Дар ҷаласаи навбатии сарони давлатҳои СҲШ дар Самарқанд масъалаи узвияти Беларус баррасӣ мегардад

Июль 12, 2022 11:36

ДУШАНБЕ, 12.07.2022. /АМИТ «Ховар»/. Беларус барои узвият ба Созмони ҳамкории Шанхай (СҲШ) дархост дод. Дархости мазкур аллакай ба кишварҳои узв ирсол гардида, мумкин аст, дар ҷаласаи имсолаи сарони давлатҳо дар Самарқанд расмиёти шомилшавии Беларус ба узвияти СҲШ оғоз шавад. Тавре АМИТ «Ховар» иттилоъ медиҳад, дар ин бора дирӯз, 11 июл иҷрокунандаи вазифаи Вазири корҳои хориҷии Ҷумҳурии Узбекистон Владимир Норов изҳор дошт.

«Айни замон Беларус дархост дод (дар бораи узвият – тавзеҳи АМИТ «Ховар»). Имрӯз дархости Беларус ба кишварҳои узв ирсол гардид. Агар қарори умумӣ қабул гардад ва фикр мекунам, ки ҳамин тавр ҳам мешавад, дар ҷаласаи сарони давлатҳо дар Самарқанд (СҲШ) қарор дар бораи оғози расмиёти шомил гардидани Беларус ба СҲШ қабул мегардад», — гуфт В. Норов дар мизи мудаввар дар Москва.

Ёдовар мешавем, ки ҷаласаи 21-уми сарони давлатҳои СҲШ 15-16 сентябр дар Самарқанд баргузор мешавад, ки дар он Эрон ҳамчун кишвари нозир акнун ба узвияти ин Созмон пазируфта мешавад: намояндагони он меморандумро дар бораи уҳадориҳо ба ҳайси узви ин созмон имзо мекунанд.

Бояд тазаккур дод, ки ҷаласаи 20-уми сарони давлатҳои СҲШ 17 сентябри соли 2021 дар шаҳри Душанбе таҳти раёсати Президенти Ҷумҳурии Тоҷикистон муҳтарам Эмомалӣ Раҳмон баргузор шуд, ки дар он тартиби пазируфтани Эрон ба ин Созмон ва додани мақоми шарики муколама ба Миср, Қатар ва Арабистони Саудӣ оғоз ёфта буд.

Созмони ҳамкории Шанхай (англ. Shanghai Cooperation Organisation) — созмони байналмилалиест, ки 15 июни соли 2001 таъсис ёфтааст. Ҳиндустон, Қазоқистон, Чин, Қирғизистон, Русия, Тоҷикистон, Покистон ва Узбекистон узви ин Созмон буда, кишварҳои нозир дар он Афғонистон, Беларус, Эрон, Муғулистон ва кишварҳои шарик — Озарбойҷон, Арманистон, Камбоҷа, Непал, Туркия ва Шри-Ланка мебошанд.

Июль 12, 2022 11:36

Хабарҳои дигари ин бахш

Тоҷикистон бо Ботсвана муносибатҳои дипломатӣ барқарор намуд
Дар Душанбе машваратҳои сиёсӣ байни Тоҷикистон ва Латвия баргузор шуданд
Вазири корҳои хориҷии Узбекистон муносибатҳои дуҷонибаро бо Тоҷикистон мусбат арзёбӣ намуд
МУБОРАК БОШАД! «Ҷашни Сада» ба Феҳристи мероси ғайримоддии башарият ворид гардид
НАВИДИ ФАРҲАНГӢ! «Тазҳиб – санъати зарҳалкорӣ» ба Феҳристи мероси ғайримоддии башарияти ЮНЕСКО ворид шуд
Сафири Тоҷикистон дар Туркия бо волии вилояти Денизли мулоқот намуд
НАВИДИ ФАРҲАНГӢ! «Анъанаи бофтани атласу адрас» ба Феҳристи мероси ғайримоддии башарияти ЮНЕСКО ворид шуд
Дар Остона «Бренди миллии Тоҷикистон» муаррифӣ гардид
Сафири Тоҷикистон бо волии вилояти Айдини Туркия мулоқот намуд
Сафири Тоҷикистон бо Мудири генералии Маркази обии Женева мулоқот намуд
Намояндаи Тоҷикистон дар ҷаласаи 7-уми Гурӯҳи кории UNECE оид ба шарикии давлат ва бахши хусусӣ иштирок намуд
Ҳамкории минтақаҳои Тоҷикистон бо вилояти Измири Туркия баррасӣ гардид