Корвони «Модарони ваҳдатсаро» ба Бохтар расид

Июнь 8, 2022 13:58

БОХТАР, 08.06.2022 /АМИТ «Ховар»/. Корвони «Модарони ваҳдатсаро» аз шаҳру навоҳии вилояти Суғд, Вилояти Мухтори Кӯҳистони Бадахшон, Рашту Ҳисор ва Душанбе вориди шаҳри Бохтар шуд, иттилоъ медиҳад хабарнигори АМИТ «Ховар»

Маросими ботантанаи чорабинии мазкур дар майдони Қасри фарҳанги шаҳри Бохтар доир гардид.

Тавре аз Раёсати кор бо занон ва оилаи вилояти Хатлон хабар доданд, Корвони «Модарони ваҳдатсаро» аз 80 нафар занону духтарони фаъолони кишвар иборат буда, бо мақсади сазовор истиқбол гирифтани 25-умин солгарди Рӯзи Ваҳдати миллӣ ташкил карда шудааст.

Иштирокчиёни корвон ба 6 гурӯҳ тақсим шуда, аз ҷойҳои ҷолиби шаҳру навоҳии вилояти Хатлон дидан карда, бо сокинони деҳот, наврасону ҷавонон ва сарбозозони қисмҳои низомӣ суҳбату мулоқот менамоянд.

Гурӯҳҳои занони фаъол дар ин мулоқотҳо дар бораи дастовардҳои истиқлолият, сулҳу ваҳдат ва дӯст доштани Ватану хизмати содиқона кардан ба миллату давлат суҳбат хоҳанд кард.

Ёдовар мешавем, ки бо ибтикори Кумитаи кор бо занон ва оилаи назди Ҳукумати Ҷумҳурии Тоҷикистон қаблан низ Корвони «Модарони ваҳдатсаро» ба манотиқи дигари кишвар сафар кардааст.

Баргузории ингуна чорабиниҳо ба пойдории сулҳу субот дар кишвар мусоидат менамояд.

АКС: Раёсати кор бо занон ва оилаи вилояти Хатлон

Июнь 8, 2022 13:58

Хабарҳои дигари ин бахш

Дар Душанбе маҳфили адабӣ бо иштироки Шоири халқии Тоҷикистон Камол Насрулло баргузор шуд
Теъдоди довталабони Озмуни ҷумҳуриявии «Тоҷикистон-Ватани азизи ман» сол то сол меафзояд
Дар Тоҷикистон 66 Қасри фарҳанг барои баргузории барномаҳои фарҳангию фароғатӣ фаъолият дорад
«Телевизиони Сафина» соли 2024 силсилабарномаҳои «Достон» ва «Шоҳномахонӣ»-ро пешниҳоди бинандагон мегардонад
Кумитаи телевизион ва радио: «Имсол аз ҷониби дастаҳои ҳунарӣ 163 суруду оҳанг сабт гардид»
Корҳои сохтмонӣ дар бинои истиқоматӣ барои кормандони Кумитаи телевизион ва радио оғоз шудааст
Имсол дар Тоҷикистон Намоишгоҳи 12-уми байналмилалии «Китоби Душанбе» баргузор мегардад
НИШАСТИ МАТБУОТӢ. Дар Тоҷикистон 6 агентии иттиллоотӣ, аз инҳо 1 давлатӣ ва 5 мустақил фаъолият дорад
Дар Бадахшон бо иштироки ҳайати Иттифоқи нависандагони Тоҷикистон маҳфили адабӣ доир шуд
«ТОҶИКИСТОН – ВАТАНИ АЗИЗИ МАН». Даври сеюми ин озмуни ҷумҳуриявӣ моҳи сентябр баргузор мешавад
Ҳайати котиботи номинатсияи фаромиллии Роҳи абрешим: Долони Фарғона — Сирдарё бо ёдгориҳои таърихӣ, фарҳангӣ ва меъмории Суғд шинос мегардад
Олимони Чин бо фаъолияти расадхонаҳои Тоҷикистон шинос шуданд