияи миллии илмҳо Рӯзи дарҳои кушода гузаронида мешавад
Дар ноҳияи Исмоили Сомонии шаҳри Душанбе Маркази хизматрасонии «Сад ранги чакан» ифтитоҳ ёфт
ҲАМЛАИ ТАҶОВУЗКОРОНАИ ҚИРҒИЗИСТОН. Жапаров дар иҷлоси СММ сухан гуфта, гумон кардааст аз минбари Жогорку Кенеши Қирғизистон ҳарф мезанад,- сармуҳаррири рӯзномаи «Ҷаҳони Паём»
Ба шарафи Рӯзи Рӯдакӣ дар Институти илмҳои гуманитарӣ конференсияи илмӣ-амалӣ баргузор шуд
Дар Душанбе бахшида ба Рӯзи Рӯдакӣ ҳамоиш баргузор мешавад
«ТОҶИКИСТОН — КИШВАРИ ДАРЁҲОИ ТИЛЛОӢ». Дар Осорхонаи таърихии вилояти Суғд шакли хурди намоиш ифтитоҳ ёфт
ҲАМЛАИ ТАҶОВУЗКОРОНАИ ҚИРҒИЗИСТОН. Марзбонони қирғиз борҳо санадҳои оташбасро дағалона вайрон намуда, гуноҳро ба сари неруҳои марзбони Тоҷикистон мезананд