Дар Боғи фарҳангӣ-фароғатии ба номи Мир Сайид Алии Ҳамадонии шаҳри Кӯлоб барномаи идона доир шуд
ДУШАНБЕ, 01.06.2022 /АМИТ «Ховар»/. Бахшида ба Рӯзи байналмилалии ҳифзи кӯдакон имрӯз дар Боғи фарҳангӣ-фароғатии ба номи Мир Сайид Алии Ҳамадонӣ бо иштироки Раиси шаҳри Кӯлоб Бахтиёр Назарзода ва дигар шахсони масъул барномаи идона баргузор гардид, иттилоъ доданд ба АМИТ «Ховар» дар бахши матбуоти Мақомоти иҷроияи ҳокимияти давлатии шаҳр.
Роҳбарияти шаҳр аз намоиши ҳунарҳои дастии хурдсолон – тарбиятгирандагони боғчаҳои бачагона ва муассисаҳои таълимии шаҳр дидан намуданд. Зимни боздид аз намоишгоҳи ҳунарии кӯдакону наврасон ба маҳорати онҳо баҳои баланд дода шуд.
Зимни барномаи тантанавӣ Раиси шаҳри Кӯлоб Бахтиёр Назарзода ҳамаи кӯдакону наврасон ва иштирокчиёнро бо ин санаи фархуда табрик намуд. Мавсуф гуфт, ки “дар Тоҷикистон аз тарафи давлату Ҳукумат ва аҳли ҷомеа ба тарбияи насли наврас аҳамияти ҳамаҷониба дода мешавад. Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон борҳо иброз доштаанд, ки танҳо насли навраси аз ҷиҳати зеҳнӣ ва ҷисмонӣ солим метавонад дар оянда барои халқу миллат хизматҳои арзанда кунад. Ба ин хотир дар мамлакат аз 22 июни соли 2019 “Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2020-2025” амал мекунад. Мақсад аз таҳияи барномаи мазкур беҳтар намудани шароит ва сифати таълиму тарбия дар муассисаҳои томактабӣ ва ба танзим даровардани системаи тарбияи кӯдакони синни томактабӣ мебошад”.
Ҳамчунин дар ин рӯз як гурӯҳ фаъолони шаҳр барои саҳми арзанда гузоштан дар таълиму тарбияи насли наврас, дар замири кӯдакон парваридани меҳру муҳаббат нисбат ба Ватан ва тарғиби меъёрҳои Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” бо Сипосномаи мақомоти иҷроияи ҳокимияти давлатии шаҳри Кӯлоб қадрдонӣ карда шуданд.
Дар давоми барнома аз ҷониби роҳбарияти шаҳр ба кӯдакону наврасон туҳфаҳои хотиравӣ тақдим шуданд.
Дар охир барномаи фарҳангии омоданамудаи бахши фарҳанг, тарбиятгирандагони кӯдакистонҳо ва муассисаҳои таълимии шаҳри Кӯлоб пешкаши иштирокчиён гардонида шуд.
АКС: МИҲД-и шаҳри Кӯлоб
«ДУРАХШИ АХТАРОН: ҶОМӢ ВА НАВОӢ». Протокол оид ба таҳияи филми ҳунарии муштараки Тоҷикистону Узбекистон ба тасвиб расид
Рӯзҳои синамои Узбекистон дар Тоҷикистон бо намоиши филми ҳунарии «Зинда бод, ҳамсар!» ҷамъбаст гардид
«САД РАНГИ ЧАКАН». Дар Душанбе ин фестивали ҷумҳуриявӣ ҷамъбаст гардид
Роҳбарзанони Узбекистон бо табиати зебои шаҳри Норак шинос шуданд
Дар Душанбе ҳамкории илмии Академияи миллии илмҳои Тоҷикистон ва Донишгоҳи Акитаи Ҷопон баррасӣ шуд
Дар Донишгоҳи техникии Тоҷикистон даври аввали Озмуни ҷумҳуриявии «Илм-фурӯғи маърифат» баргузор шуд
Донишкадаи давлатии фарҳанг ва санъати Тоҷикистон бо 4 муассисаи таҳсилоти олии Узбекистон ҳамкорӣ мекунад
«ШОҲРОҲИ БУЗУРГИ АБРЕШИМ». Тоҷикистон барои иштирок дар ин намоиши байналмилалӣ омодагии ҷиддӣ мебинад
Дар Душанбе конференсияи ҷумҳуриявӣ оид ба ҳифзи ёдгориҳои таърихию фарҳангӣ доир гардид
Дар Душанбе бо иштироки олимону зиёиёни Тоҷикистон ва Узбекистон конференсияи байналмилалӣ баргузор шуд
Дар доираи Ҳафтаи илм оид ба мероси уран дар Осиёи Марказӣ конфронси байналмилалӣ баргузор гардид
ИМРӮЗ-РӮЗИ ҶАҲОНИИ ҲИФЗИ ЁДГОРИҲОИ ТАЪРИХИЮ ФАРҲАНГӢ. Дар Тоҷикистон зиёда аз 100 ёдгории таърихиву фарҳангӣ тармиму барқарор гардид
