Интихоботи президентӣ дар Чехия 13 ва 14 январи соли 2023 доир мегардад

Июнь 28, 2022 09:50

ДУШАНБЕ, 28.06.2022 /АМИТ «Ховар»/. Даври аввали интихоботи президентӣ дар Чехия 13 ва 14 январи соли 2023 баргузор мешавад. Тавре агентии иттилоотии ЧТК хабар медиҳад, санаи баргузории овоздиҳиро дирӯз, 27 июн раиси Сенати Чехия (палатаи болоии парлумон) Милош Вистрсил эълон кард.

Дар сурати дар даври аввал интихоб нагардидани президент 27 ва 28 январи соли 2023 даври дуюми интихобот баргузор карда мешавад.

Маъракаи интихоботи президентӣ аз 1 июли соли ҷорӣ оғоз мегардад. Дар ҳоли ҳозир беш аз 15 нафар шаҳрвандони Чехия иштироки худро дар интихобот эълон намуда, маъракаи интихоботиро шурӯъ карданд. Ба гуфтаи таҳлилгарони сиёсӣ, генерали маъруфи Қувваҳои Мусаллаҳи миллии Чехия Петр Павел, ки дар сохтори фармондеҳии Созмони Аҳдномаи Атлантикаи Шимолӣ низ вазифаҳои баландро ишғол мекунад, дорои имконияти зиёд ба муваффақият дорад, хабар медиҳад ТАСС.

Муҳлати панҷсолаи дуюми ваколатҳои президенти феълӣ Милош Земан 8 марти соли 2023 ба охир мерасад ва ӯ дигар наметавонад дар ин интихобот ширкат варзад.

Дар Чехия даҳ сол пеш ба Конститутсия тағйирот ворид карда шуд, ки тибқи он президентро дигар ду палатаи парлумон дар ҷаласаи муштарак интихоб намекунанд, балки мустақиман аз ҷониби раъйдиҳандагон интихоб мегардад. Аввалин роҳбари бевосита интихобгардидаи Чехия Милош Земан гардид.

АКС: Global Look Press

Июнь 28, 2022 09:50

Хабарҳои дигари ин бахш

Аврупо ва Амрико дар барқарорсозии соҳаи сайёҳӣ пешсафанд
Ҳамарӯза дар ИМА то 400 нафар бар асари коронавирус мефавтанд
Дар Қазоқистон шабонарӯзи гузашта 2661 нафар ба коронавирус гирифтор шудаанд
Ӯ 94 СОЛ ДОШТ. Собиқ президенти Филиппин Фидел Валдес Рамос аз олам даргузашт
Шветсия аз 1 сентябр ҳаракати велосипедҳои барқиро дар роҳҳои пиёдагард манъ мекунад
Зиёда аз 300 шаҳрванди хориҷиро аз Қазоқистон ихроҷ намуданд
Теъдоди қурбониёни селу обхезӣ дар Покистон ба 312 нафар расид
Дар Кувайт сарвазири нав таъйин намуданд
ДРАУПАДИ МУРМУ ПРЕЗИДЕНТИ НАВИ ҲИНДУСТОН ИНТИХОБ ГАРДИД. Вай 18 июл дар интихоботи президентӣ бештари овозҳоро ба даст овард
Дар мубориза барои курсии сарвазири Британия ду номзад боқӣ мондаанд
Дар Ҳиндустон интихоботи президентӣ оғоз гардид
Номзадҳо ба мақоми президенти Шри-Ланка 19 июл муаррифӣ мешаванд

Маводҳои таҳлилӣ