Муовини Дабири кулли СММ Амина Муҳаммад дар ноҳияи Рӯдакӣ бо ҷараёни хизматрасонии тиббӣ ба аҳолӣ шинос шуд
ДУШАНБЕ, 08.06.2022 /АМИТ «Ховар»/. 7 июн муовини Дабири кулли Созмони Милали Муттаҳид Амина Муҳаммад, ки барои иштирок дар Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» дар Тоҷикистон қарор дорад, аз Маркази саломатии деҳоти Сарикиштии поёни ноҳияи Рӯдакӣ боздид ба амал овард, хабар медиҳад АМИТ «Ховар» бо истинод ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.
Ҳадаф аз боздиди муассисаи мазкур ин пеш аз ҳама шиносоии бевосита пайдо намудан бо ҷараёни хизматрасонии тиббӣ ба аҳолии деҳот мебошад.
Мавсуф бо фаъолияти муассисаи мазкур, аз ҷумла рафти муоина ва ташхиси беморон шинос шуда, инчунин аз масъулин доир ба сатҳи хизматрасонии тиббӣ ба аҳолӣ пурсон шуд.
Ҳамзамон бо ҷараёни Корвони саломатии сайёр, ки аз ҷониби Вазорати тандурустӣ ва ҳифзи иҷтимоии аҳолӣ ташкил гардидааст, шинос шуда, бо як қатор намояндагони сохторҳои гуногуни давлатӣ ва ташкилотҳои ҷамъиятӣ суҳбати озоду ошкоро анҷом дод.
Дар ҷараёни суҳбат номбурда доир ба самтҳои гуногуни соҳаи тандурустӣ ва ҳифзи иҷтимоии аҳолӣ дар кишвар савол дода, аз ҷониби масъулин посухҳои мушаххас гирифт.
Дар анҷоми боздид Амина Муҳаммад ба як қатор занону духтарон, ки дар доираи Корвони саломатии сайёр дар муассиса қарор дооштанд, туҳфаҳои хотиравӣ тақдим намуд.
АКС: Вазорати тандурусти ва ҳифзи иҷтимоии аҳолии Ҷумҳурии Тоҷикистон
Шумораи аҳолии машғул ба фаъолияти иқтисодӣ дар Тоҷикистон беш аз 2 миллион нафарро ташкил медиҳад
Дар минтақаи Кӯлоб шумораи нафақагирон беш аз 127 ҳазор нафарро ташкил медиҳад
Ба 12 оилаи аз офати табиӣ зарардидаи ноҳияи Абдураҳмони Ҷомӣ қитъаи замини наздиҳавлигӣ ҷудо гардид
Оид ба низоми электронии дипломҳо машваратҳои омӯзишӣ баргузор шуданд
ТАВСИЯҲОИ МУФИД. Доир ба аҳамият ва тарзи тайёр намудани шарбату консерваҳо барои фасли зимистон
Доир ба татбиқи «Барномаи давлатии солимии репродуктивӣ барои солҳои 2023-2027» ҷаласа баргузор шуд
ОГОҲӢ! Аз 25 то 27 июл дар баъзе минтақаҳои Тоҷикистон сар задани сел пешгӯӣ мешавад
Кумаки Президенти Тоҷикистон ба сокинони аз офати табиӣ зарардидаи ноҳияи Рӯшон расид
Ҷаласаи Комиссияи сетарафаи танзими муносибатҳои иҷтимоию меҳнатӣ дар Ҷумҳурии Тоҷикистон баргузор шуд
Дар мақомоти Ваколатдор оид ба ҳуқуқи инсон доир ба қабули Қонуни Ҷумҳурии Тоҷикистон «Дар бораи авф» ҳамоиш баргузор шуд
Сокинони деҳаҳои аз офати табиӣ зарардидаи ноҳияи Рӯшон бо неруи барқ таъмин карда шуданд 
Беш аз 1500 нафар аз шаҳри Душанбе дар асоси иҷрои Қонуни Тоҷикистон «Дар бораи авф» ба озодӣ баромаданд
