Аз шаҳри Турсунзодаи Тоҷикистон ба Қазоқистон се ҳазор тонна ангури хушсифат содирот мешавад

Июль 19, 2022 11:06

ТУРСУНЗОДА, 19.07.2022 /АМИТ «Ховар»/. Намояндагони тиҷоратии Ҷумҳурии Қазоқистон 16 июл дар доираи сафари корӣ ба Ҷумҳурии Тоҷикистон ба шаҳри Турсунзода ташриф оварда, аз токзорҳои хоҷагиҳои деҳқонии «Боғи Сомон», «Ватан» ва «Акрамхон» дидан намуданд. Дар ин замина миёни роҳбарияти шаҳр ва хоҷагидорон доир ба имконияти истеҳсол ва содироти маҳсулоти кишоварзии шаҳри Турсунзода ба Ҷумҳурии Қазоқистон музокирот баргузор шуд. Дар ин бора котиби матбуоти Раиси шаҳри Турсунзода Фирӯз Холиқов ба хабарнигори АМИТ «Ховар» Субҳониддини Маҳмуд иттилоъ дод.

Сардори хоҷагии «Боғи Сомон» Маҳмадамин Камолов доир ба парвариши беш аз 10 намуд ангури хушсифат ва имконоти содиротии маҳсулот маълумот дод.

Ҳамчунин меҳмонон бо парвариши навъҳои нави ангур ва тарзи нигоҳдории ҳосили он дар сардхонаҳо шинос шуданд. Тоҷирони қазоқистонӣ баъд аз мубодилаи афкор омодагии худро ҷиҳати қабули се ҳазор тонна ангури хушсифат изҳор доштанд.

Баъд аз шиносоӣ бо токзор тоҷирони Ҷумҳурии Қазоқистон ба фаъолияти ангурпарварон ва сифати ангури шаҳри Турсунзода баҳои баланд дода, омодагӣ ба ҳамкориро дар самти қабули ангур изҳор доштанд.


Тавре қаблан АМИТ «Ховар» иттилоъ дод, хоҷагии ангурпарварии «Боғи Сомон»-и Турсунзода дар рӯзҳои ҷамъоварии ҳосил содироти ангурро ба хориҷи кишвар, аз ҷумла Федератсияи Русия оғоз намуд.

Ба иттилои раиси хоҷагии деҳқонии ангурпарварии «Боғи Сомон» Маҳмадамин Камолов, ҳоло дар хоҷагӣ зиёда аз 10 навъи ангур, аз ҷумла «ҳусайнии сиёҳ ва сафед», «ғалаба», «шоҳона», «пешпазак», «кишмиши сиёҳу сафед» ва «Президент», ки асосан навъҳои маҳаллии серҳосил мебошанд, парвариш карда мешаванд. Айни замон ангури навъи «шоҳона» пухта расидааст, ки аъзои хоҷагӣ ба ҷамъоварии ҳосили он машғуланд.

«Боғи Сомон» аз калонтарин хоҷагиҳои ангурпарварии мамлакат ба шумор рафта, саҳмдорони он таҷрибаи бойи нигоҳубини ток ва ангурпарварӣ доранд.

АКС: Мақомоти иҷроияи ҳокимияти давлатии шаҳри Турсунзода

Июль 19, 2022 11:06

Хабарҳои дигари ин бахш

Намояндаи Тоҷикистон дар конфронси байналмилалӣ дар шаҳри Истанбул сухан гуфт
Дар Душанбе созишномаҳо оид ба маблағгузорӣ ба имзо расиданд
Татбиқи Барномаи миёнамуҳлати рушди иқтисоди рақамӣ дар Тоҷикистон баррасӣ шуд
Бонки миллии Тоҷикистон ба оператори низоми пардохтии «Вестерн Юнион Нетворк» иҷозатномаи фаъолият дод
Тоҷикистон номзадии Арабистони Саудиро барои мизбонии «Экспо -2030» ҷонибдорӣ менамояд
Вазорати нақлиёти Тоҷикистон доир ба тағйирёбии ҳамлу нақли бор тавассути гузаргоҳҳои сарҳадии Туркманистон хабар додааст
ОМОДАГӢ БА ЗИМИСТОН. Дар анбори Агентии захираҳои моддии давлатӣ дар Бадахшон миқдори кофии маҳсулоти мавриди ниёзи аввал захира шудааст
Дар Бадахшон барномаи мусоидат ба шуғли аҳолӣ ва омодагӣ ба ҷашни 35-солагии Истиқлолияти давлатӣ баррасӣ шуд
ЛОИҲАИ БАРҚАРОРКУНИИ ҶАНГАЛ ВА БЕҲТАР КАРДАНИ НЕКУАҲВОЛИИ МАРДУМ. Дар Тоҷикистон маҷмӯаи селексионии киштзори писта ташкил ёфт
Гардиши савдои хориҷӣ миёни Тоҷикистон ва кишварҳои СҲШ дар шашмоҳаи якуми соли 2022 68 фоизро ташкил дод
Ҳаҷми маҳсулоти умумии кишоварзии вилояти Хатлон дар сатҳи 106-107 фоиз таъмин гардид
«БЕХАТАРИИ ОБӢ – АСОСИ РУШДИ УСТУВОР». Таҳти ин унвон дар Душанбе Конференсияи байналмилалии илмӣ-амалӣ доир мегардад