Дар шаҳри Ваҳдат доир ба рафъи ҳуҷуми ногаҳонии гурӯҳҳои муташаккили ҷиноятӣ машқи тактикӣ доир шуд
ДУШАНБЕ, 03.06.2022 /АМИТ «Ховар»/. Тибқи нақшаи чорабиниҳои Хадамоти давлатии «Муҳофиза»-и Вазорати корҳои дохилии Ҷумҳурии Тоҷикистон ва нақшаи мудофиавии иншооти муҳофизатшавандаи корхонаи металлургии Ҷамъияти дорои масъулияти маҳдуди «Покрут»-и шаҳри Ваҳдат вобаста ба пешгирӣ ва рафъи ҳуҷуми ногаҳонии гурӯҳҳои муташаккили ҷиноятӣ машқи тактикӣ гузаронида шуд, хабар доданд ба АМИТ «Ховар» дар вазорати мазкур.
Дар расми баргузории он сардори Хадамоти давлатии «Муҳофиза» (ХДМ,) генерал-майори милитсия Анварҷон Ализода, Сафири Ҷумҳурии Мардумии Чин дар Тоҷикистон Ҷи Шумин, директори генералии ҶДММ «Покрут» дар Ҷумҳурии Мардумии Чин Чжан Хуэй, ҳамзамон директори генералии ин коргоҳ дар Ҷумҳурии Тоҷикистон Йо Кэй, сардори ШВКД дар шаҳри Ваҳдат, полковники милитсия Фирдавс Шомадзода, доираи васеи меҳмонон ва ҳайати шахсии ХДМ ВКД ва ШХДМ дар шаҳри Ваҳдат иштирок намуданд.
Мақсади машқи тактикӣ- омодабошии ҳамешагии ҳайати шахсӣ ва пешгирии саривақтии қонуншиканиву ҷинояткорӣ, ки аз ҷониби гурӯҳҳои муташаккилу ҷиноятпеша сар мезанад, инчунин дар сатҳи зарурӣ ҳифзу наҷот додани ҷони шаҳрвандон аз хатари бамиёномада ва ҳифз намудани иншооти муҳофизатшаванда буд, ки иштирокчиёни он- ҳайати шахсии ХДМ ВКД, ШХДМ ва ШВКД дар шаҳри Ваҳдат аз иҷрои он ба хубӣ баромаданд.
«Аз аввалин рӯзҳои таъсиси мақомоти корҳои дохилӣ, новобаста ба шароит милитсия ҳомӣ ва муҳофизи содиқу боэътимоди халқ буд, ҳаст ва хоҳад монд. Имрӯз ҳар корманди мақомоти корҳои дохилӣ, бахусус мо, кормандони Хадамоти давлатии «Муҳофиза»-и ВКД, ки дар ҳифзу эмин нигоҳ доштани дастовардҳои давлату миллат, ҷони шаҳрвандон, моликияти давлативу ҷамъиятӣ, ҳифзи тартиботи ҷамъиятӣ ва оромиву осоиштагии мардум вазифадорем, бояд ҳамеша чолоку зирак ва кордону бомаҳорат бошем, то вазифаҳои бардӯшдоштаамонро сарбаландонаву содиқона ба ҷо орем», — иброз дошт сардори Хадамоти давлатии «Муҳофиза»-и ВКД Анварҷон Ализода зимни баргузории машқи тактикӣ.
Ҷараёни машқи тактикӣ исбот намуд, ки кормандони мақомоти корҳои дохилӣ аз иҷрои вазифа ва уҳдадориҳояшон сарбаландона мебароянд. Дар ҳама ҳолат омодаанд, ки молу мулки давлативу ҷамъиятӣ ва ҷони шаҳрвандонро аз амалу кирдорҳои ғайриқонуниву ҷиноятии гурӯҳҳои муташаккилу ҷиноятпеша ҳифз ва наҷот диҳанд.
Кормандоне, ки дар ин чорабинӣ фаъолона иштирок намуданд, аз худ маҳорати баланди касбӣ нишон дода, тавонистанд дар ҳамоҳангӣ бо дигар ҷузъу томҳои мақомоти корҳои дохилӣ пеши роҳи қонуншиканонро гиранду онҳоро маҳв намоянд.
Акс: ВКД ҶТ
Дар Душанбе ҷаласаи Комиссияи даъвати ҷумҳуриявӣ баргузор шуд
Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
ИМРӮЗ — РӮЗИ ТАЪСИСИ ҚУВВАҲОИ МУСАЛЛАҲИ ТОҶИКИСТОН. Давлат бо Артиши миллӣ муқтадиру пойдор мемонад
СИПАҲСОЛОРИИ ПЕШВОИ МИЛЛАТ. Артиши миллӣ — артиши дар ибтидо пароканда ва номукаммале, ки имрӯз ба қувваи бузург ва ифтихори тоҷикон табдил ёфтааст
ҶОННИСОР, ШАБЗИНДАДОР ВА БОИСИ ИФТИХОР! Имрӯз Артиши миллии Ҷумҳурии Тоҷикистон сипари боэътимоди давлат ва миллат аст
ЗАНОНИ НИЗОМИПӮШ. Дар баробари зан-модар будан масъулияти ҳимояи Ватанро низ бар дӯш доранд
Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
Дар шаҳри Бишкек ҷаласаи муштараки ҳайатҳои ҳукуматии Тоҷикистону Қирғизистон оид ба делимитатсия ва демаркатсияи сарҳади давлатӣ баргузор шуд
Ҳимояи марзу бум вазифаи ҷонии ҳар афсару сарбоз ва сокини ифтихорманди Тоҷикистон мебошад
Дар Норак даври шаҳрии озмуни вилоятии ҳарбӣ-варзишии «Ватанпарвар» ҷамъбаст шуд
