Дар Душанбе «Барномаи давлатии рушди ғизои мактабӣ дар Ҷумҳурии Тоҷикистон барои солҳои 2022-2027» муаррифӣ шуд
ДУШАНБЕ, 01.07.2022 /АМИТ «Ховар»/. Бо амали гардидани «Барномаи давлатии рушди ғизои мактабӣ дар Ҷумҳурии Тоҷикистон барои солҳои 2022-2027» давомот ва азхудкунии дарсҳо аз тарафи мактаббачагон беҳтар гардида, бемориҳои музмини узвҳои ҳозима (меъдаю рӯда) пешгирӣ карда мешаванд. Инчунин баҳри пешгирӣ намудани норасоии ғизоӣ қадпастӣ ва камвазнӣ мусоидат хоҳад намуд. Ин матлаб 30 июн зимни муаррифии барномаи мазкур дар Китобхонаи миллии Тоҷикистон баён гардид.
Тавре аз маркази матбуоти Вазорати тандурустӣ ва ҳифзи иҷтимоии аҳолии мамлакат иттилоъ доданд, «Барномаи давлатии рушди ғизои мактабӣ дар Ҷумҳурии Тоҷикистон барои солҳои 2022-2027» бо қарори Ҳукумати Ҷумҳурии Тоҷикистон аз 27 апрели соли 2022 тасдиқ карда шудааст.
Иштирокддорон зимни муаррифии барнома зикр намуданд, ки «Барномаи давлатии рушди ғизои мактабӣ дар Ҷумҳурии Тоҷикистон барои солҳои 2022 – 2027» мутобиқи моддаи 11 Қонуни Ҷумҳурии Тоҷикистон «Дар бораи дурнамоҳои давлатӣ, консепсияҳо, стратегияҳо ва барномаҳои рушди иҷтимоию иқтисодии Ҷумҳурии Тоҷикистон», тибқи иҷрои банди 25 – и нақшаи қарори Ҳукумати Ҷумҳурии Тоҷикистон аз 29 сентябри соли 2017 «Стратегияи рушди устувори ғизои мактабӣ дар Ҷумҳурии Тоҷикистон барои давраи то соли 2027» ва бандҳои 29 – 30 «Консепсияи беҳтар намудани ғизои мактабӣ дар муассисаҳои таҳсилоти умумии Ҷумҳурии Тоҷикистон», ки аз 28 феврали соли 2015 тасдиқ шудааст, аз тарафи Шӯрои ҳамоҳангсозӣ оид ба ғизои мактабӣ дар Ҷумҳурии Тоҷикистон бо мусоидати Барномаи озуқавории ҷаҳонии Созмони Милали Муттаҳид ва дастгирии техникии Созмони мухтори ғайритиҷоратии «Пажуҳишгоҳи соҳавии ғизо» (Федератсияи Русия) таҳия гардидааст.
Барнома дар заминаи таҳлили умумии вазъи кунунии ғизои мактабӣ таҳия шуда, мақсадҳо, вазифаҳо, самтҳои асосии рушди минбаъдаи низоми ғизои мактабӣ, марҳилаҳои асосии амалигардонӣ, натиҷаҳо ва индикаторҳои банақшагирифташуда, инчунин тартиби ташкили мониторинг ва баҳодиҳии комёбиҳои натиҷаҳои ба нақша гирифташударо муайян месозад.
Гуфта шуд, ки барнома васеъшавии пайдарҳами иҳота намудани низоми ғизои мактабӣ дар муассисаҳои таълимиро вобаста аз имкониятҳои иқтисодӣ, рушди иҷтимоӣ ва демографии Ҷумҳурии Тоҷикистон ва минтақаҳои алоҳида пешбинӣ менамояд. Муқаррароти барнома ҳангоми таҳия ва амалӣ намудани барномаҳои давлатӣ дар самти маориф, рушди иҷтимоӣ, тандурустӣ, комплекси агросаноатӣ, баланд бардоштани некӯаҳволии мардум ба назар гирифта шудааст.
Ҳамчунин зикр шуд, ки амнияти озуқаворӣ ва ғизо яке аз масъалаҳои афзалиятноки Ҳукумати Ҷумҳурии Тоҷикистон қабул гардидааст. Вайроншавии низоми ғизо, ки ба омилҳои истеъмоли ғизо ва бемориҳои вобаста ба хӯрок алоқаманд мебошад, барои тандурустии ҷамъиятӣ мушкилоти ҷиддӣ ба ҳисоб меравад.
АКС: Вазорати тандурустӣ ва ҳифзи иҷтимоии аҳолии ҶТ
«ОИЛАИ НАМУНАВӢ». Дар ноҳияи Ҷалолиддини Балхӣ даври вилоятии озмун баргузор шуд
«ДӮСТИ ПАЙВАНДИ ҶОНРО ГУМ МАКУН». Як гурӯҳ ҷавонони фаъоли Тоҷикистон тавассути «Қатораи ҷавонӣ» аз Душанбе ба шаҳри Турсунзода рафтанд
Ба иштирокчии ҷанг ва собиқадори меҳнати 104-сола Зайнулло Алиев кумакпулии яквақта расонида шуд
Корҳо барои рафъи оқибатҳои сел аз ҷониби комиссияҳои ҳолатҳои фавқулодаи шаҳру ноҳияҳои Тоҷикистон анҷом дода шуданд
СОЛИ МАЪРИФАТИ ҲУҚУҚӢ. Шуурнокии ҳуқуқии миллат муайянкунандаи дараҷаи рушди давлат ва таъмингари нуфузи он дар ҷаҳони муосир аст
Дар Душанбе ҷаласаи Шурои роҳбарони мақомоти муҳоҷирати давлатҳои иштирокдори ИДМ доир мешавад
ҲУШДОР! 10-12 май тағйирёбии вазъи ҳаво ва офатҳои табиии эҳтимолӣ дар назар аст
Ба иштирокчиён ва маъюбони ҷанги солҳои 1941-1945 кумакпулии яквақта расонида шуд
Дар минтақаи Кӯлоб оид ба ҳифзи арзишҳои миллӣ ва пешгирии хурофотпарастӣ ҷаласа доир гардид
«ИСТИҚБОЛИ САРБОЗИ ВАТАН ШАРАФ АСТ». Кумитаи кор бо ҷавонон ва варзиш сарбозони аз қисмҳои ҳарбӣ баргаштаро пешвоз мегирад
Дар якчанд шаҳру ноҳияҳои Тоҷикистон бар асари бориши шадид сел ба амал омад
МАСИРИ МУҲОҶИРАТИ МЕҲНАТӢ. Андешаҳои Абдураҳим Шоҳиён дар робита ба ин мавзуъ
