БА ШАРАФИ 35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Рӯшон 134 иншооти ҷашнӣ бунёд мешаванд
ДУШАНБЕ, 28.07.2022. /АМИТ «Ховар»/. Дар ноҳияи Рӯшони Вилояти Мухтори Кӯҳистони Бадахшон бо мақсади сазовор истиқбол гирифтани ҷашни 35-солагии Истиқлолияти давлатии Ҷумҳурии Тоҷикистон 134 иншоот мавриди истифода қарор мегиранд. Бештари ин сохтмонҳо ба соҳаи иҷтимоӣ, саноатӣ-истеҳсолӣ ва таъмиру тармими иншооти коммуналию иртиботӣ дахл доранд. Дар ин бора зимни суҳбат бо хабарнигори АМИТ «Ховар» Нарзулло АЛИЗОДА Раиси ноҳияи Рӯшон Фаррух ДОДХУДО иттилоъ дод.
Фаррух Додхудо зикр намуд, ки барои амалӣ намудани нақшаи чорабиниҳои мазкур аз ҳисоби ҳамаи сарчашмаҳои маблағгузорӣ барои солҳои 2022-2026 134 лоиҳа ба маблағи 392 млн 162,8 ҳазор сомонӣ дар назар дошта шудааст. Аз ҳисоби буҷети ҷумҳуриявӣ хароҷоти 11 лоиҳа 39 млн 113,0 ҳазор сомонӣ ё 9,9 фоиз, аз буҷети вилоятӣ ва маҳаллӣ 2 лоиҳа 2 млн 560,0 ҳазор сомонӣ ё 0,6 фоиз, аз ҳисоби сармояи хориҷӣ 49 лоиҳа 340 млн 142,9 ҳазор сомонӣ ё 86,7 фоиз, бо саҳми ҷомеа ва шарикони рушд 15 лоиҳа 2 млн 135,0 ҳазор сомонӣ ё 0,6 фоиз ва бо саҳми соҳибкорон 57 лоиҳа 8 млн 212,0 ҳазор сомонӣ ё 2,2 фоизро ташкил медиҳад.
Имсол дар ноҳия бунёди 31 иншооти хурду бузург пешбинӣ шудааст. Ба ҳолати ҳозира коргоҳи дӯзандагӣ барои 15 ҷои кор дар маркази ноҳия мавриди истифода қарор дода шуда, дар 20 иншоот корҳо идома доранд.
Аз ҷумла, корҳои сохтмони бинои маркази фарҳангӣ ва маърифатӣ дар деҳаи Сипонҷ, бинои маъмурии ҷамоати Рӯшон, боғчаи бачагона дар деҳаи Барӯшон барои 125 ҷой, бинои боғчаи кӯдаконаи хусусӣ дар маркази ноҳия барои 100 ҷой, нуқтаи таъмири нақлиёт дар деҳаи Пастхуф, бунёди боғ дар деҳаи Шуҷанд, ташкили гармхонаҳо дар маркази ноҳия ва деҳаи Дерзуд, ташкили фермаи говҳои хушзоти ширдеҳ дар деҳаи Шуҷанд, майдончаи варзишӣ дар деҳаи Нурвум, бинои толори варзишӣ дар водии Хуф, бинои толори варзишӣ дар деҳаи Барӯшон, роҳи дохилии деҳаи Шидз ва мавзеи Девлох, ҳаммом дар деҳаи Барзуд ва барқарорсозии роҳи мошингарди Рӯшон-Бартанг ҷараён дошта, дар 10 иншоот корҳои сохтмонӣ ҳанӯз оғоз нагардидаанд.
Мақомоти иҷроияи ҳокимияти давлатии ноҳияи Рӯшон дар ҳамкорӣ бо ташкилоту муассиса, ҷамоатҳои деҳот ва соҳибкорон баҳри сазовор таҷлил намудани санаи фархундаи 35-солагии Истиқлолияти давлатии Ҷумҳурии Тоҷикистон неруи созандаю бунёдкоронаро баҳри дар муҳлати муқарраргардида ба истифода супоридани иншооти нақшавӣ равона намудааст.
АКС: АМИТ «Ховар»
Маҷлиси Ҳукумати Ҷумҳурии Тоҷикистон баргузор шуд
Дар деҳаҳои Қалъаи нав, Ҷавонӣ ва Чормағзи шаҳри Роғун се кӯдакистон ба истифода дода шуд
«ҲАР ОН КАС, КИ ШОҲНОМАХОНӢ КУНАД…». Дар Тоҷикобод даври ноҳиявии Озмуни ҷумҳуриявии «Шоҳномахонӣ» доир гардид
Муовини Сарвазири Тоҷикистон Дилрабо Мансурӣ бо фаъолони шаҳри Исфара вохӯрӣ намуд
СОЛИ ОБОДОНИВУ СОЗАНДАГӢ. Дар Суғд зиёда аз 12 ҳазор иншоот ба истифода дода шуд
Дар Барселона имконоти сармоягузории Тоҷикистон муаррифӣ гардид
СОҲИБКОРӢ ҲАМ МАСЪУЛИЯТ МЕХОҲАД! Аз ҷониби кормандони Кумитаи бехатарии озуқаворӣ маҳсулоти гӯштии бесифат мусодира карда шуд
Фармони Президенти Ҷумҳурии Тоҷикистон «Дар бораи танзими музди меҳнат ва пардохти иловапулӣ ба музди меҳнати кормандони соҳаи технологияҳои иттилоотию коммуникатсионӣ» ба имзо расид
Муқовимат ба коррупсия омили муҳими рушди устувори Тоҷикистон аст
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода муассисаҳои таълимӣ, кӯдакистони хусусӣ ва толорҳои варзишӣ бунёд карда мешаванд
Дар Тоҷикистон 556,5 гектар боғҳои нав бунёд карда шуданд
ЗЕҲНИ СУНЪӢ ЧИСТ? Ва ё мошинҳои ҳисоббарор метавонанд ба монанди инсон фикр карда, қарор қабул намоянд?
