Дар Ҳиндустон интихоботи президентӣ оғоз гардид

ДУШАНБЕ, 19.07.2022 /АМИТ «Ховар»/. Дар Ҳиндустон интихоботи президентӣ оғоз шуд. Барои курсии сарвари давлат ду номзад — Драупади Мурму аз Иттиҳоди  миллии демократӣ ва Яшвант Синҳа аз ҳизби «Тринамули умумиҳиндустонӣ» мубориза мебаранд, хабар медиҳад АМИТ «Ховар» бо истинод ба ТАСС.

Зикр мешавад, ки ба ҳайат вакилони ду палатаи парлумони мамлакат: палатаҳои поёнӣ ва болоӣ, инчунин намояндагони парлумонҳои минтақавии 28 иёлат ва ду ҳудуди иттифоқӣ дохиланд. Ҳамагӣ 4,8 ҳазор нафар.

Ҳисоби ниҳоии овозҳо 21 июл дар пойтахт, ки ҳама баргаҳои раъйдиҳӣ ба онҷо оварда мешаванд, баргузор мешавад. Ҳисобкунӣ раванди хеле мураккаб аст, зеро овози ҳар интихобкунанда вобаста ба шумораи аҳолии иёлате, ки онро намояндагӣ мекунад, «арзиш»-и гуногун дорад.

Гуфта мешавад, ки муҳлати ваколати президенти кунунӣ Рам Натҳ Ковинд 24 июл ба поён мерасад ва бар асоси Конститутсия президенти нав бояд то санаи муайяншуда аллакай интихоб гардида, 25 июл савганд ёд кунад.

АКС: Unsplash