МАРҲАБО БА ПОЙТАХТИ МО! Душанбе моҳи июн ба феҳристи машҳуртарин маконҳо барои москвагиҳо шомил шуд

ДУШАНБЕ, 25.06.2022 /АМИТ «Ховар»/. Туркия, Тоҷикистон, Узбекистон, Арманистон ва Қазоқистон дар қатори кишварҳои беҳтарини сафарҳои хориҷӣ миёни москвагиҳо қарор гирифтанд. Тавре АМИТ «Ховар» бо истинод ба агентии «Sputnik»-и Русия хабар медиҳад, дар ин бора дафтари матбуотии «Яндекс.Путешествия» иттилоъ дод.

Аксарияти москвагиҳо — 74% — дар моҳи июн дар шаҳрҳои Русия ва 13%-и дигар дар кишварҳои хориҷи дуру наздик истироҳат кардаанд.

Дар байни шаҳрҳои маъруфтарин Ереван, Анталия, Тошканд, Истамбул ва Душанбе  ном бурда шудаанд. Дар байни шаҳрҳои Русия — Сочи, Калининград, Санкт-Петербург, Минералные Воды ва Махачқалъа интихоб шудаанд.

ДАР АКС: сайёҳони рус дар Тоҷикистон

Ба ҳисоби миёна сокинони пойтахти Русия тақрибан 18 рӯзро дар таътил мегузаронанд. Арзиши тахминии як парвоз бо бозгашт аз Москва:

Узбекистон — 24 ҳазор рубл;

Тоҷикистон – 25,8 ҳазор рубл;

Арманистон — 28,5 ҳазор рубл;

Қазоқистон — 31,8 ҳазор рубл;

Туркия — 41,8 ҳазор рубл;

Озарбойҷон — 46 ҳазор рубл;

АМА — 48,5 ҳазор рубл;

Исроил — 57,8 ҳазор рубл;

Таиланд — 62,4 ҳазор рублро ташкил дод.

Таҳлилгарон зикр карданд, ки шумораи парвозҳо дар моҳи июни соли ҷорӣ нисбат ба моҳи июни соли 2021 — 9% коҳиш ёфтааст.

Ин ба боздоштани фаъолияти фурудгоҳҳои ҷанубии Русия вобаста аст. Аммо шумораи парвозҳо ба хориҷа дар тӯли ин муддат 3 баробар афзоиш ёфтааст.

АКС аз манбаъҳои боз