Вазорати маориф ва илм барои қабули омӯзгорону хонандагон ба муассисаҳои Русия ва Тоҷикистон озмун эълон менамояд

Май 10, 2022 15:22

ДУШАНБЕ, 10.05.2022. /АМИТ «Ховар»/. Вазорати маориф ва илми Ҷумҳурии Тоҷикистон барои қабули омӯзгорон ва хонандагони (синфҳои 1-8) ба муассисаҳои давлатии буҷетии таҳсилоти миёнаи умумии муштараки Русия-Тоҷикистон бо омӯзиши амиқи фанҳо (таълимашон ба забони русӣ) дар шаҳрҳои Душанбе, Хуҷанд, Бохтар, Кӯлоб ва Турсунзода озмун эълон менамояд.

Тавре дар маркази матбуоти Вазорати маориф ва илм хабар доданд, довталабон ё омӯзгорон метавонанд ба Сарраёсати маорифи шаҳри Душанбе- шуъбаҳои маорифи шаҳрҳои Хуҷанд, Бохтар, Кӯлоб ва Турсунзода ҳуҷҷатҳои зеринро барои иштирок дар озмун то 24 майи соли 2022 пешниҳод намоянд.

Вазорати маориф ва илм инчунин барои қабули хонандагони (синфҳои 1-8) муассисаҳои давлатии буҷетӣ таҳсилоти миёнаи умумии муштараки Русия-Тоҷикистон бо омӯзиши амиқи фанҳо (таълимашон ба забони русӣ) дар шаҳрҳои Душанбе, Хуҷанд, Бохтар, Кӯлоб ва Турсунзода озмун эълон менамояд, ки қабули ҳуҷҷатҳо ба он то 28 майи соли 2022 идома меёбад.

Омӯзгорон ё довталабон бояд ба чунин талабот ҷавобгӯ бошанд:

— доштани шаҳрвандии Русия ё Тоҷикистон;

— донистани забонҳои русӣ ва тоҷикӣ, таърих ва фарҳанги халқҳои Русия ва Тоҷикистон;

— донистани санадҳои меъёрии ҳуқуқии танзимкунандаи соҳаи маориф;

— доштани маҳорату малакаи истифодаи технологияи иттилоотии  муосир;

— донистан ва истифодаи усулҳои муосири таълим;

— хушмуомилагӣ бо хонандагон ва падару модар.

Довталабон метавонанд ба Сарраёсати маорифи шаҳри Душанбе- шуъбаҳои маорифи шаҳрҳои Хуҷанд, Бохтар, Кӯлоб ва Турсунзода ҳуҷҷатҳои зеринро барои иштирок дар озмун то 24 майи соли 2022 пешниҳод намоянд:

-ариза оид ба иштирок дар озмун;

-нусхаи диплом;

-нусхаи шиноснома;

-маълумотнома аз ҷойи кори охирин;

-нусхаи дафтарчаи меҳнатӣ;

-маълумотнома оид ба надоштани доғи судӣ;

-маълумотномаи тиббӣ;

-расм (3х4) 4 дона.

Хонандагон бояд барои дар озмун иштирок намудан чунин ҳуҷҷатҳоро пешниҳод намоянд:

-ариза оид ба иштирок дар озмун;

-нусхаи шиноснома;

-маълумотнома аз ҷойи истиқомат;

-маълумотномаи тиббӣ;

-расм (3х4) 4 дона.

Хуҷҷатҳои довталабон бо забонҳои тоҷикӣ ва русӣ омода карда мешаванд.

АКС: АМИТ «Ховар»

Май 10, 2022 15:22

Хабарҳои дигари ин бахш

Озмуни «Фурӯғи субҳи доноӣ китоб аст» мактаби дониш, ҷаҳонбинӣ ва худшиносӣ мебошад
Ба донишҷӯёни Донишгоҳи техникӣ касбҳои соҳаи хоҷагии обро тарғиб намуданд
Дар Академияи идоракунии давлатӣ китоби «Нақши Эмомалӣ Раҳмон дар таҳким ва арҷгузорӣ ба мақоми занон дар ҷомеа» рӯнамоӣ гардид
Донишгоҳи давлатии омӯзгорӣ ба раддабандии байналмилалии таҳқиқоти илмии байнифаннӣ барои соли 2027 ворид шуд
РӮЗИ ПРЕЗИДЕНТ — РАМЗИ ДАВЛАТДОРИИ НАВИН ВА ДАСТОВАРДҲОИ ТОҶИКИСТОНИ СОҲИБИСТИҚЛОЛ. Андешаҳо дар ин маврид
Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
Дар ноҳияи Варзоб ду муассисаи нави таълимӣ барои 1485 хонанда ба истифода дода мешавад
Донишҷӯёни Донишгоҳи техникии Тоҷикистон дар Озмуни байналмилалии Cezeri Fest 2026 соҳиби ҷойи якум шуданд
ТАҲСИЛ КАРДАН ДЕРӢ НАДОРАД. Зиёда аз 8 ҳазор хонанда дар мактаби ғоибона ба таҳсил фаро гирифта шуданд
Дар Донишгоҳи байналмилалии забонҳои хориҷии Тоҷикистон Маркази имтиҳонии «linguaskill» ба фаъолият оғоз намуд
ИҶЛОСИЯИ XVI ШУРОИ ОЛӢ ВА ТАШАККУЛИ НИЗОМИ НАВИ ИДОРАКУНИИ ДАВЛАТ. Андешаҳо дар ин маврид
Донишкадаи Конфутсийи назди Донишгоҳи миллии Тоҷикистон бо сертификати «Беҳтарин маркази забономӯзӣ» сарфароз гардонида шуд