Ҳайати Тоҷикистон дар Форуми ҷавонони кишварҳои Созмони ҳамкории Шанхай иштирок намуд
ДУШАНБЕ, 03.06.2022 /АМИТ «Ховар»/. 1-2 июн дар шаҳри Шенҷени музофоти Гуандун, воқеъ дар ҷануби Чин Форуми ҷавонони кишварҳои Созмони ҳамкории Шанхай/СҲШ/ оид ба илм, технология ва инноватсия баргузор гардид, ки дар он дар радифи намояндагони ҳукуматҳо ва ҷавонони кишварҳои СҲШ ҳамчунин муовини раиси Кумитаи доимии Маҷлиси намояндагони халқии Чин Шэн Юэюэ, раиси Кумитаи СҲШ оид ба ҳамсоягии нек, дӯстӣ ва ҳамкорӣ, муовини Сарвазири Ҷумҳурии Узбекистон Азиз Абдуҳакимов, муовини якуми Сарвазири Ҷумҳурии Беларус Николай Снопков, раиси Федератсияи умумичинии ҷавонон Ван Хунян ва роҳбарони мақомоти давлатии соҳаи кор бо ҷавонони давлатҳои узви СҲШ, аз ҷумла Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода иштирок ва суханронӣ намуда, ҷиҳати густариши ҳамкорӣ дар самтҳои инноватсия ва технологияҳои муосир изҳори омодагӣ намуд.
Дар ин бора ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Форуми ҷавонони СҲШ оид ба илм, технология ва инноватсия бо мақсади рушди фанновариҳои инноватсионӣ миёни ҷавонон, муттаҳид сохтани ҷавонони боистеъдоди кишварҳои узви СҲШ ва рушди инноватсия ва технологияҳо дар асри 21 гузаронида шуд.
Дар доираи Форуми ҷавонони СҲШ оид ба илм, технология ва фановариҳо дар Шенҷен инчунин ҷаласаҳо дар мавзӯъҳои «Ҳамкории инноватсионии ҷавонон», «Солимии мардум», «Рушди иқтисодиёти рақамӣ», «Зеҳни сунъӣ», « Рушди сабз» ва дигар масъалаҳои марбут ба рушди илм, технология ва инноватсия миёни ҷавонони кишварҳои СҲШ дар ҷаҳони муосир гузарониду шуд, ки дар онҳо миёни ҷавонон табодули афкор сурат гирифт.
Иштирокдорони Форуми ҷавонони СҲШ оид ба илм, технология ва иноватсия дар Шенҷени Чин ҷиҳати густариши ҳамкорӣ дар самтҳои инноватсия ва технологияҳои замони муосир ибрози назар намуданд.
АКС: АМИТ «Ховар»
НИШАСТИ МАТБУОТӢ. Ваколатдор оид ба ҳуқуқи инсон лоиҳаи 37 санади меъёрии ҳуқуқиро мавриди омӯзиш қарор додааст
Бунафша Файзиддинзода: «Бо вуҷуди коҳиши бекоршавии ақди никоҳ ҳалли ин масъала таваҷҷуҳи доимиро тақозо мекунад»
ОГОҲӢ! Аз 16 то 19 июл дар Тоҷикистон баландшавии ҳарорати ҳаво пешгӯӣ мешавад
НИШАСТИ МАТБУОТӢ. Барои дарёфти гранти Президенти Тоҷикистон дар соли 2026 аз ҷониби занон 945 лоиҳа пешниҳод шудааст
ЭҲТИЁТ АЗ НУРҲОИ БАЛАНДИ ОФТОБ! Ҳангоми гармои шадид саломатиро чӣ тавр бояд ҳифз намуд?
Дар «Чангоб» 220 нафар кӯдакони ятими кулл, нимятим ва аз оилаҳои камбизоат ба истироҳат фаро гирифта шудаанд
НИШАСТИ МАТБУОТӢ. «Тоҷиксуғурта» ба шаҳрвандон ва ташкилот беш аз 1,1 миллион сомонӣ ҷуброни суғуртавӣ пардохт намуд
Президенти Тоҷикистон: «Сифати таҳияи лоиҳаи санадҳои меъёрии ҳуқуқӣ ҳанӯз ба талабот пурра ҷавобгӯ нест»
Муассисаҳои таҳсилоти ибтидоии касбӣ пурра бо китобҳои дарсӣ таъмин мебошанд
Дар Душанбе беш аз 13 ҳазор нафар ба сафи Ҳизби Халқии Демократии Тоҷикистон қабул гардиданд
Эмомалӣ Раҳмон: «Волоияти қонун асоси устувории давлат ва шарти муҳими зиндагии осоиштаи мардум аст»
Дар марказҳои касбомӯзии Тоҷикистон беш аз 20 касби серталаб омӯзонида мешаванд
