Вазири кишоварзии Тоҷикистон дар Конфронси 33-юми Созмони озуқаворӣ ва кишоварзии СММ дар Аврупо иштирок дорад
ДУШАНБЕ, 11.05.2022 /АМИТ «Ховар»/. Аз 10 то 13 май дар шаҳри Лодзи Ҷумҳурии Лаҳистон бо ташаббуси Созмони озуқаворӣ ва кишоварзии Созмони Милали Мутаҳид (ФАО СММ) ва дастгирии Ҳукумати Ҷумҳурии Лаҳистон Конфронси 33-юми минтақавии ФАО СММ барои Аврупо ҷараён мегирад, ки дар он аз Тоҷикистон Вазири кишоварзии мамлакат Саъдӣ Каримзода иштирок дорад.
Тавре аз шуъбаи матбуот ва иттилооти Вазорати кишоварзии ҷумҳурӣ иттилоъ доданд, дар конфронси мазкур Вазири кишоварзии Ҷумҳурии Тоҷикистон Саъдӣ Каримзода дар мавзӯи «Роҳҳои аз нав ташкил намудани низоми агроозуқаворӣ дар Аврупо ва Осиёи Марказӣ» маърӯза менамояд.
Дар конфронси мазкур ҳайати расмии 53 мамлакати сайёра ва намояндагони 35 ташкилоти байналмилаливу минтақавӣ иштирок дошта, мутобиқи барномаи конфронс 10 масъала доир ба аз нав ташкил намудани низоми озуқаворӣ дар ҷаҳон баррасӣ мегарданд.
Дар маросими ифтитоҳи расмии конфронс директори генералии ФАО СММ, муовини сарвазир – Вазири кишоварзии Ҷумҳурии Лаҳистон, Вазири корҳои хориҷии Ҷумҳурии Лаҳистон, Комиссари Иттиҳоди Аврупо доир ба масъалаҳои кишоварзӣ ва Раиси шаҳри Лодз сухан гуфтанд.
АКС: Вазорати кишоварзии ҶТ
Ҷараёни иҷрои Стратегияи Ҷумҳурии Тоҷикистон дар соҳаҳои илм, технология ва инноватсия барои давраи то соли 2030 баррасӣ шуд
Сулаймон Зиёзода бо ҷамъоварии ҳосили пахта дар ноҳияи Ҷаббор Расулов шинос шуд
Вазорати нақлиёти Тоҷикистон барои навсозии роҳи «Балҷувон-Сари Хосор» бо ширкати чинӣ қарордод ба имзо расонид
Гардиши савдои хориҷии Тоҷикистон беш аз 35 фоиз афзоиш ёфтааст
Дар Душанбе ҷалби сармояи мустақими Саудӣ ба иқтисодиёти Тоҷикистон баррасӣ гардид
Дар Тоҷикистон ҳаҷми истеҳсоли маҳсулоти кишоварзӣ 8,5 фоиз афзоиш ёфтааст
Корхонаи воҳиди давлатии «Почтаи Тоҷикистон» фаъолияташро дар шакли муосир ба роҳ мондааст
Дар Тоҷикистон 1028 гармхонаи доимамалкунанда мавҷуд аст
Дар ноҳияи Ҷайҳун ҷамъоварии сабзӣ идома дорад
МАВСИМИ ХУРМО ФАРО РАСИД. Аз истеъмоли ин мева барои саломатӣ истифода бояд бурд
Барои кишти соли 2027 беш аз 218 ҳазор тонна картошкаи тухмӣ захира мегардад
Дар нуҳ моҳи соли 2026 беш аз 15 ҳазор аъзои иттифоқи касаба ба солимгардонӣ фаро гирифта шуданд
