Дар Хатлон баҳри тақвияти корҳои фаҳмондадиҳӣ бо сокинон гурӯҳҳои корӣ таъсис дода мешаванд

Июнь 13, 2022 11:28

ДУШАНБЕ, 13.06.2022. /АМИТ «Ховар»/. Дар вилояти Хатлон баҳри тақвияти корҳои фаҳмондадиҳӣ бо сокинон оид ба истифодаи замин, тақвияти консервакунонию хушконидани меваю сабзавот, захиракунии маводи озуқаворӣ барои ду соли оянда, роҳ надодан ба хароҷотҳои беҳудаю исрофкорӣ ва зиёдаравӣ, дар кишти такрорӣ бештар гузаронидани кишти зироатҳои лӯбиёгиҳо ва захираи донагиҳо дар хонаводаҳо гурӯҳҳои корӣ таъсис дода мешаванд, хабар доданд ба АМИТ «Ховар» дар Мақомоти иҷроияи ҳокимияти давлатии вилояти Хатлон. Ин тасмим дар ҷаласаи кории Раиси вилояти хатлон Қурбон Ҳакимзода гирифта шуд.

Раиси вилояти Хатлон ба раисони шаҳру ноҳияҳо супориш дод, ки аз ҳисоби фаъолон, вакилон, ҳизбиён, ҷавонон, занон, собиқадорони барӯманд, ходимони дин, намояндагони воситаҳои ахбори омма ва дигар сохторҳои зарурӣ гурӯҳои корӣ таъсис дода, дар ҳар ҷамоат, деҳаю маҳалла ва ҳатто хона ба хона моҳият ва самаранокии ҳидоятҳои Пешвои миллатро масъалаҳои зикршуда, ҳамчунин риояи қонуни масъулияти падару модар дар таълиму тарбияи фарзанд, аҳамияти бештар зоҳир намудан дар тарбияи фарзандон дар руҳияи ватандӯстию хештаншиносӣ, гиромӣ доштани муқаддасоти миллӣ, эҳтироми калонсолон ва падару модар, мунтазам тариқи ВАО ва шабакаҳои иҷтимоӣ пешниҳоди иттилою маълумоти тарбиявию ташвиқотӣ, баланд бардоштани ҳувияти миллӣ, шукргузорӣ аз сулҳу субот,аз даст надодани ҳушёрию зиракӣ ба тамоми сокинон фаҳмонида шавад.

— Ҳамагон хуб медонем, ки дастуру ҳидоятҳои Президенти мамлакат дар давраи пандемия оид ба истифодаи самараноку оқилонаи ҳар ваҷаб заминҳои кишоварзӣ, аз ҷумла, заминҳои хоҷагиҳои ёрирасони аҳолӣ, идораю ташкилотҳо ва ҳатто назди идораҳо, инчунин ташкили гурӯҳҳои ташвиқотию таблиғотӣ оид ба зарурати консервакунонӣ ва захиракунии маҳсулоти озуқаворӣ, самаранокии худро нишон дод. Имрӯзҳо, вазъи ҷаҳони муосир ва таҳдиди хатарҳои гуруснагию қаҳтӣ ҳамаи моро водор менамояд, ки дастуру супоришҳои Пешвои миллатро саривақту сифатнок иҷро намуда, амнияти озуқавориро таъмин созем, — таъкид намуд Қурбон Ҳакимзода.

Ҳамзамон ба тамоми фаъолон ҷиҳати назорати рафти дарави ғалладонагиҳо ва вусъат додани кишти такрории зироатҳо, сифатан иҷро намудани дурнамои пешбинишуда, инчунин дар тамоми заминҳое, ки имконияти гузаронидани кишт доранд, пурра гузаронидани кишт, риояи ҳатмии қоидаҳои зиддисӯхторӣ дар ғаллазорҳо, ҳифзи ҳосили рӯёнидашуда аз сӯхтор, риояи қоидаҳои агротехникии парвариши зироатҳо, махсусан обёрии нашъунамо, коркарди байни қатор, озуқадиҳӣ ва мубориза барзидди касалию ҳашаротҳои зараррасони пахта дастуру супоришҳои мушаххас дода шуд.

Ҳамчунин масъулин барои вусъат додани корҳои созандагию ободонӣ ба таҷлили ҷашни 35-солагии Истиқлолияти давлатӣ дар ҳудуди тамоми ноҳияҳо, батартибдарории қади роҳу кӯчаҳо, махсусан кӯчаву хиёбонҳои марказию протоколӣ, тозакунӣ аз партову ифлосиҳо, ба тартиб даровардани заминҳо, ивази шиору овезаҳо ва парчаму парчампояҳои фарсудашуда, насби шиору овезаҳо доир ба мавсим ва мавзӯъҳои зарурӣ ва сифатнок ба итмом расонидани иншоотҳои ҷашнӣ таъкид гардиданд.

Хотиррасон гардид, ки вазъи имрӯзаи ҷомеаи ҷаҳонӣ дар шароити мураккабу номусоид қарор дошта, зарур аст, ки барои таъмини амнияти озуқаворӣ, пойдории сулҳу ваҳдати миллӣ ва баланд бардоштани сатҳи некӯаҳволии аҳолии ватанамон дар партави сиёсати хирадмандонаю дурбинона ва инсонпарваронаи Пешвои миллат дар ҳамбастагӣ ҷиҳати иҷрои саривақтию сифатноки дастуру супориш ва ҳидоятҳои Сарвари давлат бо истифода аз тамоми имкониятҳо тадбирҳои заруриро амалӣ намоем.

АКС: Мақомоти иҷроияи ҳокимияти давлатии вилояти Хатлон

Июнь 13, 2022 11:28

Хабарҳои дигари ин бахш

3 ДЕКАБР -РӮЗИ БАЙНАЛМИЛАЛИИ МАЪЮБОН. Давоми се соли охир дар Тоҷикистон нишондиҳандаи маъюбӣ 7 фоиз паст фароварда шуд
«БЕҲТАРИН ХИЗМАТЧИИ ДАВЛАТӢ АЗ ҲИСОБИ ЗАНОН». Имрӯз маросими ҷоизасупорӣ ба ғолибони озмуни ҷумҳуриявӣ баргузор гардид
Дохил шудан ба низоми хизмати давлатӣ ва фаъолият дар он барои ҳар хизматчии давлатӣ шараф ва ифтихор аст
ХУШҲОЛОНА ЗИНДАГӢ НАМО – АЗ ВАЗЪИ СОЛИМИИ ХУД ОГОҲ БОШ! Дар Академияи идоракунии давлатӣ вохӯрӣ баргузор гардид
ТАДБИРҲОИ БАЛАНД БАРДОШТАНИ МАҚОМИ ЗАН ДАР ҶОМЕА. Аз тасвиби ин Фармони таърихии Президенти Тоҷикистон 24 сол сипарӣ гашт
1 ДЕКАБР- РӮЗИ ҶАҲОНИИ МУБОРИЗА БО ВИРУСИ НОРАСОИИ МАСУНИЯТИ ОДАМ (ВНМО-ВИЧ/СПИД). Соли 2023 дар ҷаҳон тақрибан 1,7 миллион сирояти нав ба қайд гирифта шудааст
«БЕҲТАРИН ХИЗМАТЧИИ ДАВЛАТӢ АЗ ҲИСОБИ ЗАНОН». 77 довталаб аз ҳисоби занон ба даври ниҳоии озмуни ҷумҳуриявӣ роҳхат гирифтанд
ЗИМИСТОН ФАРО РАСИД. Дар моҳи аввали ин фасл Тоҷикистонро чӣ гуна ҳаво интизор аст?
Дар Донишгоҳи давлатии тиббии Тоҷикистон бо мақсади пешгирии бемориҳои ғайрисироятӣ конференсияи байналмилалӣ доир шуд
Намояндаи Тоҷикистон дар ҷаласаи нахустини Комиссия оид ба ҳуқуқи инсони Иттиҳоди Давлатҳои Мустақил дар Минск иштирок намуд
Дар Душанбе бо мақсади баланд бардоштани ҳамкорӣ дар соҳаи тандурустӣ ҷаласа доир гардид
Бонки Осиёи Рушд бо мақсади фарогирии хизматрасонии босифати тиббӣ ба ноҳияҳои таҷрибавӣ — Дарвоз, Данғара ва Айнӣ маблағи иловагӣ ҷудо менамояд