Пагоҳ Корвони иттилоотӣ ба сӯи Хатлон раҳсипор мешавад
ДУШАНБЕ, 14.06.2022 /АМИТ «Ховар»/. Пагоҳ, 15 июн Корвони иттилоотии журналистон ба вилояти Хатлон раҳсипор мегардад.
«Сафари намояндагони воситаҳои ахбори оммаи кишвар ба вилояти Хатлон аз ҷониби Иттифоқи журналистони Тоҷикистон дар доираи истиқболи сазовори ҷашни 35-солагии Истиқлоли давлатии Ҷумҳурии Тоҷикистон ташкил карда шудааст», — гуфт дар суҳбат бо хабарнигори АМИТ «Ховар» раиси Иттифоқи журналистони Тоҷикистон Зинатуллоҳ Исмоилзода.
Мавсуф афзуд, ки корвони иттилоотӣ, ки ба ҳайати он 35 нафар журналист аз Суғду Бадахшон, Рашту Ҳисор ва шаҳри Душанбе шомил аст зарфи се рӯз бо дастовардҳои замони истиқлол дар вилояти Хатлон шинос мегарданд.
Инчунин иштирокчиёни корвон дар маросими ифтитоҳи нимпайкараи журналист, аввалин муҳаррири рӯзномаи ноҳиявӣ дар Ховалинг ва собиқ раиси комиҷроияи он Саидато Муқимов ва дар ҳамоиши илмӣ-амалӣ таҳти унвони «Матбуоти маҳаллӣ: таъинот ва дурнамо» иштирок менамоянд.
Ҳамчунин дар ноҳияҳои Темурмалик, Балҷувон, шаҳрҳои Кӯлобу Леваканд ва Бохтар иштирокчиёни корвон бо ҳамкасбони худ мулоқот ва табодули таҷриба намуда, бо дастовардҳои соҳаҳои иқтисодию иҷтимоӣ ва фарҳангии вилояти Хатлон шинос мешаванд.
Корвони иттилоотии журналистон ба вилояти Хатлон бо ташаббуси Иттифоқи журналистони Тоҷикистон ва дастгирии ширкати «Сиёма» ва мақомоти иҷроияи ҳокимияти давлатӣ дар вилояти Хатлон сурат мегирад.
АКС: Иттифоқи журналистони Тоҷикистон
Густариши ҳамкорӣ бо намояндагони Бонки исломии рушд дар соҳаи таҳсилоти касбӣ баррасӣ гардид
Дар Санкт-Петербург бо донишҷӯёни тоҷик оид ба масъалаҳои будубош ва таҳсил вохӯрӣ доир шуд
Дар шаҳри Гулистони вилояти Суғд Форуми дуюми сулҳи Фарғона доир шуд
Байни Маркази тадқиқоти стратегӣ ва Бунёди «Peace Nexus» Ёддошти тафоҳуми ҳамкорӣ ба имзо расонида шуд
ТАРЗИ ҲАЁТИ СОЛИМ. Пиёдагардӣ умри инсонро дароз ва баданро ҷавон мекунад
Дар вилояти Суғд Форуми дуюми сулҳи Фарғона доир мешавад
Дар Маркази рушди ҳунармандӣ ва малакаҳои касбии муосир ба шаҳрвандон ройгон касб омӯзонида мешавад
Ҳайати Тоҷикистон дар ҷаласаи Шурои роҳбарони мақомоти муҳоҷиратии давлатҳои аъзои ИДМ иштирок намуд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
