Туҳфаҳои Пешвои миллат ба иштирокчиёни Ҷанги дуюми ҷаҳонии ноҳияи Шаҳринав расонида шуданд
ШАҲРИНАВ, 05.05.2022 /АМИТ «Ховар»/. Дар ноҳияи Шаҳринав ба муносибати ҷашни 77-умин солгарди Рӯзи Ғалаба намояндаи Дастгоҳи иҷроияи Президенти Ҷумҳурии Тоҷикистон Гулҷаҳон Абдуфаттоҳзода ва раиси ноҳия Ҷаббор Носирзода ба иштирокчиёни Ҷанги дуюми ҷаҳонӣ Азиз Қодиров, Рашида Нургалиева ва Мирахмед Юнусов кумакпулӣ ва туҳфаҳои Пешвои миллат муҳтарам Эмомалӣ Раҳмонро расониданд, иттилоъ медиҳад мухбири минтақавии АМИТ «Ховар» Субҳониддини МАҲМУД.
Зимни расонидани табрикоти Пешвои миллат гуфта шуд, ки Ҳукумати Ҷумҳурии Тоҷикистон вобаста ба нигоҳубин, парасторӣ ва ба ғамхорӣ фаро гирифтани собиқадорони ҷангу меҳнат ва ҳалли масоили иҷтимоии онҳо мунтазам тадбирҳои судманд меандешад. Ғамхорӣ дар ҳаққи онҳое, ки ба хотири ҳимояи Ватан ва зиндагии осудаи наслҳои имрӯзу ояндаи халқамон фидокорию ҷонбозиҳо кардаанд, вазифаи инсонии ҳар як фарди бонангу номуси ҷомеа мебошад.
Гулҷаҳон Абдуфаттоҳзода гуфт, ки қаҳрамонию корномаҳои собиқадорони ҷангу меҳнат ҳамеша қадрдонӣ гардида, ба он ҳамеша аз ҷониби насли наврас арҷ гузошта мешавад. Таъмини зиндагии шоистаи онҳо аз масоилест, ки доимо зери таваҷҷуҳи Сарвари давлат муҳтарам Эмомалӣ Раҳмон қарор доранд.
Иштирокчиёни ҷанги ноҳияи Шаҳринав барои чунин ғамхориҳо ба Президенти Ҷумҳурии Тоҷикистон муҳтарам Эмомалӣ Раҳмон миннатдорӣ баён намуда, шукронаи Ватани орому осуда — Тоҷикистони соҳибистиқлол карданд ва баҳри боз ҳам пешрафти мамлакат дуои нек доданд.
АКС: Мақомоти иҷроияи ҳокимияти давлатии ноҳияи Шаҳринав
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
Имрӯз дар Тоҷикистон ҳавои тағйирёбанда шуда, борони кӯтоҳмуддат меборад
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
